மாவட்ட செய்திகள்

நடிகர்கள் அரசியலுக்கு வருவதில் எந்த தவறும் இல்லை - கே.ஆர்.விஜயா பேட்டி + "||" + There is no shortage of actors coming into politics

நடிகர்கள் அரசியலுக்கு வருவதில் எந்த தவறும் இல்லை - கே.ஆர்.விஜயா பேட்டி

நடிகர்கள் அரசியலுக்கு வருவதில் எந்த தவறும் இல்லை - கே.ஆர்.விஜயா பேட்டி
‘நடிகர்கள் அரசியலுக்கு வருவதில் எந்த தவறும் இல்லை‘ என்று சேலத்தில் நடிகை கே.ஆர்.விஜயா கூறினார்.

சேலம்,

‘சரணம் பல்லவி‘ என்ற புதிய சினிமா படத்தை சேலத்தை சேர்ந்த சாய் இளவரசன் இயக்குகிறார். இதில் சேலத்தை சேர்ந்த ரிஸ்வான் கதாநாயகனாகவும், பிரியங்கா கதாநாயகியாகவும் நடிக்கின்றனர். படத்தில் வில்லனுடைய அக்காவாக பழம்பெரும் நடிகை கே.ஆர்.விஜயா நடிக்கிறார். இந்த படத்தில் அவர் மக்களுக்கு சேவை செய்வதோடு, காதல் ஜோடியை சேர்த்து வைக்கும் முக்கிய வேடத்தில் நடிக்கிறார்.

இந்த படத்தின் படப்படிப்பு நேற்று சேலம் ஊத்துமலை முருகன் கோவிலில் பூஜையுடன் தொடங்கியது. இதில் கே.ஆர்.விஜயா கலந்துகொண்டு குத்துவிளக்கு ஏற்றிவைத்து, படப்பிடிப்பை தொடங்கி வைத்தார். முன்னதாக அவர் நிருபர்களுக்கு பேட்டி அளித்தார்.

அப்போது அவர் கூறியதாவது:– இந்த படத்தின் கதை வித்தியாசமாக உள்ளதால் நடிக்கிறேன். தற்போது அனைவரின் வாழ்க்கையும் வித்தியாசமாக செல்கிறது. அனைத்துமே வேகமாக உள்ளது. முன்பெல்லாம் ஒரு படத்தில் சில காட்சிகள் மட்டுமே டப்பிங்கில் எடுக்கப்படும். ஆனால் தற்போது படம் முழுவதும் டப்பிங்கில் எடுக்கப்படுகிறது. இன்னும் பல நல்ல நடிகர்கள் சினிமாவுக்கு வரவேண்டும்.

சினிமா என்பது கடல் போன்றது. சினிமா மூலம் பலர் பிழைப்பு நடத்தி வருகின்றனர். நடிகை சாவித்திரியின் வாழ்க்கையை சினிமா படமாக எடுத்து இருப்பது மகிழ்ச்சி அளிக்கிறது. எம்.ஜி.ஆர்., சிவாஜிகணேசன் ஆகியோர் சினிமாவுக்கு வந்து தங்கள் வாழ்க்கையை அர்ப்பணித்து, மக்களுக்கு ஏராளமான அறிவுரைகள் கூறி உள்ளனர். முன்புபோல் தற்போதைய படங்களில் கதைகள் இருப்பதில்லை. தற்போது வேறு விதமான கதையுடன் படங்கள் வருகிறது. கடைசி மூச்சு இருக்கும்வரை நான் தொடர்ந்து நடிப்பேன். ஒவ்வொரு நடிகருக்கும் தனித்திறமை உண்டு.

எந்த நடிகருக்கும் அறிவுரை சொல்லும் அளவில் நான் இல்லை. அதேபோன்று நடிகர், நடிகைகள் கிசுகிசுவிலும் எனக்கு நம்பிக்கை இல்லை. ஏனென்றால் நானே செத்துப்போனதாக செய்திகள் பரப்பப்பட்டன. அதையும் தாண்டி நான் உயிர் வாழ்ந்துகொண்டு இருக்கிறேன். எனக்கு அரசியல் தெரியாது. எம்.ஜி.ஆர்., ஜெயலலிதா ஆகியோர் அரசியலுக்கு வந்து, ஏழை மக்களுக்கு பல்வேறு உதவிகளை செய்து உள்ளனர். தற்போது நடிகர்கள் அரசியலுக்கு வருவதில் எந்த தவறும் இல்லை. அரசியலுக்கு வர அனைவருக்கும் உரிமை இருக்கிறது.

இவ்வாறு அவர் கூறினார்.

பேட்டியின்போது மாநகராட்சி முன்னாள் மேயர் சவுண்டப்பன் உள்பட பலர் உடனிருந்தனர்.



தொடர்புடைய செய்திகள்

1. நடிகை தனுஸ்ரீதத்தாவின் குற்றச்சாட்டு அடிப்படை ஆதாரமற்றது - நடிகர் சங்கத்துக்கு நானா படேகர் விளக்கம்
நடிகை தனுஸ்ரீதத்தாவின் குற்றச்சாட்டு அடிப்படை ஆதாரமற்றது என நடிகர் சங்கத்தில் நானா படேகர் விளக்கம் அளித்து உள்ளார்.
2. சினிமாவில் பலாத்காரம் இல்லை: “பாலியல் சம்பவங்கள் சம்மதத்துடன்தான் நடக்கிறது” - நடிகை ஷில்பா ஷிண்டே
பாலியல் சம்பவங்கள் சம்மதத்துடன்தான் நடக்கிறது நடிகை ஷில்பா ஷிண்டே தெரிவித்துள்ளார்.
3. சினிமாவில் நடக்கும் பிரச்சினை உடனே மக்களை சென்று விடுகிறது - நடிகை சமந்தா பேச்சு
“சினிமாவில் நடக்கும் பிரச்சினை உடனே மக்களை சென்று விடுகிறது“ என்று மதுரையில் நேற்று நடந்த செல்போன் கடை திறப்பு விழாவில் நடிகை சமந்தா கூறினார்.
4. ஹைட்ரோ கார்பன் திட்டத்துக்கான அனுமதியை ரத்து செய்ய வேண்டும் - நடிகர் மன்சூர் அலிகான் பேச்சு
ஹைட்ரோ கார்பன் திட்டத்துக்கான அனுமதியை ரத்து செய்ய வேண்டும் என்று மொடக்குறிச்சியில் மன்சூர் அலிகான் கூறினார்.
5. சபரிமலை கோவிலுக்கு பெண்கள் அனுமதி: பெரியாரின் கொள்கைக்கு கிடைத்த வெற்றி - நடிகர் சத்யராஜ்
சபரிமலை கோவிலுக்கு செல்ல அனைத்து வயது பெண்களுக்கும் அனுமதி அளித்தது பெரியாரின் கொள்கைக்கு கிடைத்த வெற்றி என்று நடிகர் சத்யராஜ் தெரிவித்தார்.