மாவட்ட செய்திகள்

நல்லம்பள்ளி அருகே மதுக்கடையை முற்றுகையிட்டு பெண்கள் போராட்டம் + "||" + Women's struggle to besiege the barbecue at Nallamallai

நல்லம்பள்ளி அருகே மதுக்கடையை முற்றுகையிட்டு பெண்கள் போராட்டம்

நல்லம்பள்ளி அருகே மதுக்கடையை முற்றுகையிட்டு பெண்கள் போராட்டம்
நல்லம்பள்ளி அருகே மதுக்கடையை முற்றுகையிட்டு பெண்கள் போராட்டத்தில் ஈடுபட்டனர்.
நல்லம்பள்ளி,

நல்லம்பள்ளி அடுத்த அதியமான்கோட்டை ஊராட்சிக்குட்பட்டது வடக்குதெரு கொட்டாவூர் கிராமம். இந்த கிராமத்தில் சுமார் 300-க்கும் மேற்பட்ட குடியிருப்பு வீடுகள், அரசு மிகவும் பிற்படுத்தப்பட்டோர் மாணவர் நல விடுதி மற்றும் அரசு பள்ளிகள், தனியார் பள்ளி, கல்லூரிகள் உள்ளிட்டவை உள்ளது.


இந்த நிலையில் நேற்று ஊரின் மையப்பகுதியில் மதுக்கடை திறக்கப்பட்டதாக கூறப்பட்டது. இது குறித்து தகவல் அறிந்த அப்பகுதி பெண்கள் அந்த மதுக்கடை முன்பு திரண்டு வந்தனர். இதைத் தொடர்ந்து அவர்கள் மதுக்கடையை முற்றுகையிட்டு இங்கு மதுக்கடை அமைக்கக் கூடாது என வலியுறுத்தி கோஷங்கள் எழுப்பினர். இதனால் அங்கு பரபரப்பு ஏற்பட்டது. இது குறித்து அறிந்த அதியமான்கோட்டை போலீசார் அங்கு விரைந்து சென்றனர்.

பின்னர் அவர்கள் பொதுமக்களிடம் பேச்சுவார்த்தை நடத்தினர். அப்போது, உங்கள் கோரிக்கைகளை வலியுறுத்தி மாவட்ட கலெக்டரிடம் மனு கொடுங்கள் என பொதுமக்களிடம் போலீசார் தெரிவித்தனர். இதைத் தொடர்ந்து போராட்டத்தில் ஈடுபட்ட பெண்கள் அங்கிருந்து கலைந்து சென்றனர். அதன்பின்னர் அந்த மதுக்கடை திறக்கப்பட்டு விற்பனை நடந்தது.

இது குறித்து அப்பகுதி மக்கள் கூறுகையில், எங்கள் கிராமத்தில் மதுக்கடை திறந்ததை கண்டிக்கிறோம். இப்பகுதியில் பள்ளி, கல்லூரி, மாணவர் நல விடுதி உள்ளிட்டவைகள் உள்ளன. இங்கு மதுக்கடை திறந்துள்ளதால் மாணவ, மாணவிகள் அச்சத்துடன் செல்ல வேண்டிய நிலை ஏற்படும். மேலும் பெண்களுக்கு பாதுகாப்பு இல்லாத நிலை உருவாகும். எனவே, பெண்களின் நலன்கருதி இங்கு அமைக்கப்பட்டுள்ள மதுக்கடையை அகற்ற மாவட்ட நிர்வாகம் நடவடிக்கை எடுக்க வேண்டும் எனவும், இல்லையெனில் மதுக்கடையை மூடும் வரை தொடர்ந்து போராட்டத்தில் ஈடுபடுவோம் என்றனர். 


தொடர்புடைய செய்திகள்

1. பணி நிரந்தரம் செய்ய வலியுறுத்தி தஞ்சை அரசு மருத்துவமனையை ஒப்பந்த பணியாளர்கள் முற்றுகை
பணி நிரந்தரம் செய்ய வலியுறுத்தி தஞ்சை அரசு மருத்துவமனையை ஒப்பந்த பணியாளர்கள் முற்றுகையிட்டு போராட்டம் நடத்தினர். அப்போது அவர்கள் பெண் ஊழியர்களுக்கு சிலர் பாலியல் தொல்லை அளிப்பதாக குற்றம்சாட்டினர்.
2. 21 அம்ச கோரிக்கைகளை வலியுறுத்தி கிராம நிர்வாக அதிகாரிகள் தொடர் போராட்டம்
21 அம்ச கோரிக்கைகளை வலியுறுத்தி கிராம நிர்வாக அதிகாரிகள் தொடர் போராட்டத்தில் ஈடுபட்டனர்.
3. கோரிக்கைகளை வலியுறுத்தி கிராம நிர்வாக அலுவலர்கள் 4-வது நாளாக வேலை நிறுத்தம்
கோரிக்கைகளை வலியுறுத்தி கிராம நிர்வாக அலுவலர்கள் நேற்று 4-வது நாளாக வேலை நிறுத்த போராட்டத்தில் ஈடுபட்டனர். அப்போது அவர்கள் ஆர்ப்பாட்டமும் செய்தனர்.
4. தாராபுரம் சப்–கலெக்டர் அலுவலகத்தில் பட்டாவை திரும்ப வழங்க வலியுறுத்தி மண்டியிட்டு பிச்சை கேட்கும் போராட்டம்
பட்டாவை திரும்ப வழங்க வலியுறுத்தி தாராபுரம் சப்–கலெக்டர் அலுவலகத்தில் மண்டியிட்டு பிச்சை கேட்கும் போராட்டம் நடத்தியவர்களால் பரபரப்பு ஏற்பட்டது.
5. அரசு ஊழியர் சங்கத்தினர் உண்ணாவிரத போராட்டம்
தமிழ்நாடு அரசு ஊழியர் சங்கம் சார்பில் கரூர் தாலுகா அலுவலகம் முன்பு உண்ணாவிரத போராட்டம் நடைபெற்றது.