அதிமுக பொதுக்குழு நடைபெற உள்ள இடத்தில் முன்னாள் அமைச்சர்கள் ஆய்வு..!

சென்னை,

சென்னை வானகரத்தில் அதிமுக பொதுக்குழு நாளை நடைபெற உள்ள நிலையில் செய்யப்பட்டுள்ள ஏற்பாடுகளை முன்னாள் அமைச்சர்கள் பார்வையிட்டு வருகின்றனர்.

அதிமுக பொதுக்குழு கூட்டம் நாளை நடைபெற உள்ளது. இந்த நிலையில், சென்னை வானகரத்தில் பொதுக்குழு நடைபெற உள்ள இடத்தில் முன்னாள் அமைச்சர்கள் செங்கோட்டையன், நத்தம் விஸ்வநாதன், முன்னாள் அமைச்சர் மாதவரம் மூர்த்தி, அலெக்சாண்டர் உள்ளிட்டோர் நேரில் ஆய்வு செய்து வருகின்றனர்.

பொதுக்குழு கூட்டத்துக்கு வருபவர்கள் கார் நிறுத்தும் கார் பார்க்கிங் பகுதி உள்ளிட்டவைகளை ஆய்வு செய்து வருகின்றனர். கார்கள், வண்டிகள் நிறுத்துவதற்கு தேவையான ஏற்பாடுகள் உள்ளதா என்பது போன்ற பல்வேறு அம்சங்களை முன்னாள் அமைச்சர்கள் ஆய்வு செய்து வருகின்றனர்.