ராகுல் காந்தி இன்று முதல் 3 நாட்கள் பிரசாரம்

பெங்களூரு,

கர்நாடக சட்டசபை தேர்தலையொட்டி அகில இந்திய காங்கிரஸ் தலைவர் ராகுல் காந்தி கர்நாடகத்தில் ஏற்கனவே 8 முறை சுற்றுப்பயணம் மேற்கொண்டு ஆதரவு திரட்டினார். அவர் மாநிலத்தின் பெரும்பாலான பகுதிகளில் சுற்றுப்பயணம் செய்தார். இந்த நிலையில் ராகுல் காந்தி இன்று(திங்கட்கிழமை) முதல் 3 நாட்கள் பிரசாரம் மேற்கொள்கிறார்.

இன்று கோலார், பெங்களூரு புறநகர் ஆகிய இடங்களிலும், நாளை(செவ்வாய்க்கிழமை) சிக்பள்ளாப்பூர், துமகூரு ஆகிய பகுதிகளிலும் ஆதரவு திரட்டுகிறார். 9-ந் தேதி பெங்களூருவில் ராகுல் காந்தி பிரசாரம் மேற்கொண்டு ஆதரவு திரட்டுகிறார். அதேபோல் முன்னாள் பிரதமர் மன்மோகன்சிங் இன்று பெங்களூரு வருகிறார். அவர் பிரசாரம் மேற்கொண்டு ஆதரவு திரட்டுகிறார். அவர் ஒருநாள் பயணத்தை முடித்துக் கொண்டு இன்று மாலையே டெல்லி திரும்புகிறார்.