மாவட்ட செய்திகள்

கோபிநாத பெருமாள் கோவில் அருகே கிணற்றில் குவியல் குவியலாக பாம்புகள் இருந்ததால் பரபரப்பு + "||" + The snakes in the well near the Gopinath Perumal temple were snakes in the pile

கோபிநாத பெருமாள் கோவில் அருகே கிணற்றில் குவியல் குவியலாக பாம்புகள் இருந்ததால் பரபரப்பு

கோபிநாத பெருமாள் கோவில் அருகே கிணற்றில் குவியல் குவியலாக பாம்புகள் இருந்ததால் பரபரப்பு
கும்பகோணம் அருகே பட்டீஸ்வரத்தில் உள்ள கோபிநாதபெருமாள் கோவில் அருகே கிணற்றில் குவியல், குவியலாக இருந்து பாம்புகளை தீயணைப்பு வீரர்கள் பிடித்து காட்டில் விட்டனர்.
கும்பகோணம்,

தஞ்சை மாவட்டம் கும்பகோணம் அருகே பட்டீஸ்வரத்தில் கோபிநாதபெருமாள் கோவில் உள்ளது. இந்த கோவில் அருகில் நாகசுந்தரம் என்பவரது தென்னந்தோப்பு உள்ளது. இந்த பகுதியில் உள்ள மூங்கில் மரங்களுக்கு இடையே சுமார் 100 ஆண்டுகள் பழமைவாய்ந்த 20 அடி ஆழமுள்ள கிணறு ஒன்று பராமரிபற்ற நிலையில் உள்ளது. இந்தநிலையில் அங்கு வேலைசெய்யும் விவசாய தொழிலாளர்கள் மூங்கில் மரங்களை வெட்ட சென்றனர். அப்போது மூங்கில் இடுக்குகளிலிருந்து பாம்புகள் வருவதை பார்த்த அவர்கள் அதிர்ச்சி அடைந்து அருகில் உள்ளவர்களுக்கு தகவல் தெரிவித்தனர்.

காட்டில் விட்டனர்

இதைத்தொடர்ந்து அங்கு வந்த மக்கள் அருகில் உள்ள கிணற்றுக்குள் பார்த்தனர். அப்போது அங்கு அவர்கள் கண்ட காட்சி அனைவரையும் அதிர்ச்சியில் ஆழ்த்தியது. பழங்கால கிணற்றுக்குள் சிறிதும் பெரிதுமாக குவியல், குவியலாக பாம்புகள் நெளிந்து கொண்டு இருந்தன. இதனால் அப்பகுதியில் பரபரப்பு ஏற்பட்டது. உடனே இது குறித்து தீயணைப்பு துறையினருக்கும் வனத்துறையினருக்கும் தகவல் தெரிவிக்கப்பட்டது. சம்பவ இடத்துக்கு வந்த தீயணைப்பு துறை நிலைய அலுவலர் முத்துகுமார் தலைமையிலான தீயணைப்பு வீரர்களும், வன காப்பாளர் ஜான்சன் கென்னடி தலைமையிலான வனத்துறை அதிகாரிகளும் கிணற்றுக்குள் குவியல் குவியலாக இருந்த பாம்புகளை நீண்ட கம்பிகள் மூலம் லாவகமாக பிடித்து அருகே உள்ள காட்டுப்பகுதியில் விட்டனர். இதில் சில பாம்புகள் கொடிய விஷம் கொண்ட பாம்புகள் என கூறப்படுகிறது. 


தொடர்புடைய செய்திகள்

1. கிணற்றில் குதித்த இளம்பெண்; காப்பாற்ற முயன்ற 3 வாலிபர்கள் தண்ணீரில் தத்தளிப்பு
வேடசந்தூர் அருகே பெற்றோரிடம் கோபித்துக்கொண்டு கிணற்றில் குதித்து, இளம்பெண் தற்கொலைக்கு முயன்றார். அவரை காப்பாற்ற முயன்ற வாலிபர்கள் 3 பேரும் தண்ணீரில் தத்தளித்தனர்.
2. கிணற்றுக்குள் 3 வீடுகள் திடீரென இடிந்து விழுந்தது
திருப்பூரில் கிணற்றில் 3 வீடுகள் திடீரென இடிந்து விழுந்ததால் பரபரப்பு ஏற்பட்டது. இங்கு வீடுகள் ஆக்கிரமித்து கட்டப்பட்டிருப்பதால் அந்த ஆக்கிரமிப்புகளை அகற்றக்கோரி பொதுமக்கள் சாலை மறியலில் ஈடுபட்டனர்.
3. பள்ளியில் படையெடுத்த பாம்புகள்; மாணவர்கள்- ஊழியர்கள் ஓட்டம்
ஹிங்கோலி மாவட்டம் பங்காரபோகெரே கிராமத்தில் உள்ள மாவட்ட பஞ்சாயத்து பள்ளி நேற்று முன்தினம் வழக்கம் போல் இயங்கி கொண்டிருந்தது.
4. கிணற்றில் வீசி மகளை கொன்று விட்டு பெண் தற்கொலை முயற்சி
பட்டிவீரன்பட்டி அருகே, சீட்டு பணத்தை கணவர் தராததால் கிணற்றில் வீசி மகளை கொன்று விட்டு பெண் தற்காலை முயற்சியில் ஈடுபட்டார். உயிருக்கு ஆபத்தான நிலையில் சிறுவனுக்கு சிகிச்சை அளிக்கப்பட்டு வருகிறது.
5. கிணற்றில் தூர் வார இறங்கியபோது கயிறு அறுந்து தொழிலாளி சாவு
கூடுவாஞ்சேரியில் கிணற்றில் தூர் வார இறங்கியபோது கயிறு அறுந்து தொழிலாளி பரிதாபமாக இறந்தார்.