மாவட்ட செய்திகள்

மணல் குவாரி அமைக்க எதிர்ப்பு தெரிவித்து நீராதார பாதுகாப்பு இயக்கத்தினர் கலெக்டரிடம் மனு + "||" + The petitioner to the collector of water conservation protest against the construction of the sand quarry

மணல் குவாரி அமைக்க எதிர்ப்பு தெரிவித்து நீராதார பாதுகாப்பு இயக்கத்தினர் கலெக்டரிடம் மனு

மணல் குவாரி அமைக்க எதிர்ப்பு தெரிவித்து நீராதார பாதுகாப்பு இயக்கத்தினர் கலெக்டரிடம் மனு
கொள்ளிடத்தில் மணல் குவாரி அமைக்க எதிர்ப்பு தெரிவித்து கொள்ளிட நீராதார பாதுகாப்பு இயக்கத்தினர் அரியலூர் கலெக்டரிடம் மனு கொடுத்தனர்.
அரியலூர்,

அரியலூர் மாவட்ட கலெக்டர் அலுவலக கூட்டரங்கில் நேற்று மக்கள் குறைதீர்க்கும் நாள் கூட்டம் நடந்தது. கூட்டத்திற்கு மாவட்ட கலெக்டர் விஜயலட்சுமி தலைமை தாங்கினார். கூட்டத்தில் பொதுமக்கள் முதியோர் உதவித்தொகை, மாற்றுத்திறனாளிகள் உதவித்தொகை, பட்டா மாற்றம், தொழில் தொடங்க கடனுதவி, வேலை வாய்ப்பு, வீட்டுமனை பட்டா, திருமண உதவி திட்டம் உள்பட பல்வேறு கோரிக்கைகளை வலியுறுத்தி 264 மனுக்களை மாவட்ட கலெக்டரிடம் நேரடியாக அளித்தனர். பொதுமக்களிடம் மனுக்களை பெற்றுக்கொண்ட அவர் சம்பந்தப்பட்ட அலுவலர்களிடம் மனுக்கள் குறித்த விவரங்களை கேட்டறிந்து குறித்த காலத்திற்குள் மனுக்களின் மீது தக்க நடவடிக்கை மேற்கொண்டு, மனுதாரருக்கு உரிய பதிலை அளிக்குமாறு அறிவுறுத்தினார்.


திருமானூர் கொள்ளிட ஆற்றில் மணல் குவாரி அமைக்க கூடாது என வலியுறுத்தி கொள்ளிட நீராதார பாதுகாப்பு இயக்கத்தினர் ஆதார் எண்ணுடன் 2,500 பேர் கையெழுத்திட்ட கோரிக்கை மனுவை கலெக்டரிடம் அளித்தனர். அதில், திருமானூர் கொள்ளிடம் ஆற்றில் புதிய மணல் குவாரி கடந்த மாதம் 4-ந் தேதி பலத்த போலீசார் பாதுகாப்புடன் தொடங்கப்பட்டது. இதற்கு எதிர்ப்பு தெரிவித்து, கொள்ளிட நீராதார பாதுகாப்பு இயக்கம், அனைத்து விவசாயிகள் சங்கம், அனைத்து அரசியல் கட்சியினர் பொக்லைன் எந்திரத்தை சிறைபிடித்தனர். அதனை தொடர்ந்து பல்வேறு போராட்டங்களில் அவர்கள் ஈடுபட்டு வருகின்றனர்.

மேலும் இது குறித்து தாக்கல் செய்யப்பட்ட மனுவை விசாரித்த சென்னை உயர்நீதிமன்றம், கொள்ளிட ஆற்றில் மணல் குவாரி அமைப்பதற்கு இடைக்கால தடை விதித்தது. இருப்பினும், திருமானூர் கொள்ளிடம் ஆற்றில் மணல் குவாரி அமைப்பதற்கு நிரந்தர தடை விதிக்க வேண்டும் என வலியுறுத்தி திருமானூர் ஒன்றியத்திற்குட்பட்ட தூத்தூர், கீழவரப்பு, மேலவரப்பு, கோமான், குருவாடி, திருமழபாடி, ஏலாக்குறிச்சி உள்ளிட்ட பகுதிகளில் கையெழுத்து இயக்கத்தை கொள்ளிட நீராதார பாதுகாப்பு இயக்கத்தினர் தொடங்கினர்.

கொள்ளிட ஆற்றில் மணல் குவாரி அமைக்க வேண்டாம் என கூறி இலவச அழைப்பு எண் 1100-ஐ மேற்கண்ட கிராம மக்கள் தொடர்பு கொண்டும் பதிவு செய்தனர். மேலும் ஆதார் எண்ணுடன் 2,500 பேர் கையெழுத்திட்ட மனுக் களை கலெக்டரிடம் அளித்தனர். கையெழுத்திட்ட மனுக்களின் நகல்களை ஆளுநர் மற்றும் தமிழக முதல்- அமைச்சருக்கும் அனுப்பப்பட்டுள்ளது என்று கூறியிருந்தனர்.

இதை தொடர்ந்து மாற்றுத்திறனாளிகள் வரிசையில் காத்திருக்காமல் அவர்களுக்கான தனி இருக்கையில் அமர்ந்திருந்த மாற்றுத்திறனாளிகளிடம் மனுக்களை பெற்று மனுக்களின் மீது நடவடிக்கை மேற்கொள்ளுமாறு மாவட்ட மாற்றுத்திறனாளிகள் அதிகாரிக்கு உத்தரவிட்டார். கூட்டத்தில், மாவட்ட வருவாய் அதிகாரி தனசேகரன், சமூக பாதுகாப்புத் திட்ட துணை கலெக்டர் பூங்கோதை, அனைத்துத்துறை அலுவலர்கள் கலந்து கொண்டனர். 

தொடர்புடைய செய்திகள்

1. இலங்கை கடற்படை அத்துமீறிய தாக்குதலில் பலியான ராமேசுவரம் மீனவர் உடலை யாழ்ப்பாணத்தில் இருந்து மீட்க வேண்டும் மீன்வளத்துறை அதிகாரியிடம், மகள் மனு
இலங்கை கடற்படையினரின் அத்துமீறிய தாக்குதலால் பலியான மீனவரின் உடலை யாழ்ப்பாணத்தில் இருந்து மீட்க வேண்டும் என்று அவருடைய மகள், மீன்வளத்துறை அதிகாரியிடம் மனு அளித்தார்.
2. ஐகோர்ட்டு உத்தரவுப்படி அருப்புக்கோட்டையில் ஊருணி ஆக்கிரமிப்புகள் அகற்றப்படாத நிலை; மாவட்ட நிர்வாகத்திடம் மனு கொடுத்தும் நடவடிக்கை இல்லை
அருப்புக்கோட்டையில் பொதுமக்கள் பயன்பாட்டில் இருந்த வன்னியர் ஊருணியில் ஆக்கிரமிப்புகளை அகற்றி மீண்டும் அதனை பொதுமக்கள் பயன்பாட்டிற்கு கொண்டு வர வேண்டும் என ஐகோர்ட்டு உத்தரவிட்ட பின்னரும், அதற்கான நடவடிக்கை ஏதும் எடுக்கப்படாத நிலை தொடர்கிறது.
3. படைப்புழு தாக்கிய பருத்தி செடிக்கு இழப்பீடு கேட்டு விவசாயிகள் கலெக்டரிடம் மனு
படைப்புழு தாக்கிய பருத்தி செடிகளுக்கு இழப்பீடு கேட்டு விவசாயிகள் மாவட்ட கலெக்டர் விஜயலட்சுமியிடம் மனு கொடுத்தனர்.
4. கோவில் சொத்து எனக்கூறி நிலம் கையகப்படுத்துவதை கண்டித்து பேரணி: கலெக்டரிடம் முறையிட்டு வாக்குவாதம் செய்தவர்களால் பரபரப்பு
கோவில் சொத்து எனக்கூறி நிலம் கையகப்படுத்துவதை கண்டித்து பேரணி சென்று, கலெக்டரிடம் முறையிட்டு வாக்குவாதம் செய்தவர்களால் பரபரப்பு ஏற்பட்டது.
5. அன்னமங்கலம் கிராமத்தில் ஜல்லிக்கட்டு நடத்த அனுமதி கேட்டு இளைஞர்கள் கலெக்டரிடம் மனு
அன்னமங்கலம் கிராமத்தில் ஜல்லிக்கட்டு நடத்த அனுமதி கேட்டு இளைஞர்கள் கலெக்டரிடம் மனு அளித்தனர்.