உலக பேட்மிண்டன் தரவரிசையில் இந்திய வீரர் லக்ஷயா சென் 8-வது இடத்துக்கு முன்னேற்றம்
உலக பேட்மிண்டன் தரவரிசையில் இந்திய வீரர் லக்ஷயா சென் 8-வது இடத்துக்கு முன்னேற்றினார்.;
கோப்புப்படம்
புதுடெல்லி,
பேட்மிண்டன் வீரர், வீராங்கனைகளின் புதிய தரவரிசைப்பட்டியலை சர்வதேச பேட்மிண்டன் சம்மேளனம் நேற்று வெளியிட்டது. இதன்படி ஆண்கள் ஒற்றையர் பிரிவில் டென்மார்க் வீரர் விக்டர் ஆக்சல்சென் முதலிடத்தில் நீடிக்கிறார்.
இந்திய இளம் வீரர் லக்ஷயா சென் ஒரு இடம் உயர்ந்து 8-வது இடத்தை பிடித்துள்ளார். இது அவருடைய சிறந்த தரநிலையாகும். ஆண்கள் இரட்டையர் பிரிவில் இந்தியாவின் சிராக் ஷெட்டி-சாத்விக் சாய்ராஜ் ரங்கி ரெட்டி இணை 8-வது இடத்தில் தொடருகிறது.
இந்தியாவின் எம்.ஆர்.அர்ஜூன்-துருவ் கபிலா ஜோடி 2 இடம் அதிகரித்து 21-வது இடத்துக்கு வந்துள்ளது. பெண்கள் ஒற்றையர் பிரிவில் ஜப்பான் வீராங்கனை அகானே யமாகுச்சி 'நம்பர் ஒன்' வீராங்கனையாக வலம் வருகிறார். ஒலிம்பிக்கில் 2 பதக்கம் வென்றவரான இந்திய நட்சத்திர வீராங்கனை பி.வி.சிந்து 6-வது இடத்தில் மாற்றமின்றி தொடருகிறார்.