மாவட்டத்தை பெட்ரோலிய ரசாயன மண்டலமாக மாற்றும் முயற்சியை கைவிட வேண்டும்

சிறப்பு அழைப்பாளராக மாநில தலைவர் கோபாலகிருஷ்ணன் கலந்து கொண்டு பேசினார். கடலூர் மாவட்டத்தை பெட்ரோலிய ரசாயன மண்டலமாக மாற்றும் முயற்சி கைவிட வேண்டும், பரங்கிப்பேட்டை பகுதிகளில் அமைக்கப்பட்டுள்ள இறால் பண்ணைகளை முற்றிலும் அகற்ற வேண்டும், கடலூர் மாவட்டத்தை பேரிடர் மாவட்டமாக அறிவிக்க வேண்டும் என்பன உள்பட பல்வேறு தீர்மானங்கள் நிறைவேற்றப்பட்டன. இதில் முன்னதாக சங்கத்தின் கடலூர் மாவட்ட தலைவராக ரவிச்சந்திரன், செயலாளராக மாதவன், பொருளாளராக தட்சிணாமூர்த்தி ஆகியோர் தேர்வு செய்யப்பட்டுள்ளனர். விழாவில் சங்க நிர்வாகிகள், உறுப்பினர்கள் உள்பட பலர் கலந்து கொண்டனர். இதை தொடர்ந்து சங்கத்தின் சார்பில் பொதுக்கூட்டம் நடைபெற்றது.