தெலுங்கில் முன்னணி வில்லன் நடிகராக இருந்தார். ராம் கோபால் வர்மா இயக்கிய அனைத்து படங்களிலும் நடித்துள்ளார். கைதி நம்பர் 150, ரேஸ் குர்ரம், அட்டாக், சங்கர்தாதா எம்.பி.பி.எஸ், போக்கிரி, நுவ்வொஸ்தானண்டே நேனொத்தண்டனா உள்ளிட்டவை நர்சிங் யாதவ் நடித்த முக்கிய தெலுங்கு படங்கள். இந்தி படங்களிலும் நடித்து இருக்கிறார். அனைத்து மொழிகளிலும் 300 படங்களில் நடித்துள்ளார்.

நர்சிங் யாதவுக்கு சில மாதங்களுக்கு முன்பு உடல்நலக்குறைவு ஏற்பட்டது. சிறுநீரக பிரச்சினையும் இருந்தது. இதற்காக சிகிச்சை பெற்று வந்தார். அவரது உடல்நிலை மோசமடைந்ததால் செயற்கை சுவாச கருவி பொருத்தி சிகிச்சை அளித்தனர். இந்த நிலையில் சிகிச்சை பலன் இன்றி நர்சிங் யாதவ் மரணம் அடைந்தார். அவருக்கு வயது 57. மறைந்த நர்சிங் யாதவுக்கு சித்ரா என்ற மனைவியும் ருத்விக் என்ற மகனும் உள்ளனர்.