மாவட்ட செய்திகள்

கெய்ல் எரிவாயு குழாயை விவசாய நிலங்களில் பதித்தால் போராட்டம் கொ.ம.தே.க. பொதுச்செயலாளர் ஈ.ஆர்.ஈஸ்வரன் எச்சரிக்கை + "||" + The Gayle gas pipeline in agricultural lands is a struggle

கெய்ல் எரிவாயு குழாயை விவசாய நிலங்களில் பதித்தால் போராட்டம் கொ.ம.தே.க. பொதுச்செயலாளர் ஈ.ஆர்.ஈஸ்வரன் எச்சரிக்கை

கெய்ல் எரிவாயு குழாயை விவசாய நிலங்களில் பதித்தால் போராட்டம் கொ.ம.தே.க. பொதுச்செயலாளர் ஈ.ஆர்.ஈஸ்வரன் எச்சரிக்கை
கெய்ல் எரிவாயு குழாயை விவசாய நிலங்களில் பதித்தால் போராட்டம் நடக்கும் என்று கொ.ம.தே.க. பொதுச்செயலாளர் ஈ.ஆர்.ஈஸ்வரன் எச்சரிக்கை விடுத்துள்ளார்.

ஈரோடு,

கொங்குநாடு மக்கள் தேசிய கட்சி பொதுச்செயலாளர் ஈ.ஆர்.ஈஸ்வரன் வெளியிட்டு உள்ள அறிக்கையில் கூறி இருப்பதாவது:–

விளைநிலங்கள் வழியாக கெய்ல் எரிவாயு குழாயை பதிக்க தமிழக அரசு ஒருபோதும் அனுமதியை வழங்கி விடக்கூடாது. தமிழக அரசிடம் அனுமதி கிடைத்ததும் 3 ஆண்டுகளில் எரிவாயு குழாய் பதிக்கும் பணி முடிக்கப்படுமென்று கெய்ல் தென்மண்டல செயல் இயக்குனர் அறிவித்திருப்பது கொங்கு மண்டல விவசாயிகளிடத்தில் அதிர்ச்சியை ஏற்படுத்தி இருக்கிறது.

கெய்ல் நிறுவனம் கேரள மாநிலம் கொச்சியில் இருந்து கர்நாடக மாநிலம் பெங்களூருக்கு குழாயின் வழியாக எரிவாயுவை கொண்டு செல்ல திட்டமிட்டு தமிழகத்தில் விவசாய விளை நிலங்களில் குழாய்கள் பதிக்க பணிகள் தொடங்கியது. அப்போது கோவை, திருப்பூர், ஈரோடு, நாமக்கல், சேலம், தர்மபுரி, கிருஷ்ணகிரி ஆகிய 7 கொங்கு மண்டல மாவட்டங்களை சேர்ந்த விவசாயிகள் கடுமையான எதிர்ப்பு தெரிவித்தனர். இதனால் இந்த திட்டம் கிடப்பில் போடப்பட்டு உள்ளது.

கடந்த சில ஆண்டுகளாகவே விவசாய குடும்பங்கள் தங்களின் வாழ்வாதாரத்திற்கு போராடி கொண்டிருக்கும் சூழ்நிலையில் எரிவாயு குழாயை விளைநிலங்களின் வழியே கொண்டு சென்றால் மேற்கண்ட 7 மாவட்டங்களிலும் விவசாயம் அழிந்து போகும் நிலை உருவாகும்.

இந்த திட்டம் விளைநிலங்கள் வழியாக செயல்படுத்தினால் விவசாயிகளுக்கு ஏற்படும் பாதிப்பை மத்திய, மாநில அரசுகள் உணர்ந்து மாற்று வழியான தேசிய நெடுஞ்சாலை ஓரத்தில் திட்டத்தை நிறைவேற்ற நடவடிக்கை எடுக்க வேண்டும். இல்லையென்றால் கொ.ம.தே.க சார்பில் விவசாயிகளின் நலனுக்காக கொங்கு மண்டலம் முழுவதும் போராட்டம் நடத்தப்படும்.

இவ்வாறு அந்த அறிக்கையில் ஈ.ஆர்.ஈஸ்வரன் கூறி உள்ளார்.


தொடர்புடைய செய்திகள்

1. ஆசிரியர்களின் போராட்டத்தினால் மாணவர்களின் எதிர்காலம் பாதிக்கும் - அன்பழகன் எம்.எல்.ஏ. வேதனை
சொசைட்டி கல்லூரி ஆசிரியர்களின் போராட்டத்தினால் மாணவர்களின் எதிர்காலம் பாதிக்கப்படும் அபாயம் இருப்பதாக அன்பழகன் எம்.எல்.ஏ. வேதனையுடன் கூறினார்.
2. மின்துறை கருத்துகேட்பு கூட்டத்தில் திடீர் போராட்டம் போலீசார் குண்டுக்கட்டாக தூக்கி வெளியேற்றினர்
மின்துறை கருத்துகேட்பு கூட்டத்தில் போராட்டத்தில் ஈடுபட்டவர்களை போலீசார் குண்டுக்கட்டாக தூக்கி வெளியேற்றினர்.
3. நெல் கொள்முதல் நிலையத்தில் பணம் தரவில்லை: வைகை ஆற்றில் அதிகாரிகள் துணையோடு மணல் திருட்டு குறைதீர்க்கும் கூட்டத்தில் விவசாயிகள் குற்றச்சாட்டு
நெல் கொள்முதல் நிலையத்தில், கொள்முதல் செய்யப்பட்ட நெல்லுக்கு விவசாயிகளுக்கு பணம் தர வில்லை என்றும், வைகை ஆற்றில் அதிகாரிகள் துணையோடு மணல் திருட்டு நடந்து வருவதாகவும் குறைதீர்க்கும் கூட்டத்தில் விவசாயிகள் குற்றம்சாட்டினர்.
4. ஈரோடு மாவட்டத்தில் அரசு ஊழியர் –ஆசிரியர் வேலை நிறுத்த போராட்டம் தொடங்கியது அலுவலகங்கள், பள்ளிக்கூடங்களில் பணிகள் பாதிப்பு
ஈரோடு மாவட்டத்தில் அரசு ஊழியர்–ஆசிரியர் வேலை நிறுத்த போராட்டம் நேற்று தொடங்கியது. இதனால் அரசு அலுவலகங்கள், பள்ளிக்கூடங்களில் பணிகள் பாதிக்கப்பட்டன.
5. ஜாக்டோ–ஜியோவினர் தொடர் வேலை நிறுத்த போராட்டம் அரசு பணிகள் முடங்கியதால் பொதுமக்கள் பாதிப்பு
மாவட்டத்தில் ஜாக்டோ–ஜியோவினரின் தொடர் வேலை நிறுத்த போராட்டம் காரணமாக பெரும்பாலான அரசு பணிகள் முடங்கின. இதன் காரணமாக பொதுமக்கள் அதிக அளவில் பாதிக்கப்பட்டனர்.