மாவட்ட செய்திகள்

திருத்தங்கல்லில் முன் விரோத தகராறில் வாலிபர் கொலை + "||" + In front of the dispute the young man was killed

திருத்தங்கல்லில் முன் விரோத தகராறில் வாலிபர் கொலை

திருத்தங்கல்லில் முன் விரோத தகராறில் வாலிபர் கொலை
திருத்தங்கல்லில் முன் விரோத தகராறில் வாலிபர் குத்திக் கொலை செய்யப்பட்டார்.

சிவகாசி,

சிவகாசி அருகே திருத்தங்கல் பழைய சாட்சியாபுரம் ரோட்டைச் சேர்ந்தவர் மாரியப்பன் (வயது 62). தையல் தொழில் செய்து வருகிறார். இவருக்கு ரமேஷ்குமார், அசோக்குமார், சுரேஷ்குமார், சதீஷ்குமார் ஆகிய 4 மகன்கள். இவர்களில் சதீஷ்குமாரை தவிர மற்றவர்களுக்கு திருமணம் முடிந்து விட்டது. சதீஷ்குமார் புத்தகம் பைண்டிங் செய்யும் தொழில் செய்து வந்தார். இந்த நிலையில் நேற்று முன் தினம் இரவு வேலை முடிந்து வீடு திரும்பிக்கொண்டிருந்த சதீஷ்குமாரிடம் திருத்தங்கல் பசும்பொன்நகரை சேர்ந்த முனியசாமி என்கிற சாம்பார் முன்விரோதம் காரணமாக தகராறு செய்துள்ளார். இதில் ஒருவரை, ஒருவர் தாக்கிக் கொண்டதாக கூறப்படுகிறது. பின்னர் அருகில் இருந்தவர்கள் தகராறை விலக்கி விட்டுள்ளனர்

இந்த நிலையில் நேற்று மதியம் கீழத்திருத்தங்கல் முத்துமாரியம்மன் காலனியில் சதீஷ்குமார் வந்து கொண்டிருந்த போது அங்கு வந்த 7 பேர் கும்பல் அவரை சரமாரியாக கத்தியால் குத்தியது. இதில் ரத்த வெள்ளத்தில் கீழே சாய்ந்த அவர் மீது ஒரு கல்லை எடுத்து போட்டு விட்டு தப்பிச் சென்றுவிட்டனர். இதில் சதீஷ்குமார் சம்பவ இடத்திலேயே பரிதாபமாக இறந்தார்.

இந்த கொலை தொடர்பாக சதிஷ்குமாரின் தந்தை மாரியப்பன் சிவகாசி கிழக்கு போலீசில் புகார் கொடுத்தார். அந்த புகாரின் பேரில் போலீசார் முனியசாமி என்கிற பொசுங்கன், அந்தோணி, மருதுபாண்டி, முனியசாமி, வண்டு மாரீஸ்வரன் ஆகியோரை பிடித்து விசாரணை நடத்தி வருகிறார்கள். இந்த கொலை குறித்து தகவல் அறிந்த மாவட்ட போலீஸ் சூப்பிரண்டு ராஜாராஜன், சிவகாசி துணை போலீஸ் சூப்பிரண்டு ஜெயராம் ஆகியோரும் போலீஸ் நிலையத்துக்கு வந்து விசாரணை நடத்தினார்.

சிவகாசி கிழக்கு போலீஸ் நிலைய எல்லைக்கு உட்பட்ட பகுதியில் தொடர்ந்து கொலை சம்பவம் நடைபெற்று வருவது அந்த பகுதியில் உள்ள மக்களை பெரும் அதிர்ச்சிக்கு உள்ளாக்கி உள்ளது.



தொடர்புடைய செய்திகள்

1. மதுரையில் பயங்கரம்; 1,500 ரூபாய்க்காக நடந்த மோதல் வாலிபர் கொலையில் முடிந்தது
1,500 ரூபாய் கடனுக்காக மதுரையில் நடந்த மோதலில் வாலிபர் குத்திக் கொலை செய்யப்பட்டார். இதுதொடர்பாக 5 பேர் கொண்ட கும்பலை போலீசார் வலைவீசி தேடி வருகின்றனர்.
2. வந்தவாசி அருகே நடந்த சம்பவத்தில் திருப்பம்: நண்பரை கொன்று குளக்கரையில் வீசிவிட்டு தப்பிய 2 பேர் கைது - போலீஸ் விசாரணையில் பரபரப்பு தகவல்
வந்தவாசி அருகே வாலிபரை கொன்று குளக்கரையில் வீசிவிட்டு தப்பிய 2 பேரை போலீசார் கைது செய்தனர். அவர்களிடம் நடத்திய விசாரணையில் பரபரப்பான தகவல்கள் கிடைத்தன.
3. ராமநாதபுரம் அருகே பரபரப்பு: திருக்கை மீன் முள்ளை ஆயுதமாக பயன்படுத்தி வாலிபர் கொலை - தகராறை விலக்க சென்றவருக்கு நேர்ந்த பரிதாபம்
திருக்கை மீன் முள்ளை ஆயுதமாக பயன்படுத்தி வாலிபர் குத்தி கொலை செய்யப்பட்டார். தகராறை விலக்கச் சென்றவருக்கு இந்த பரிதாபம் நேர்ந்தது.
4. ஊட்டி தங்கும் விடுதியில்: வாலிபர்களை கொன்ற 2 பேருக்கு இரட்டை ஆயுள் - மகளிர் கோர்ட்டு தீர்ப்பு
ஊட்டியில் வாலிபர்கள் கொலை செய்யப்பட்ட வழக்கில் 2 பேருக்கு இரட்டை ஆயுள் தண்டனை விதித்து ஊட்டி கோர்ட்டு தீர்ப்பளித்தது.
5. பட்டுக்கோட்டை வாலிபர் கொலை வழக்கில் மேலும் ஒருவர் பரமக்குடி கோர்ட்டில் சரண்
தஞ்சாவூர் மாவட்டம் பட்டுக்கோட்டை அருகே வாலிபர் கொலை வழக்கில் மேலும் ஒருவர் பரமக்குடி கோர்ட்டில் சரணடைந்தார்.