ஆஸ்கார் விருதுக்கான பரிந்துரையில் தமிழ் திரைப்படமான மண்டேலா...?

கொல்கத்தா,

94-வது அகாடெமி விருதுகள் (ஆஸ்கார்)  அடுத்த ஆண்டு மார்ச் 27ம் தேதி நடைபெற உள்ளது. ஆஸ்கார் விருது பட்டியலில்  ‘சிறந்த வெளிநாட்டு திரைப்படத்துக்கான’ பிரிவில் இந்திய திரைப்படம் ஒன்றை தேர்வு செய்யும் பணி கொல்கத்தாவில் நடைபெற்று வருகிறது. ‘சர்தார் உத்தாம்’, ‘ஷேர்னி’, ‘செல்லோ ஷோ’, ‘நாயாட்டு’, ‘மண்டேலா’  உள்ளிட்ட 14 திரைப்படங்கள் ஆஸ்கார் விருதுக்கான பரிந்துரை பட்டியலில் இடம்பெற போட்டியிடுகின்றன.

இந்திய திரைப்பட கூட்டமைப்பில் இருந்து மொத்தம் 15  நடுவர்கள், மலையாள படத் தயாரிப்பாளர் சாஜி என்.கருண் தலைமையில் மேற்கண்ட 14 திரைப்படங்களையும் பார்வையிடுகின்றனர். “ஆஸ்கார் விருதை வென்ற முதல் இந்தியர் - சத்யஜித் ராயின்” நூற்றாண்டு வருடம் என்பதால்,  கொல்கத்தாவில் நடைபெறும் திரைப்பட தேர்வு நிகழ்ச்சி அவருக்கு செலுத்தும் அஞ்சலியாக அமையும் என்று திரைப்பட கூட்டமைப்பை சேர்ந்த ஒருவர் தெரிவித்தார்.