மலேசியா மாஸ்டர்ஸ் பேட்மிண்டன்: ஸ்ரீகாந்த் அரையிறுதிக்கு முன்னேற்றம்

கோலாலம்பூர்,

மலேசியா மாஸ்டர்ஸ் சர்வதேச பேட்மிண்டன் போட்டி கோலாலம்பூரில் நடந்து வருகிறது. இதில் நேற்று நடந்த ஆண்கள் ஒற்றையர் கால்இறுதி ஆட்டம் ஒன்றில் இந்தியாவின் ஸ்ரீகாந்த், டாமா ஜூனியர் போபோவை (பிரான்ஸ்) சந்தித்தார்.

இந்த மோதலில் ஸ்ரீகாந்த் 24-22, 17-21, 22-20 என்ற செட் கணக்கில் டாமா போபோவை வீழ்த்தி அரைஇறுதிக்கு தகுதி பெற்றார். கடந்த ஒரு ஆண்டில் ஸ்ரீகாந்த் அரைஇறுதி சுற்றை எட்டுவது இதுவே முதல்முறையாகும். ஸ்ரீகாந்த் அடுத்து யுஷி தனகாவை (ஜப்பான்) எதிர்கொள்கிறார்.