சொத்து பிரச்சினை: தங்கை மகன் மீது சுடுகஞ்சியை ஊற்றிய மூதாட்டி கைது

வேதாரண்யம்,

வேதாரண்யத்தை அடுத்த புஷ்பவனம் கிராமத்தை சேர்ந்தவர் குஞ்சு. இவருடைய மனைவி ஜெகதாம்பாள் (வயது67). இவருடைய வீட்டின் அருகே ஜெகதாம்பாளின் தங்கை தமிழ்மணி மகன் ரஜினிகாந்த் (36) என்பவர் குடியிருந்து வருகிறார். அப்போது அந்த நிலத்தின் பட்டாவை தனது பெரியம்மா ஜெகதாம்பாளிடம், ரஜினிகாந்த் கேட்டார். பட்டாவை அவர் கொடுக்க மறுத்து விட்டார். இதுகுறித்து ஜெகதாம்பாள் மகன் குமாரிடம், ரஜினிகாந்த் பட்டா வாங்கி தர கேட்டார். இதனால் ஆத்திரமடைந்த ஜெகதாம்பாள், ரஜினிகாந்தை தரக்குறைவாக பேசி சோறு வடித்த சுடுகஞ்சியை அவர் மீது ஊற்றினார். இதில் படுகாயமடைந்த அவரை உடனே வேதாரண்யம் அரசு மருத்துவமனையில் சேர்த்தனர். பின்னர் திருவாரூர் மருத்துவகல்லூரி மருத்துவமனையில் சேர்க்கப்பட்டு அங்கு அவர் சிகிச்சை பெற்று வருகிறார்.மூதாட்டி கைது

இதுகுறித்த புகாரின் பேரில் வேதாரண்யம் போலீஸ் இன்ஸ்பெக்டர் ராஜசேகரன், இன்ஸ்பெக்டர்(பொறுப்பு) கரிகால்சோழன், சப்–இன்ஸ்பெக்டர் தேவபாலன் மற்றும் போலீசார் வழக்குப்பதிவு செய்து தங்கை மகன் மீது சுடுகஞ்சியை ஊற்றிய ஜெகதாம்பாளை கைது செய்து விசாரணை நடத்தி வருகின்றனர்.