பட்டிவீரன்பட்டி,

பட்டிவீரன்பட்டி அருகே உள்ள சங்காரெட்டிகோட்டையை சேர்ந்தவர் விஜேந்திரன். இவருடைய மகன் பாரதிராஜூ (வயது 27). டிரைவர். இவர் தனது நண்பர் தர்மராஜ் (29) என்பவருடன் சாலைபுதூரில் இருந்து சங்காரெட்டிகோட்டை நோக்கி மோட்டார் சைக்கிளில் சென்றுகொண்டிருந்தார். வத்தலக்குண்டு-திண்டுக்கல் சாலையில் சென்ற போது, அந்த வழியாக வந்த வேன், மோட்டார் சைக்கிள் மீது மோதியது.

இதில் படுகாயமடைந்த பாரதிராஜூ சம்பவ இடத்திலேயே பலியானார். படுகாயங்களுடன் உயிருக்கு போராடிக்கொண்டிருந்த தர்மராஜை அக்கம்பக்கத்தினர் மீட்டு சிகிச்சைக்காக அரசு மருத்துவமனையில் சேர்த்தனர். இது குறித்து பட்டிவீரன்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.