பணம் திருடிய 3 பெண்கள் கைது

முசிறி,


திருச்சி மன்னார்புரம் பகுதியை சேர்ந்தவர் வடிவேல். இவருடைய மனைவி கோமதி (வயது 38). இவர் நேற்று திருச்சியில் இருந்து தனியார் பஸ்சில் முசிறியில் உள்ள அவருடைய தாய் வீட்டிற்கு வந்தார். முசிறி பஸ் நிலையத்தில் பஸ்சில் இருந்து இறங்கியபோது அவருடைய மணிபர்சை காணவில்லை. அதில் அவர் ரூ.400 வைத்திருந்தார். இதனால் அதிர்ச்சியடைந்த அவர் சத்தம் போட்டார். அப்போது அந்த பஸ்சில் இருந்து 3 பெண்கள் அவசரமாக இறங்கி ஓட முயன்றனர். அருகில் இருந்தவர்கள் அந்த பெண்களை மடக்கி பிடித்து விசாரித்த போது, அவர்கள் மணிபர்சை திருடியது தெரியவந்தது. இதையடுத்து அவர்களிடம் இருந்து பணம் இருந்த மணிபர்ஸ் கைப்பற்றப்பட்டது. இது பற்றி கோமதி முசிறி போலீசில் கொடுத்த புகாரின் பேரில் இன்ஸ்பெக்டர் ஜெயசித்ரா, சப்–இன்ஸ்பெக்டர் ராம்குமார் ஆகியோர் வழக்கு பதிவு செய்து மணிபர்சை திருடிய வேலூர் மாவட்டம் கவுஞ்சூர் பகுதியை சேர்ந்த ஜோதி(32), அலமேலு(37), உஷா(29) ஆகிய 3 பேரையும் கைது செய்து முசிறி குற்றவியல் நடுவர் நீதிமன்றத்தில் ஆஜர்படுத்தி சிறையில் அடைத்தனர்.