காய்ச்சல் அறிகுறி இருந்தால் அரசு ஆஸ்பத்திரியை அணுக வேண்டும்

பின்னர் மாரியப்பன் கென்னடி எம்.எல்.ஏ. கூறியதாவது:– மாவட்டத்தில் உள்ள கிராமங்களில் டெங்கு மற்றும் மர்மக்காய்ச்சல் குறித்து விழிப்புணர்வு ஏற்படுத்தப்பட்டு வருகிறது. பொதுமக்கள் காய்ச்சல் அறிகுறி தென்பட்டால் உடனடியாக அந்தந்த அரசு ஆஸ்பத்திரிகளை உடனடியாக அணுக வேண்டும். மேலும் அரசு ஆஸ்பத்திரிகளில் காய்ச்சல் தொடர்பாக சரிவர சிகிச்சை அளிக்கப்படவில்லை என்றால் உடனடியாக எம்.எல்.ஏ. அலுவலகத்தை தொடர்பு கொள்ளலாம்.

பொதுமக்கள் தங்களது வீட்டை சுற்றி உள்ள அனைத்து பகுதியிலும் பிளாஸ்டிக் பொருட்கள், கழிவுநீர் தேங்காமல் இருக்குமாறு பார்த்து கொள்ள வேண்டும். குடிநீரை காய்ச்சி குடிக்க வேண்டும். மேலும் அந்தந்த கிராமங்களில் நடத்தப்படும் டெங்கு விழிப்புணர்வு முகாமில் வழங்கப்படும் நிலவேம்பு கசாயத்தை குடித்து காய்ச்சல் வராமல் தடுக்க வேண்டும்.

இவ்வாறு அவர் கூறினார்.