அரசு பஸ் மோதி பலியான வாலிபர் அடையாளம் தெரிந்தது: நத்தத்தை சேர்ந்தவர்

உத்தமபாளையம்,

தேனி மாவட்டம் உத்தமபாளையம் அருகே நேற்று முன்தினம் கோவிந்தன்பட்டி-கம்பம் செல்லும் சாலையை, மோட்டார் சைக்கிளில் சென்ற வாலிபர் ஒருவர் கடக்க முயன்றார். அப்போது அந்த வழியாக வந்த அரசு பஸ், மோட்டார் சைக்கிள் மீது மோதியது. இதில் சம்பவ இடத்திலேயே பரிதாபமாக இறந்தார். அவர் யார்? எந்த ஊரை சேர்ந்தவர்? என்று தெரியவில்லை. இதுகுறித்து போலீசார் வழக்குப்பதிவு செய்து விசாரணை நடத்தினர்.

விசாரணையில் அவரது பெயர் செல்வம் (வயது 25) என்றும், திண்டுக்கல் மாவட்டம் நத்தம் அருகே உள்ள ராவுத்தன்பட்டியை சேர்ந்தவர் என்றும் தெரியவந்தது. இவர், சின்னமனூரில் உள்ள கடையில் வேலை செய்து வந்தார் என்பது குறிப்பிடத்தக்கது.