மாவட்ட செய்திகள்

சட்டமன்றம், பாராளுமன்றத்திற்கு ஒரே நேரத்தில் தேர்தல் என்பதை ஏற்க முடியாது நாராயணசாமி பேட்டி + "||" + Narayanasamy interviewed not to vote for the assembly and the parliament at the same time

சட்டமன்றம், பாராளுமன்றத்திற்கு ஒரே நேரத்தில் தேர்தல் என்பதை ஏற்க முடியாது நாராயணசாமி பேட்டி

சட்டமன்றம், பாராளுமன்றத்திற்கு ஒரே நேரத்தில் தேர்தல் என்பதை ஏற்க முடியாது நாராயணசாமி பேட்டி
சட்டமன்றம், பாராளுமன்றத்திற்கு ஒரே நேரத்தில் தேர்தல் என்பதை ஏற்க முடியாது என்று முதல்-அமைச்சர் நாராயணசாமி கூறினார்.
புதுச்சேரி,

மத்திய சட்டத்துறையானது பாராளுமன்றத்துக்கும், சட்டமன்றத்துக்கும் ஒரே நேரத்தில் தேர்தல் நடத்த வேண்டும் என்பதற்காக சட்ட ஆணையத்தின் மூலமாக இன்றும்(நேற்றும்), நாளையும் (இன்றும்) டெல்லியில் கூட்டம் கூட்டியுள்ளனர். இதற்கு முன்பே மத்திய உள்துறை அமைச்சகத்தில் இருந்து பாராளுமன்றத்துக்கும், சட்டமன்றத்துக்கும் ஒரே சமயத்தில் தேர்தல் நடத்துவது சம்பந்தமாக மாநில அரசின் கருத்தை கேட்டார்கள். அப்போதே கருத்தை தெரிவித்துள்ளோம்.


இந்த திட்டமானது நடைமுறைக்கு ஏற்றதல்ல. சில சமயங்களில் பாராளுமன்றத்திலோ அல்லது சட்டமன்றத்திலோ தேர்ந்தெடுக்கப்பட்ட உறுப்பினர் இறந்துவிட்டாலோ அல்லது அவர் தகுதி நீக்கம் செய்யப்பட்டாலோ அந்த தொகுதிக்கு தேர்தல் வரும். சில மாநிலங்களில் இரண்டு தேர்தலும் ஒன்றாக நடைபெறும். பல மாநிலங்களில் அதுபோல் நடைபெறாது.

இதனால் பாராளுமன்ற தேர்தலும், சட்டமன்ற தேர்லும் ஒரே நேரத்தில் நடத்துவது சாத்தியமானது அல்ல. தற்போது பல மாநிலங்களில் 2018-19ம் ஆண்டில் சட்டமன்ற தேர்தல் வருகிறது. பாராளுமன்றத்தோடு இணைந்து சில மாநிலங்களில் தேர்தல் வருகிறது. சில மாநிலங்களில் சட்டமன்ற தேர்தல் 2021-ல் வருகின்றன. இவற்றையொல்லாம் கணக்கிட்டு பார்க்கும்போது இந்த திட்டமானது நடைமுறைக்கு ஏற்றதல்ல.

ஒவ்வொரு சட்டமன்ற தேர்தலிலும், பாராளுமன்ற தேர்தலிலும் தேர்ந்தெடுக்கப்பட்ட எம்.பி.க்கள், எம்.எல்.ஏ.க்கள் தொடர்ந்து 5 ஆண்டுகள் பதவியில் இருப்பார்கள். சில சமயம் அதற்கு முன்பாகவே சட்டமன்றம் கலைக்கப்பட்டு தேர்தல் வரும். அந்த மாநிலங்களில் பாராளுமன்ற தேர்தல் வரும் வரை ஜனாதிபதி ஆட்சியை அமல்படுத்துவது என்பது நடைமுறைக்கு ஒத்துவராத ஒன்று.

புதுச்சேரி மாநில அரசின் சார்பாகவும், காங்கிரஸ் கட்சி சார்பாகவும் இந்த திட்டத்தை முழுமையாக எதிர்க்கிறோம். இதனை ஏற்றுக் கொள்ள முடியாது. இந்திய அரசியலமைப்பு சட்டத்தில் எந்த மாற்றம் கொண்டு வந்தாலும், அதனை நடைமுறைப்படுத்துவது மிக சிரமமாக இருக்கும் என்பதை வலியுறுத்தி சட்ட ஆணையத்திற்கும், உள்துறை அமைச்சகத்துக்கும் கடிதம் எழுதியுள்ளேன்.

இவ்வாறு அவர் கூறினார். 


தொடர்புடைய செய்திகள்

1. புயலால் பாதிக்கப்பட்டுள்ள 151 கிராமங்களில் போர்க்கால அடிப்படையில் சீரமைப்பு பணிகள் ஓ.பன்னீர்செல்வம் பேட்டி
நாகை மாவட்டத்தில், புயலால் பாதிக்கப்பட்டுள்ள 151 கிராமங்களில் போர்க்கால அடிப்படையில் சீரமைப்பு பணிகள் நடைபெற்று வருகிறது என துணை முதல்-அமைச்சர் ஓ.பன்னீர்செல்வம் கூறினார்.
2. ‘கஜா’ புயலால் ஏற்பட்ட சேதத்தை கணக்கிட்டு மத்திய அரசிடம் நிதி கேட்கப்படும் தம்பிதுரை பேட்டி
‘கஜா’ புயலால் ஏற்பட்ட சேதத்தை கணக்கிட்டு மத்திய அரசிடம் நிதி கேட்கப்படும் என தம்பிதுரை கூறினார்.
3. ‘கஜா’ புயலால் பாதிப்பு: தென்னை விவசாயிகளுக்கு உடனே இழப்பீடு வழங்க வேண்டும் ஜி.கே.வாசன் பேட்டி
‘கஜா’ புயலால் பாதிக்கப்பட்ட தென்னை விவசாயிகளுக்கு உடனே இழப்பீடு வழங்க வேண்டும் என்று பாதிப்புகளை பார்வையிட்ட பின்னர் ஜி.கே.வாசன் தெரிவித்துள்ளார்.
4. நாடாளுமன்ற தேர்தலில் பா.ஜனதாவுக்கு எதிராக பலமான கூட்டணி அமையும் கனிமொழி எம்.பி. பேட்டி
நாடாளுமன்ற தேர்தலில் பா.ஜனதாவுக்கு எதிராக மிகவும் பலமான கூட்டணி அமையும் என்று கனிமொழி எம்.பி. கூறினார்.
5. மணல் கொள்ளையர்களுக்கு அமைச்சர்கள் துணையாக உள்ளனர் நல்லக்கண்ணு பேட்டி
மணல் கொள்ளையர்களுக்கு அமைச்சர்கள் துணையாக உள்ளனர் என்று நல்லக்கண்ணு கூறினார்.