மோட்டார் சைக்கிள் மோதி பெண் பலி

வண்டலூர்,

காஞ்சீபுரம் மாவட்டம் வண்டலூர் ஜி.எஸ்.டி. சாலையில் உள்ள இந்திரா குடியிருப்பு பகுதியை சேர்ந்தவர் அன்னால் (வயது 55). இவர் நேற்று மாலை வண்டலூர் மேம்பாலம் அருகே சாலையை கடக்க முயன்றார்.

அப்போது செங்கல்பட்டில் இருந்து தாம்பரம் நோக்கி வேகமாக வந்த மோட்டார் சைக்கிள் அன்னால் மீது மோதியது. இதில் அவர் சம்பவ இடத்திலேயே பலியானார்.

இதுகுறித்து ஒட்டேரி போலீசார் வழக்குப்பதிவு செய்து விசாரித்து வருகின்றனர்.