சினிமா செய்திகள்

தீபிகா படுகோனேவின் மத்திய அரசு விளம்பர படம் நிறுத்தம்? + "||" + Deepika Padukone's Central Government Promotional Film Stop?

தீபிகா படுகோனேவின் மத்திய அரசு விளம்பர படம் நிறுத்தம்?

தீபிகா படுகோனேவின் மத்திய அரசு விளம்பர படம் நிறுத்தம்?
டெல்லியில் ஜவகர்லால் நேரு பல்கலைக்கழக மாணவர்கள் தாக்கப்பட்ட சம்பவத்துக்கு நடிகை தீபிகா படுகோனே எதிர்ப்பு தெரிவித்ததுடன் பல்கலைக்கழகத்துக்கே நேரில் சென்று மாணவர்கள் நடத்திய போராட்டத்தில் கலந்து கொண்டார்.
தீபிகா படுகோனேவின் துணிச்சலை பாராட்டினர். அவருக்கு எதிர்ப்பும் கிளம்பியது. தனது சப்பாக் படத்தை விளம்பரப்படுத்த இப்படி செய்கிறார் என்று விமர்சித்தனர். அந்த படத்தை அனைவரும் புறக்கணிக்க வேண்டும் என்றும் வலைத்தளங்களில் கருத்துக்கள் பதிவிட்டனர். 

சப்பாக் படத்துக்கு டிக்கெட் முன்பதிவு செய்து அதை ரத்து செய்த புகைப்படத்தையும் வெளியிட்டுள்ளனர்.

இதுகுறித்து கருத்து தெரிவித்த தீபிகா படுகோனே, “நான் நடித்த பத்மாவத் படம் வந்தபோதும் இப்படித்தான் எதிர்த்தார்கள். இதற்காக எனது நிலைப்பாட்டை மாற்றிக்கொள்ள மாட்டேன். இந்தியாவின் நிலையை நினைத்தால் பயமாக இருக்கிறது” என்றார்.

மத்திய அரசின் ‘ஸ்கில் இந்தியா’ திட்ட விளம்பர படத்தில் தீபிகா படுகோனே நடித்து இருந்தார். அனைவருக்கும் சம வாய்ப்புகள் அளிப்பது குறித்த விழிப்புணர்வு படமாக இதை எடுத்து இருந்தனர். இந்த விளம்பர படத்தை மத்திய அரசு நிறுத்தி விட்டதாக இணைய தளங்களில் தகவல் பரவி வருகிறது.

இந்த விளம்பரத்தை முறையாக எடுக்கவில்லை என்றும், விளம்பர வீடியோவை மதிப்பீடு செய்து வருவதாகவும் ஒரு அதிகாரி தெரிவித்ததாகவும் கூறப்படுகிறது.

தொடர்புடைய செய்திகள்

1. மாணவர்கள் போராட்டத்தில் பங்கேற்ற தீபிகா படுகோனே படத்துக்கு எதிர்ப்பு
டெல்லியில் ஜவகர்லால் நேரு பல்கலைக்கழக மாணவர்கள் தாக்கப்பட்ட சம்பவத்துக்கு டாப்சி, கியூமா குரோசி, சுவரா பாஸ்கர், தியா மிர்சா, சோனம் கபூர், அலியா பட், சோனாக்சி சின்ஹா உள்ளிட்ட பல நடிகைகள் கண்டனம் தெரிவித்தனர்.
2. நடிகை தீபிகா படுகோனேக்கு பா.ஜனதா கண்டனம்
ஜே.என்.யு. மாணவர்கள் போராட்டத்தில் பங்கேற்ற நடிகை தீபிகா படுகோனேக்கு பாரதீய ஜனதா கண்டனம் தெரிவித்துள்ளது.
3. தீபிகா படுகோனே - அலியாபட் மோதல்
மும்பையில் நடந்த திரைப்பட நேர்காணல் நிகழ்ச்சியொன்றில் பங்கேற்க கணவர் ரன்வீர் சிங்குடன் தீபிகா படுகோனே சென்று இருந்தார். இதில் விஜய் தேவரகொண்டா, அலியாபட் உள்பட மேலும் சில நட்சத்திரங்கள் பங்கேற்றனர்.
4. தீபிகா படுகோனேவை உலுக்கிய கதாபாத்திரம்
டெல்லியை சேர்ந்த லட்சுமி அகர்வால் என்ற பெண்ணை குட்டா என்பவர் தன்னை திருமணம் செய்து கொள்ளும்படி வற்புறுத்தினார். அதற்கு லட்சுமி அகர்வால் மறுத்ததால் அவர் முகத்தில் திராவகம் வீசினார்.
5. வைரலாகும் சர்ச்சை வீடியோ: தீபிகா படுகோனே போதை பொருள் பயன்படுத்தினாரா?
இந்தி பட உலகில் முன்னணி இயக்குனர் மற்றும் தயாரிப்பாளராக இருக்கும் கரண் ஜோகர், மும்பையில் நடிகர்-நடிகைகளுக்கு விருந்து கொடுத்தார்.