மாவட்ட செய்திகள்

குறுஞ்செய்தி மூலம் மதிப்பெண்களை அறிந்த மாணவர்கள் உறவினர்களுக்கு அனுப்பிவைத்து மகிழ்ந்தனர் + "||" + Students who get scores by SMS

குறுஞ்செய்தி மூலம் மதிப்பெண்களை அறிந்த மாணவர்கள் உறவினர்களுக்கு அனுப்பிவைத்து மகிழ்ந்தனர்

குறுஞ்செய்தி மூலம் மதிப்பெண்களை அறிந்த மாணவர்கள் உறவினர்களுக்கு அனுப்பிவைத்து மகிழ்ந்தனர்
கோவையில் குறுஞ்செய்தி மூலம் மதிப்பெண்களை அறிந்த மாணவர்கள் தங்கள் உறவினர்களுக்கு அந்த தேர்வு முடிவுகளை அனுப்பிவைத்து மகிழ்ந்தனர்.

கோவை,

பிளஸ்–2 பொதுத்தேர்வு முடிவுகளை விரைந்து அறிந்துகொள்ளவும், வீட்டில் இருந்தபடியே தேர்வு முடிவுகளை தெரிந்துகொள்ளவும் அந்தந்த மாணவ–மாணவிகள் பள்ளிகளில் பதிவு செய்த செல்போன் எண்களுக்கு குறுஞ்செய்தி (எஸ்.எம்.எஸ்.) மூலம் அனுப்பிவைக்கும் திட்டம் கடந்த ஆண்டு முதல் அமல்படுத்தப்பட்டது.

அதேபோல் இந்த ஆண்டும் தமிழகம் முழுவதும் நேற்று காலை 9.30 மணியில் இருந்து பிளஸ்–2 மதிப்பெண்கள் மாணவ–மாணவிகளின் செல்போன்களுக்கு குறுஞ்செய்தியாக அனுப்பப்பட்டது. வீட்டிலிருந்தபடியே மாணவ–மாணவிகள் செல்போனில் தேர்வு முடிவுகளை பார்த்து மகிழ்ந்தனர்.

இதில் தேர்ச்சி பெற்ற சில மாணவ–மாணவிகள் தாங்கள் பெற்ற மதிப்பெண்களை சக மாணவ–மாணவிகள் மற்றும் உறவினர்களுக்கு அனுப்பிவைத்தனர். மேலும் அருகில் உள்ள வீட்டில் வசித்து வருபவர்களிடமும் காட்டினர். ஒருசிலர் தாங்களுக்கு அனுப்பிவைக்கப்பட்ட தேர்வுமுடிவுகளை அந்த செல்போனை முகத்தின் அருகே வைத்துக்கொண்டு மற்றொரு செல்போனில் ‘செல்பி’ எடுத்து வாட்ஸ்–அப், முகநூல் உள்ளிட்ட சமூக வலைத்தளங்களில் பதிவிட்டனர்.

காலை 10 மணிக்குள் கோவையில் 70 சதவீத மாணவ–மாணவிகளுக்கு தாங்கள் பெற்ற மதிப்பெண்கள் குறித்து உறவினர்களிடம் தகவல் தெரிவிப்பதற்காக ஒரே நேரத்தில் அனைத்து மாணவ–மாணவிகளும் முயன்றதால் காலை 10 மணியில் இருந்து 10.30 மணி வரை ½ மணி நேரம் செல்போன் சேவை பாதிக்கப்பட்டது.

இது குறித்து மாணவ– மாணவிகள் கூறியதாவது:–

செல்போனில் தேர்வு முடிவுகள் வெளியிட்டு இருப்பது மிகவும் வரவேற்கத்தக்கது.பெரும் பரபரப்பின்றி வீட்டில் இருந்தபடியே குடும்பத்தினருடன் தேர்வு முடிவுகளை பார்த்து பகிர்ந்து கொள்ள முடிந்தது.

கல்வி சேவைகள் அனைத்தும் இனி வங்கி சேவைகள் போல செல்போனில் வரும் நாள் வெகுதொலைவில் இல்லை.முன்பெல்லாம் எத்தனை மார்க் எடுத்து இருக்கிறாய்? என்று கேட்டு உறவினர்கள்,நண்பர்கள் போன் செய்வார்கள். ஒவ்வொருவருக்கும் சொல்லி சொல்லி அலுத்துப்போய்விடும்.தற்போது இந்த மின் அஞ்சலை அப்படியே நொடிபொழுதில் அவர்களுக்கு அனுப்பி அவர்களது பாராட்டையும், வாழ்த்துக்களையும் பெற முடியும்.இது போல மதிப்பெண் மறுகூட்டல், தனி தேர்வுகளுக்கு விண்ணப்பிப்பதை கூட செல்போன் சேவையாக்கலாம்.

இவ்வாறு அவர்கள் தெரிவித்தனர்.


தொடர்புடைய செய்திகள்

1. ஆசிரியை பணி மாற்றத்துக்கு எதிர்ப்பு: தொடக்கப்பள்ளி மாணவ-மாணவிகள் போராட்டம்
தொடக்கப்பள்ளி ஆசிரியையின் பணி மாற்றத்துக்கு எதிர்ப்பு தெரிவித்து மாணவ-மாணவிகள் போராட்டத்தில் ஈடுபட்டனர். அப்போது அங்கு வந்த முதன்மை கல்வி அதிகாரியையும் முற்றுகையிட்டனர்.
2. “மாணவர்களுக்கு தன்னம்பிக்கையை வளர்க்க வேண்டும்” - ஆசிரியர்களுக்கு பொன்.ராதாகிருஷ்ணன் வேண்டுகோள்
“மாணவர்களுக்கு தன்னம்பிக்கையை வளர்க்க வேண்டும்” என்று ஆசிரியர்களுடனான கலந்தாய்வு கூட்டத்தில் மத்திய மந்திரி பொன்.ராதாகிருஷ்ணன் கூறினார்.
3. அரசு ஊழியர்கள் வேலை நிறுத்தத்துக்கு ஆதரவு தெரிவித்து கல்லூரி மாணவர்கள் வகுப்புகளை புறக்கணித்து ஆர்ப்பாட்டம்
அரசு ஊழியர்கள் வேலை நிறுத்த போராட்டத்துக்கு ஆதரவு தெரிவித்து தஞ்சையில் வகுப்புகளை புறக்கணித்து அரசு கல்லூரி மாணவர்கள் ஆர்ப்பாட்டத்தில் ஈடுபட்டனர்.
4. உணவு பொருட்களின் கலப்படத்தை மாணவர்கள் பரிசோதிக்க வேண்டும்; மாவட்ட அதிகாரி கலைவாணி பேச்சு
வீடுகளில் உள்ள உணவு பொருட்களின் கலப்படத்தை மாணவர்கள் பரிசோதிக்க வேண்டும் என்று மாவட்ட உணவு பாதுகாப்பு அதிகாரி கலைவாணி கூறினார்.
5. அரசு பள்ளிகளில் குறைவான மாணவர்கள்: தனியார் கல்வி நிறுவனங்களை நெறிப்படுத்த வேண்டும், மார்க்சிஸ்ட் கம்யூனிஸ்டு கட்சி வலியுறுத்தல்
குறைவான மாணவர்கள் உள்ள அரசு பள்ளிகள் மூடப்படும் நிலையில் தனியார் கல்வி நிறுவனங்களை நெறிப்படுத்தவேண்டும் என்று மார்க்சிஸ்ட் கம்யூனிஸ்டு கட்சி வலியுறுத்தியுள்ளது.