மாவட்ட செய்திகள்

கார்கள் நேருக்கு நேர் மோதிக்கொண்டதில் தொழிலதிபர் பலி 5 பேர் படுகாயம் + "||" + Businessman kills 5 people in collision with cars

கார்கள் நேருக்கு நேர் மோதிக்கொண்டதில் தொழிலதிபர் பலி 5 பேர் படுகாயம்

கார்கள் நேருக்கு நேர் மோதிக்கொண்டதில் தொழிலதிபர் பலி 5 பேர் படுகாயம்
கார்கள் நேருக்கு நேர் மோதிக்கொண்டதில் திருமண நிகழ்ச்சியில் கலந்து கொள்ள சென்ற தொழிலதிபர் பலியானார். 5 பேர் படுகாயம் அடைந்தனர்.
க.பரமத்தி,

திருச்சி தில்லை நகரை சேர்ந்தவர் ராமசாமி(65), தொழில திபர். இவரது மனைவி ராமாத்தாள்(63), இவர்களது மகள் செல்வி(41), திருச்சியை சேர்ந்தவர் பாலமுத்து(வயது 51). இவர்கள் 4 பேரும் வெள்ளக்கோவிலில் நடைபெற்ற தனது உறவினர் வீட்டு திருமண நிகழ்ச்சியில் கலந்துகொள்வதற்காக நேற்று ஒரு காரில் சென்று கொண்டு இருந்தனர். காரை பாலமுத்து ஓட்டி சென்றார். இதேபோல் திருப்பூரை சேர்ந்தவர் சீனிவாசன்(45), இவரது மனைவி உமா(40). இவர்கள் 2 பேரும் திருப்பூரில் இருந்து கரூர் நோக்கி ஒரு காரில் சென்று கொண்டு இருந்தனர். காரை சீனிவாசன் ஓட்டி சென்றார். இரண்டு காரும் தென்னிலை அருகே உள்ள தேரக்கம்பாளையம் பிரிவு அருகே சென்று கொண்டு இருந்தபோது எதிர்பாராத விதமாக நேருக்கு நேர் மோதிக்கொண்டன.


இதில் இரண்டு கார்களின் முன்பகுதியும் அப்பளம்போல் நொறுங்கியது. இந்த விபத்தில் படுகாயம் அடைந்த தொழிலதி பரான ராமசாமி சம்பவ இடத்திலேயே பரிதாபமாக உயிரிழந்தார். மற்றவர்கள் படுகாயம் அடைந்தனர். இதனை பார்த்த அப்பகுதி பொதுமக்கள் படுகாயம் அடைந்த ராமாத்தாள், செல்வி, பாலமுத்து, சீனிவாசன், உமா ஆகிய 5 பேரையும் மீட்டு சிகிச்சைக்காக வெள்ளக்கோவிலில் உள்ள தனியார் மருத்துவமனைக்கு கொண்டு சென்றனர். அங்கு அவர்களுக்கு தீவிர சிகிச்சை அளிக்கப்படுகிறது. பின்னர் இதுகுறித்து தகவல் அறிந்த தென்னிலை போலீஸ் இன்ஸ்பெக்டர் குணசேகர், சப்-இன்ஸ்பெக்டர் பரமேஸ்வரன் மற்றும் போலீசார் சம்பவ இடத்திற்கு விரைந்து சென்று ராமசாமியின் உடலை கைப்பற்றி பிரேத பரிசோதனைக்காக கரூர் அரசு மருத்துவமனைக்கு அனுப்பி வைத்தனர். பின்னர் இதுகுறித்து வழக்குப்பதிவு செய்து விசாரணை நடத்தி வருகின்றனர். இந்த விபத்தால் கரூர்- திருப்பூர் சாலையில் சிறிது நேரம் போக்குவரத்து பாதிக்கப்பட்டது என்பது குறிப்பிடத்தக்கது. 


தொடர்புடைய செய்திகள்

1. தாம்பரம் தனியார் கல்லூரியில் கூடைப்பந்து விளையாடிய மாணவி மயங்கி விழுந்து சாவு; மாணவ–மாணவிகள் உள்ளிருப்பு போராட்டம்
தாம்பரத்தில் தனியார் கல்லூரியில் கூடைப்பந்து விளையாடிய மாணவி மயங்கி விழுந்து இறந்தார். அதனை தொடர்ந்து மாணவ–மாணவிகள் கல்லூரிக்குள் உள்ளிருப்பு போராட்டம் நடத்தியதால் பரபரப்பு ஏற்பட்டது.
2. நாகரசம்பட்டி அருகே ஏரியில் தவறி விழுந்த குழந்தை சாவு
நாகரசம்பட்டி அருகே ஏரியில் தவறி விழுந்து 3½ வயது குழந்தை பரிதாபமாக இறந்தான்.
3. இருவேறு விபத்துகளில் 2 பேர் சாவு
இருவேறு விபத்துகளில் 2 பேர் பரிதாபமாக இறந்தனர்.
4. உசிலம்பட்டி அருகே விபத்தில் 2 ஆயுதப்படை போலீஸ்காரர்கள் பலி; அதிர்ச்சியில் ஒருவரது தாயும் இறந்த பரிதாபம்
உசிலம்பட்டி அருகே நண்பரின் திருமணத்திற்கு சென்றுவிட்டு திரும்பியபோது நிகழ்ந்த விபத்தில் ஆயுதப்படை போலீஸ்காரர்கள் 2 பேர் பலியானார்கள். அதிர்ச்சியில் அவர்களில் ஒருவரது தாயும் உயிரிழந்தார்.
5. மாணவி மாடியில் இருந்து குதித்து சாவு: பள்ளி நிர்வாகத்தை கண்டித்து மாணவர்கள் முற்றுகை போராட்டம்
செல்போன் உபயோகித்ததை கண்டித்ததால் பள்ளி மாடியில் இருந்து குதித்து மாணவி இறந்தார். இதையொட்டி மாணவர்கள் பள்ளி முன்பு முற்றுகை போராட்டத்தில் ஈடுபட்டனர்.