நாளை மின்சார ரெயில் போக்குவரத்தில் மாற்றம்

மும்பை,

மத்திய ரெயில்வேயின் மெயின் வழித்தடத்தில் உள்ள கல்யாண்- தானே இடையே ஸ்லோ வழித்தடத்தில் நாளை(ஞாயிற்றுக்கிழமை) காலை 11.20 மணி முதல் மாலை 4.20 மணி வரை பராமரிப்பு பணிகள் நடைபெறுகிறது. எனவே நாளை காலை 10.48 மணி முதல் மாலை 4.14 மணி வரை ஸ்லோ ரெயில்கள் அனைத்தும் கல்யாண்- முல்லுண்டு இடையே விரைவு வழித்தடத்தில் இயக்கப் படும். எனவே இந்த ரெயில்கள் தாக்குர்லி, கோபர், மும்ரா, கல்வா ஆகிய ரெயில் நிலையங்களில் நிற்காது. பயணிகள் கல்யாண் நோக்கி செல்லும் ஸ்லோ ரெயில்களில் அங்கு செல்லலாம்.

துறைமுக வழித்தடத்தில் காலை 11.30 மணி முதல் மாலை 4.30 மணி வரை பன்வெல்- மான்கூர்டு இடையே பராமரிப்பு பணிகள் நடைபெற உள்ளது. எனவே காலை 11.06 மணி முதல் மாலை 4.38 மணி வரை பன்வெல், பேலாப்பூர் மற்றும் வாஷியில் இருந்து சி.எஸ்.எம்.டி.க்கும், காலை 10.03 மணி முதல் பிற்பகல் 3.44 மணி வரை சி.எஸ்.எம்.டி.யில் இருந்து வாஷி, பேலாப்பூர் மற்றும் பன்வெலுக்கு ரெயில்கள் இயக்கப்படாது.

இதேபோல காலை 11.02 மணி முதல் மாலை 4.26 மணி வரை பன்வெலில் இருந்து தானேக்கு இடையேயும், காலை 11.14 மணி முதல் மாலை 4 மணி வரை தானேயில் இருந்து பன்வெலுக்கும் ரெயில்கள் இயக்கப்படாது.

இந்த தகவலை மத்திய ரெயில்வே வெளியிட்டுள்ளது.