இருதரப்பினர் இடையே மோதல் தந்தை – மகன் கைது

வாணாபுரம்,

வாணாபுரம் அருகே உள்ள சதாகுப்பம் பிள்ளையார் கோவில் தெருவை சேர்ந்தவர் ராஜேந்திரன். இவரது மகன் சிலம்பரசன் (வயது 24). இவருக்கும், அதே பகுதியை சேர்ந்த ராமு மகன் சூர்யா (25) என்பவருக்கும் இடையே முன்விரோதம் இருந்தது.

இந்த நிலையில் சம்பவத்தன்று இருவருக்கும் இடையே தகராறு ஏற்பட்டுள்ளது. பின்னர் அது இருதரப்பினர் மோதலாக மாறியது. இதுகுறித்து சிலம்பரசன் வாணாபுரம் போலீசில் புகார் செய்தார். அதன்பேரில் போலீசார் ராமு, சூர்யா, சந்திரன், மீனா ஆகிய 4 பேர் மீது வழக்குப்பதிவு செய்து, ராமுவையும், சூர்யாவையும் கைது செய்தனர்.