மாவட்ட செய்திகள்

3 மாதத்திற்கு முன்பு போடப்பட்ட பேரளி-பில்வாடி தார்ச்சாலையை பொதுமக்கள் பயன்படுத்த முடியாமல் அவதி + "||" + The civilian population can not afford to use the Valli-Pilwadi Darchalai 3 months ago

3 மாதத்திற்கு முன்பு போடப்பட்ட பேரளி-பில்வாடி தார்ச்சாலையை பொதுமக்கள் பயன்படுத்த முடியாமல் அவதி

3 மாதத்திற்கு முன்பு போடப்பட்ட பேரளி-பில்வாடி தார்ச்சாலையை பொதுமக்கள் பயன்படுத்த முடியாமல் அவதி
3 மாதத்திற்கு முன்பு போடப்பட்ட பேரளி- பில்வாடி தார்ச்சாலையை பொதுமக்கள் பயன்படுத்த முடியாமல் அவதியடைந்து வருகின்றனர்.
குன்னம்,

பெரம்பலூர் மாவட்டம், குன்னம் அருகே பேரளி கிராமம் முதல் பில்வாடி கிராமம் வரை சுமார் 4 கிலோ மீட்டர் தூரம் உள்ள சாலை கடந்த 10 ஆண்டுகளாக அமைக்கப்படாமல் குண்டும், குழியுமாக இருந்தது. பின்னர் ரூ.92 லட்சம் மதிப்பில் 4 கிலோ மீட்டர் புதிதாக தார்ச்சாலையும், ரூ.14 லட்சம் செலவில் 2 பாலங்களும் வனத்துறை சார்பாக அமைக்கப்பட்டது.


இந்நிலையில், கடந்த பிப்ரவரி மாதம் 13-ந்தேதி பேரளி மற்றும் பில்வாடி கிராம இளைஞர்கள் புதிதாக அமைக்கப்படும் தார்ச்சாலை தரமற்றதாக உள்ளதால், சாலை பணியை நிறுத்த கோரி கோரிக்கை விடுத்தனர். பணியின் மேற்பார்வையாளரும், திருச்சி வன கோட்ட பொறியியல் பிரிவு வனவருமான சியாம் சுந்தர் அப்பகுதி கிராம இளைஞர்களின் கோரிக்கைகளை கேட்டு அறிந்து, முதலில் கிணற்று கல் மற்றும் மண்ணை கொட்டியும், அதற்கு மேல் தூள்மண் கொட்டப்படும். மேலும் ஜல்லி கலவை கொட்டப்படும். தார்ச்சாலை தரமான சாலையாக தான் அமைக்கப்படுகிறது. உங்களுக்கு சந்தேகம் இருப்பின் நீங்களும் அருகில் இருந்து பார்த்து கொள்ளுங்கள் என்று கூறி பேரளி பில்வாடி தார்ச்சாலை முழுமையாக அமைக்கப்பட்டது.

புதிதாக போடப்பட்ட பேரளி-பில்வாடி கிராம தார்ச்சாலை தற்போது 3 மாதம் கடந்த நிலையில், பல இடங்களில் 2 கிலோ மீட்டர் தூரத்திற்கு தார்ச்சாலை பெயர்ந்து, அடியில் உள்ள ஜல்லிக்கற்கள் தனியாகவும் பிரிந்து சாலை சேதம் அடைந்து விட்டது. இதனால் எந்த வாகனமும் செல்ல முடியவில்லை. மேலும் பொதுமக்கள் சாலையை பயன்படுத்த முடியாமல் அவதியடைந்து வருகிறார்கள். போராட்டம் நடத்தப்படும்

இதனால் ஆத்திரம் அடைந்த பொதுமக்கள் மற்றும் பேரளி, பில்வாடி கிராம இளைஞர்கள் ஒதுக்கப்பட்ட நிதிக்கு சாலை போட்டுள்ளார்களா? அல்லது ஊழல் ஏதேனும் நடைபெற்றுள்ளதா?, போடப்பட்ட சாலையை அரசு உயர் அதிகாரிகள் ஆய்வு செய்தார்களா, ஒப்பந்ததாரர் மீது அபராதம் விதித்து அந்த தொகையை வசூல் செய்து உடனடியாக தார்ச்சாலையை மறு சீரமைப்பு செய்து தரமான உறுதியான தார்ச்சாலை அமைத்து தர மாவட்ட நிர்வாகத்திற்கு கோரிக்கை விடுத்து உள்ளனர். அவ்வாறு உடனடியாக சாலையை சீரமைக்காமல் கால தாமதம் ஏற்படுத்தினால் போராட்டம் நடத்தப்படும் எனவும் தெரிவித்து உள்ளனர்.


தொடர்புடைய செய்திகள்

1. முதல்–அமைச்சரை எளிதில் சந்தித்து பொதுமக்கள் குறைகளை தெரிவிக்கின்றனர் தகவல் தொழில்நுட்ப பிரிவு மாநில செயலாளர் பேட்டி
தமிழக மக்கள் முதல்–அமைச்சர் எடப்பாடி பழனிசாமியை எளிதில் சந்தித்து குறைகளை தெரிவிக்கின்றனர் என்று அ.தி.மு.க. தகவல் தொழில்நுட்ப பிரிவு மாநில செயலாளர் ஜி.ராமச்சந்திரன் கூறினார்.
2. சிவகங்கை அருகே சாலை அமைக்கும் பணி தாமதத்தால் பொதுமக்கள் அவதி
சிவகங்கை அருகே சாலை அமைக்கும் பணி தாமதமாக நடைபெற்று வருவதால், பொதுமக்கள் கடும் அவதியடைந்து வருகின்றனர். அவர்கள் விரைவில் பணியை முடிக்க வேண்டுகோள் விடுத்துள்ளனர்.
3. முத்தாண்டிப்பாளையத்தில் தினமும் வராத நகர பஸ்சை சிறைபிடித்த பொதுமக்கள்
பல்லடம் அருகே உள்ள முத்தாண்டிபாளையத்திற்கு தினமும் வராத அரசு நகர பஸ்சை பொதுமக்கள் சிறைபிடித்தனர்.
4. காணும் பொங்கலையொட்டி 2–வது நாளாக அறிவியல் மையத்தில் குவிந்த பொதுமக்கள்
பொங்கல் திருவிழா கடந்த 15–ந் தேதி கொண்டாடப்பட்டது. பொங்கலுக்கு மறுநாள், மாட்டு பொங்கல், கரிநாள் மற்றும் காணும் பொங்கல் கொண்டாடப்படுவது வழக்கம்.
5. காரமடையில் மேம்பாலம் கட்டியும் போக்குவரத்து நெரிசல் தீரவில்லை சேவை சாலை அமைக்க பொதுமக்கள் கோரிக்கை
காரமடையில் மேம்பாலம் கட்டியும் பயனில்லாததால், பொதுமக்கள் போக்குவரத்து நெரிசலில் சிக்கி தவிக்கின்றனர். இதை தொடர்ந்து சேவை சாலை அமைத்து வாகன நெரிசலுக்கு தீர்வு காண வேண்டும் என்று பொதுமக்கள் கோரிக்கை விடுத்து உள்ளனர்.