உத்தர பிரதேசத்தில் மகா கும்பமேளாவில் கலந்து கொண்டு விட்டு, புனித நீராடி விட்டு, பக்தர்கள் சிலர் சொந்த ஊருக்கு பஸ்சில் திரும்பி கொண்டிருந்தனர். அப்போது, பிரோசாபாத் மாவட்டத்தில் லக்னோ-ஆக்ரா விரைவு சாலையில் வந்து கொண்டிருந்த பஸ் திடீரென தீப்பிடித்து கொண்டது.

இதனை பார்த்ததும் பஸ்சில் இருந்த பயணிகள் அலறியடித்தபடி வெளியே தப்பி ஓடினர். எனினும், பஸ்சில் ஆழ்ந்து தூங்கிய நபர் பலியான சோகம் ஏற்பட்டு உள்ளது.

மராட்டியத்தில் ஜி.பி.எஸ். எனப்படும் மர்ம நோய் பாதிப்பு எண்ணிக்கை 207 ஆக உயர்ந்து உள்ளது. இதுவரை, பாதிப்பால் 8 பேர் பலியாகி உள்ளனர் என சுகாதார துறையின் அதிகாரப்பூர்வ தகவல் தெரிவிக்கின்றது.

மயிலாடுதுறையில் சாராய விற்பனை காரணமாக 2 பேர் படுகொலை செய்யப்பட்டதாக வெளியாகும் செய்தி தவறானது. முன்விரோதத்தால் மது போதையில் ஏற்பட்ட தகராறுதான் காரணம் என மாவட்ட காவல் துறை விளக்கம் அளித்துள்ளது. இந்த சம்பவம் தொடர்பாக உண்மைக்கு புறம்பான தகவல்களை பரப்ப வேண்டாம் என்றும் தெரிவித்து உள்ளது.

மணிப்பூரின் 2 மாவட்டங்களில் தடை செய்யப்பட்ட இயக்கங்களை சேர்ந்த 9 பயங்கரவாதிகளை பாதுகாப்பு படையினர் கைது செய்தனர். அவர்களிடம் இருந்து கைத்துப்பாக்கிகள், எறிகுண்டுகள் உள்ளிட்ட ஆயுதங்கள் கைப்பற்றப்பட்டன.

த.வெ.க. தலைவர் விஜய்யின் உயிருக்கு அச்சுறுத்தல் இருப்பதாக தகவல் கிடைத்ததால், Y பிரிவு பாதுகாப்பு கொடுக்கப்பட்டுள்ளது. விஜய் பா.ஜ.க.வை எதிர்த்து பேசியுள்ளார். ஆனாலும் பாரபட்சம் பார்க்காமல் மக்களுக்காக செயலாற்றுவதுதான் பாஜக என அக்கட்சியின் தமிழக தலைவர் அண்ணாமலை தெரிவித்து உள்ளார்.

முதல்-அமைச்சர் தலைமையில் ஆலோசனைக் கூட்டம்: அ.தி.மு.க. முன்னாள் அமைச்சர் செங்கோட்டையன் பங்கேற்பு

தமிழ்நாடு முதல்-அமைச்சர் மு.க.ஸ்டாலின் தலைமையில் மாநில வளர்ச்சி ஒருங்கிணைப்பு மற்றும் கண்காணிப்புக்குழு ஆலோசனைக் கூட்டம் நடைபெறுகிறது. இந்த ஆலோசனைக் கூட்டத்தில் அ.தி.மு.க. முன்னாள் அமைச்சர் செங்கோட்டையன் பங்கேற்றுள்ளார்.

பி.எஸ்.என்.எல். நிறுவனம் 17 ஆண்டுகளில் முதன்முறையாக, ரூ.262 கோடி என்ற அளவில் லாபம் ஈட்டி சாதனை படைத்து உள்ளது.

சென்னையில் ஆபரண தங்கத்தின் விலை சவரனுக்கு ரூ.800 குறைந்து ரூ.63,120க்கும், ஒரு கிராம் ரூ.7,890க்கும் விற்பனையாகி வருகிறது.