வெஸ்ட் இண்டீஸ்க்கு எதிரான 2வது டெஸ்ட்: முதல் இன்னிங்சில் ஆஸ்திரேலியா 286 ரன்களில் ஆல் அவுட்

க்ரெனடா,

ஆஸ்திரேலிய கிரிக்கெட் அணி வெஸ்ட் இண்டீஸில் சுற்றுப்பயணம் மேற்கொண்டு 2 போட்டிகள் கொண்ட டெஸ்ட் தொடரில் ஆடி வருகிறது. இதில் முதல் போட்டியில் ஆஸ்திரேலியா வெற்றி பெற்று தொடரில் 1-0 என முன்னிலையில் உள்ளது. இரு அணிகளுக்கும் இடையிலான 2வது போட்டி நேற்று தொடங்கியது.

இந்த ஆட்டத்திற்கான டாசில் வென்ற ஆஸ்திரேலியா முதலில் பேட்டிங் செய்வதாக அறிவித்தது. தொடர்ந்து முதல் இன்னிங்சை தொடங்கிய ஆஸ்திரேலிய அணி, வெஸ்ட் இண்டீஸ் வீரர்களின் அபார பந்துவீச்சை தாக்குப்பிடிக்க முடியாமல் அடுத்தடுத்து விக்கெட்டுகளை இழந்தது.

இதில் கான்ஸ்டாஸ் 25 ரன், கவாஜா 16 ரன், கேமரூன் க்ரீன் 26 ரன், ஸ்மித் 3 ரன், டிராவிஸ் ஹெட் 29 ரன், கம்மின்ஸ் 17 ரன், ஸ்டார்க் 6 ரன், லயன் 11 ரன் எடுத்து அவுட் ஆகினர். சிறிது நேரம் நிலைத்து நின்று ஆடிய பியூ வெப்ஸ்டர் அரைசதம் அடித்த நிலையில் 63 ரன்னில் அவுட் ஆனார்.

இறுதியில் ஆஸ்திரேலிய அணி தனது முதல் இன்னிங்சில் 66.5 ஓவரில் அனைத்து விக்கெட்டையும் இழந்து 286 ரன்னுக்கு ஆல் அவுட் ஆனது. அத்துடன் முதல் நாள் ஆட்டம் முடிவுக்கு வந்தது. ஆஸ்திரேலிய தரப்பில் அதிகபட்சமாக பியூ வெப்ஸ்டர் 63 ரன் எடுத்தார். வெஸ்ட் இண்டீஸ் தரப்பில் அல்ஜாரி ஜோசப் 4 விக்கெட் வீழ்த்தினார். இன்று 2வது நாள் ஆட்டம் நடக்கிறது.