பட்டாசு–தீப்பெட்டிஆலை உற்பத்தியாளர் வேலைநிறுத்தம் நீடிப்பு

இதே போன்று சாத்தூர், ஏழாயிரம்பண்ணை பகுதியில் சுமார் 250 தீப்பெட்டி தொழிற்சாலைகள் உள்ளன. இதன் உப தொழிற்கூடங்கள் 200–க்கும் மேற்பட்டவை உள்ளன. பகுதி எந்திரத்தில் தீப்பெட்டி தயாரிக்க முன்பு 6 சதவீதம் மட்டுமே வரி விதிக்கப்பட்டு இருந்த நிலையில் ஜி.எஸ்.டி.யில் இதனை முழுவதும் எந்திரவகை தயாரிப்பில் சேர்த்து 18 சதவீத வரி அமல்படுத்தியுள்ளனர். சாத்தூர் பகுதியை பொறுத்தவரை பகுதி எந்திர தீப்பெட்டி ஆலைகள்தான் அதிக அளவில் உள்ளன. இதனால் வரியை குறைக்க கோரி உற்பத்தியை நிறுத்தி போராட்டத்தில் குதித்துள்ளனர். இவர்களது வேலை நிறுத்தம் நேற்று 2–வது நாளாக நீடித்தது.

இந்த தொழிலில் சுமார் 1½ லட்சம் தொழிலாளர்கள் ஈடுபட்டு வந்தனர். அவர்களது வாழ்வாதாரம் இப்போது கேள்விக்குறியாகி விட்டது. சாத்தூர் பகுதியில் இருந்து தினமும் சுமார் 300 லாரிகளில் பல்வேறு மாநிலங்களுக்கு தீப்பெட்டிகள் கொண்டு செல்லப்படும். இவை அனைத்தும் முடங்கிக்கிடக்கின்றன.