மாவட்ட செய்திகள்

அத்திப்பட்டு புதுநகரில் டேங்கர் லாரி உரிமையாளர்கள் 2–வது நாளாக வேலை நிறுத்தம் + "||" + Tanker truck owners strike on 2nd day

அத்திப்பட்டு புதுநகரில் டேங்கர் லாரி உரிமையாளர்கள் 2–வது நாளாக வேலை நிறுத்தம்

அத்திப்பட்டு புதுநகரில் டேங்கர் லாரி உரிமையாளர்கள் 2–வது நாளாக வேலை நிறுத்தம்
அத்திப்பட்டு புதுநகரில், லாரி வாடகையை உயர்த்தி தரக்கோரி டேங்கர் லாரி உரிமையாளர்கள் 2–வது நாளாக வேலை நிறுத்த போராட்டத்தில் ஈடுபட்டனர்.

மீஞ்சூர்,

திருவள்ளூர் மாவட்டம் மீஞ்சூர் அருகே உள்ள அத்திப்பட்டு புதுநகரில் இந்துஸ்தான் பெட்ரோலியம், பாரத் பெட்ரோலியம் நிறுவனங்கள் உள்ளன. இங்கிருந்து தினந்தோறும் 500–க்கும் மேற்பட்ட டேங்கர் லாரிகளில் சென்னை, காஞ்சீபுரம், திருவள்ளூர், திருவண்ணாமலை, வேலூர், விழுப்புரம் உள்ளிட்ட மாவட்டங்களுக்கு பெட்ரோல், டீசல் வினியோகம் செய்யப்படுகிறது. ஆந்திரா, புதுச்சேரி ஆகிய பகுதிகளுக்கும் இங்கிருந்துதான் டேங்கர் லாரிகளில் பெட்ரோல், டீசல் அனுப்பப்பட்டு வருகின்றன.

இந்த நிலையில் டேங்கர் லாரி உரிமையாளர்கள், லாரி வாடகையை உயர்த்தி தரவேண்டும் என்று ஒப்பந்த நிறுவனங்களிடம் கோரிக்கை விடுத்தனர். ஆனால் இதுபற்றி ஒப்பந்த நிறுவனங்கள் எந்த உத்தரவாதமும் கொடுக்கவில்லை. இதையடுத்து வருகிற 20–ந் தேதி முதல் வேலை நிறுத்த போராட்டத்தில் ஈடுபட முடிவு செய்து இருந்தனர்.

இதற்கிடையே லாரி வாடகையை உயர்த்தி தரக்கோரி நேற்று முன்தினம் காலை திடீரென டேங்கர் லாரி உரிமையாளர்கள், டிரைவர்கள் வேலை நிறுத்த போராட்டத்தில் ஈடுபட்டனர்.

இதனால் பெட்ரோலிய நிறுவனங்களில் இருந்து எண்ணெய் நிறுவனங்களுக்கு பெட்ரோல், டீசல் ஏற்றிச் செல்வது முற்றிலும் பாதிக்கப்பட்டது. இந்த நிலையில் நேற்றும் இவர்களது வேலை நிறுத்த போராட்டம் 2–வது நாளாக தொடர்ந்தது. போராட்டம் தொடரும் பட்சத்தில் பெட்ரோல், டீசல் தட்டுப்பாடு அபாயம் ஏற்படும் நிலை உருவாகி உள்ளது.



தொடர்புடைய செய்திகள்

1. பெட்ரோல், டீசல் விலை உயர்வை கண்டித்து வேலை நிறுத்தம்: மாவட்டத்தில் இயல்பு வாழ்க்கை பாதிக்கவில்லை
பெட்ரோல், டீசல் விலை உயர்வை கண்டித்து அறிவிக்கப்பட்ட வேலை நிறுத்தத்தால் மாவட்டத்தில் இயல்பு வாழ்க்கை பாதிக்கவில்லை. திறந்திருந்த கடைகளை தி.மு.க., காங்கிரஸ் கட்சியினர் அடைக்க வலியுறுத்தியதால் பரபரப்பு ஏற்பட்டது.
2. பெட்ரோல், டீசல் விலை உயர்வை கண்டித்து போர்வெல் லாரி உரிமையாளர்கள் வேலைநிறுத்தம்
தமிழகம் முழுவதும் பேர்வெல் ரிக் லாரிகள் உரிமையாளர்கள், ஏஜெண்டுகள் நலச்சங்கம் சார்பில் வேலைநிறுத்தம் நடைபெற்றது.
3. இலங்கை கடற்படையினரால் பிடித்து சென்றவர்களை விடுவிக்க கோரி மீனவர்கள் வேலை நிறுத்தம்
இலங்கை கடற்படையினரால் பிடித்து சென்ற மீனவர்களை விடுவிக்க கோரி புதுக்கோட்டை மாவட்ட விசைப்படகு மீனவர்கள் காலவரையற்ற வேலை நிறுத்தத்தில் ஈடுபட்டனர்.
4. சம்பள உயர்வு பேச்சுவார்த்தை தோல்வி: தேசிய பஞ்சாலை தொழிலாளர்கள் 20–ந்தேதி முதல் காலவரையற்ற வேலை நிறுத்தம்
சம்பள உயர்வு பேச்சுவார்த்தை தோல்வி அடைந்ததால், தேசிய பஞ்சாலை தொழிலாளர்கள் வருகிற 20–ந்தேதி முதல் காலவரையற்ற வேலை நிறுத்த போராட்டத்தில் ஈடுபட உள்ளதாக சி.ஐ.டி.யு. தொழிற்சங்க பொதுசெயலாளர் சி.பத்மநாபன் கூறினார்.
5. மராட்டியத்தில் அரசு ஊழியர்களின் வேலை நிறுத்தம் வாபஸ்
மராட்டியத்தில், 7-வது ஊதிய கமிஷன் அமல்படுத்துதல் உள்பட பல்வேறு கோரிக்கைகளை வலியுறுத்தி போராட்டத்தில் ஈடுபட்டு வந்த அரசு ஊழியர்கள் தங்கள் வேலை நிறுத்தத்தை வாபஸ் பெற்றுள்ளனர்.