தெற்கு எழுத்தாளர் இயக்கம் சார்பில் நாகர்கோவிலில் மாவட்ட கலெக்டர் அலுவலகம் முன் ஆர்ப்பாட்டம்

நாகர்கோவில்,

இந்தியாவில் அணு உலைகளை மூட வேண்டும், சூரிய ஒளி மற்றும் காற்றாலை மின்சாரத்தை அதிகரிக்க நடவடிக்கை எடுக்க வேண்டும் என்பன உள்ளிட்ட கோரிக்கைகளை வலியுறுத்தி தெற்கு எழுத்தாளர் இயக்கம் சார்பில் நாகர்கோவிலில் மாவட்ட கலெக்டர் அலுவலகம் முன் நேற்று ஆர்ப்பாட்டம் நடந்தது.

ஆர்ப்பாட்டத்துக்கு திருத்தமிழ் தேவனார் தலைமை தாங்கினார். அணுசக்திக்கு எதிரான மக்கள் இயக்க ஒருங்கிணைப்பாளர் உதயகுமார் மற்றும் கொடிக்கால் ஷேக் அப்துல்லா, கடிகை ஆன்டனி உள்பட பலர் கலந்துகொண்டனர். தங்களது கோரிக்கைகளை வலியுறுத்தி கோ‌ஷங்களையும் எழுப்பினர்.