மாவட்ட செய்திகள்

மதுரையில் போலீசாரின் பணி சவாலானது - புதிய போலீஸ் கமி‌ஷனர் டேவிட்சன் தேவாசீர்வாதம் பேட்டி + "||" + The task of police in Madurai is challenging

மதுரையில் போலீசாரின் பணி சவாலானது - புதிய போலீஸ் கமி‌ஷனர் டேவிட்சன் தேவாசீர்வாதம் பேட்டி

மதுரையில் போலீசாரின் பணி சவாலானது - புதிய போலீஸ் கமி‌ஷனர் டேவிட்சன் தேவாசீர்வாதம் பேட்டி
மதுரையில் போலீசாரின் பணி சவாலானது. இங்கு பொதுமக்கள் போலீசாருக்கு ஒத்துழைப்பு தந்தால் குற்றங்கள் குறையும் என்று புதிய போலீஸ் கமி‌ஷனர் டேவிட்சன் தேவாசீர்வாதம் தெரிவித்தார்.

மதுரை,

மதுரை மாநகர போலீஸ் கமி‌ஷனராக இருந்த மகேஷ்குமார் அகர்வால் சென்னைக்கு மாற்றம் செய்யப்பட்டார். அவருக்கு பதில் சென்னையில் காவலர்கள் நலக்குழுவின் ஐ.ஜி.யாக இருந்த டேவிட்சன் தேவாசீர்வாதம் மதுரை மாநகர போலீஸ் கமி‌ஷனராக நியமிக்கப்பட்டார். இதைதொடர்ந்து மதுரை மாநகர கமி‌ஷனராக டேவிட்சன் தேவாசீர்வாதம் நேற்று பொறுப்பேற்று கொண்டார். பின்னர் அவர் நிருபர்களுக்கு பேட்டி அளித்த போது கூறியதாவது:–

மதுரை நகரில் சட்டம்–ஒழுங்கு பிரச்சினைக்கு முக்கியத்துவம் கொடுக்கப்படும். குற்றங்களை தடுக்க தனி கவனம் செலுத்தப்படும். நான் ஏற்கனவே மதுரையில் போக்குவரத்து துணை கமி‌ஷனராக பணியாற்றி உள்ளோன். அப்போது மக்கள் தொகையும் குறைவு, வார்டு எண்ணிக்கையும் குறைவு. ஆனால் இன்று மதுரை நகரில் மக்கள் தொகையும் அதிகரித்து, வார்டு எண்ணிக்கையும் உயர்ந்துள்ளது. இப்போதுள்ள மதுரையின் மக்கள் தொகைக்கு ஏற்ப போலீசாரின் எண்ணிக்கை குறைவு. ஆதலால் இங்கு போலீசாரின் பணி சவாலானது.

சமுதாய பிரச்சினைகள் தலைதூக்குவதாக கேள்விப்பட்டேன். அதுபோன்ற பிரச்சினைகளை தடுக்க ஆய்வு மேற்கொண்டு நடவடிக்கை எடுப்பேன். போலீசாருக்கு பொதுமக்கள் ஒத்துழைப்பு தரவேண்டும். அப்போது தான் குற்றங்கள் குறையும். இதுதொடர்பான திட்டம் ஒன்று என்னிடம் உள்ளது. அதனை விரைவில் அறிவிப்பேன். நான் பணிபுரிந்த இடங்களில் அந்த திட்டங்கள் மூலம் குற்றங்களை குறைத்துள்ளேன். போலீஸ்காரர்களின் நலனுக்கு முன்னுரிமை அளிக்கப்படும்.

போலீசாருக்கு வார விடுமுறை அளிப்பது தொடர்பாக ஆய்வு செய்து நடவடிக்கை எடுக்கப்படும். குற்ற புகார்கள் தொடர்பாக பொதுமக்கள் என்னிடம் எந்த நேரமும் தொடர்பு கொள்ளலாம். புகார்கள் தொடர்பாக உடனடியாக நடவடிக்கை எடுக்க உத்தரவிட்டுள்ளேன்.

இவ்வாறு அவர் கூறினார்.



தொடர்புடைய செய்திகள்

1. பெரிச்சிபாளையத்தில் உரக்கிடங்கு அமைக்க எதிர்ப்பு: பொதுமக்கள் சாலை மறியல்
திருப்பூர் அருகே பெரிச்சிபாளையத்தில் உரக்கிடங்கு அமைக்க எதிர்ப்பு தெரிவித்து பொதுமக்கள் சாலை மறியலில் ஈடுபட்டனர்.
2. அழகு நிலையம், மசாஜ் சென்டர்களில் சட்டவிரோத செயல்கள் நடந்தால் கடும் நடவடிக்கை; போலீஸ் சூப்பிரண்டு எச்சரிக்கை
அழகு நிலையம் மற்றும் மசாஜ் சென்டர்களில் விபசாரம் உள்ளிட்ட சட்டவிரோத செயல்கள் நடந்தால் கடும் நடவடிக்கை எடுக்கப்படும் என்று போலீஸ் சூப்பிரண்டு மாறன் எச்சரிக்கை விடுத்துள்ளார்.
3. திருப்பூர் கிருஷ்ணவேணிநகரில் கழிவுநீர் கால்வாய் வசதி வேண்டும்; கலெக்டரிடம் பொதுமக்கள் மனு
திருப்பூர் கிருஷ்ணவேணிநகர் பகுதியில் கழிவுநீர் கால்வாய் வசதி அமைத்து கொடுக்க வேண்டும் என்று கலெக்டரிம் பொதுமக்கள் மனு அளித்தனர்.
4. கோவிலில் துணிகரம் சாமி சிலை, உண்டியலை தூக்கிச் சென்ற கொள்ளையர்கள் போலீஸ் தேடுகிறது
களியக்காவிளை அருகே கோவிலில் சாமி சிலை, உண்டியலை தூக்கிச் சென்ற கொள்ளையர்களை போலீசார் வலைவீசி தேடி வருகிறார்கள்.
5. கஞ்சா கடத்தல் குறித்து போலீசுக்கு தகவல் அளித்த மதுரை வாலிபர் ஆந்திராவில் படுகொலை
கஞ்சா கடத்தல் குறித்து போலீசுக்கு தகவல் அளித்த மதுரையை சேர்ந்த வாலிபர் ஆந்திராவில் கொடூரமாக கொலை செய்யப்பட்டார்.