'எனக்கு தொப்பை வந்துவிட்டது'- லட்சுமிமேனன் கவலை

பள்ளியில் படித்து கொண்டிருந்தபோதே, சினிமாவில் கதாநாயகியாக நடிக்க வந்தவர், லட்சுமிமேனன். இவர் தமிழில் 'சுந்தரபாண்டியன்' படத்தின் மூலம் அறிமுகம் ஆனார். 'கும்கி', 'குட்டிப்புலி', 'பாண்டியநாடு', 'நான் சிகப்பு மனிதன்', 'மஞ்சப்பை', 'ஜிகர்தண்டா', 'வேதாளம்', 'மிருதன்', 'ரெக்க' ஆகிய படங்களிலும் நடித்தார்.2016-ம் ஆண்டுக்கு பிறகு அவர் நடிப்பதை நிறுத்திவிட்டு, தனது படிப்பில் கவனம் செலுத்த சென்றுவிட்டார். 5 வருட இடைவெளிக்கு பிறகு கடந்த ஆண்டு விக்ரம் பிரபுவுக்கு ஜோடியாக 'புலிக்குத்தி பாண்டி' என்ற படத்தில் நடித்தார். தற்போது 'சிப்பாய்' என்ற படத்தில் நடித்து வருகிறார்.

லட்சுமி மேனன் ஒரு வீடியோ பதிவை வெளியிட்டுள்ளார். அதில், 'தனக்கு தொப்பை வந்துவிட்டது', என்றும் தெரிவித்து இருக்கிறார். ஆனாலும் 'எப்போதுமே நீங்கள் அழகுதான்' என்று ரசிகர்களும் கருத்துகளை தெரிவித்து வருகிறார்கள்.