மாவட்ட செய்திகள்

மாவட்டம் முழுவதும் கருணாநிதிக்கு பொதுமக்கள், அனைத்து கட்சியினர் அஞ்சலி + "||" + Karunanidhi is in the district, the people, all the party tribute

மாவட்டம் முழுவதும் கருணாநிதிக்கு பொதுமக்கள், அனைத்து கட்சியினர் அஞ்சலி

மாவட்டம் முழுவதும் கருணாநிதிக்கு பொதுமக்கள், அனைத்து கட்சியினர் அஞ்சலி
தர்மபுரி மாவட்டம் முழுவதும் கருணாநிதியின் உருவப்படத்திற்கு பொதுமக்கள், அனைத்து கட்சியினர் மலர்தூவி அஞ்சலி செலுத்தினார்கள்.
தர்மபுரி,

தமிழக முன்னாள் முதல்-அமைச்சரும், தி.மு.க. தலைவருமான கருணாநிதி நேற்று முன்தினம் மாலை உடல்நலக்குறைவால் காலமானார். இதனால் தர்மபுரி மாவட்டத்தை சேர்ந்த பொதுமக்கள் சோகத்தில் மூழ்கினார்கள். தர்மபுரி நகரம் மற்றும் மாவட்டத்தின் பல்வேறு பகுதிகளில் சாலையோர பகுதிகள், தெருக்களில் தி.மு.க.வினர் கண்ணீர் அஞ்சலி பேனர்களை வைத்து அஞ்சலி செலுத்தினார்கள். இதேபோல் பல்வேறு அரசியல் கட்சியினர், பொதுமக்கள் சாலையோர பகுதிகள் மற்றும் தெருக்களில் கருணாநிதியின் உருவப்படங்களை வைத்து அஞ்சலி செலுத்தினார்கள்.


தர்மபுரி மாவட்டம் தடங்கம் கிராமத்தில் தி.மு.க. சார்பில் கருணாநிதியின் உருவப்படத்திற்கு மாலை அணிவித்து அஞ்சலி செலுத்தப்பட்டது. இதில் பெண்கள் ஒப்பாரி வைத்து கண்ணீர் மல்க அஞ்சலி செலுத்தினார்கள். இதேபோல் இலக்கியம்பட்டி வி.பி.சிங் தெரு பகுதியில் தி.மு.க. மூத்த நிர்வாகி குழந்தை தலைமையில் அஞ்சலி செலுத்தும் நிகழ்ச்சி நடைபெற்றது. இதில் சுந்தரம், பாலாஜி, மோகன்ராஜ், சேகர், கங்கா, மணி, சோபியா உள்பட குடியிருப்புவாசிகள், பொதுமக்கள், சிறுவர்-சிறுமிகள் கலந்து கொண்டு கருணாநிதியின் உருவப்படத்திற்கு மலர்தூவி அஞ்சலி செலுத்தினார்கள்.

தர்மபுரி எம்.ஜி.ஆர். நகரில் அனைத்து கட்சிகளை சேர்ந்தவர்கள் கருப்பு பேட்ஜ் அணிந்து ஊர்வலமாக சென்று அந்த பகுதியில் வைக்கப்பட்டிருந்த கருணா நிதியின் உருவப்படத்திற்கு மலர்தூவி அஞ்சலி செலுத்தினார்கள். இந்த நிகழ்ச்சியில் முன்னாள் கவுன்சிலர் மோகன் தலைமையில், தி.மு.க., பா.ம.க., பா.ஜ.க., காங்கிரஸ், இந்திய கம்யூனிஸ்டு, மார்க்சிஸ்ட் கம்யூனிஸ்டு, ம.தி.மு.க. ஆகிய கட்சிகளை சேர்ந்தவர்கள் திரளாக கலந்து கொண்டனர்.

இதேபோல் தர்மபுரி நகராட்சி 25, மற்றும் 26-வது வார்டு தி.மு.க. கிளை சார்பில் கருணாநிதியின் உருவப்படத்திற்கு அஞ்சலி செலுத்தும் நிகழ்ச்சி நடைபெற்றது. நிகழ்ச்சியில் தி.மு.க. இளைஞரணி நிர்வாகி முல்லைவேந்தன் தலைமையில் பாலசுப்பிர மணியம் உள்ளிட்ட கட்சி நிர்வாகிகள் திரளாக கலந்து கொண்டு மெழுகுவர்த்தி ஏந்தியும், மலர்தூவியும் கருணாநிதியின் உருவப்படத்திற்கு அஞ்சலி செலுத்தினார்கள். இதேபோல் சாலை பணியாளர் சங்கத்தினர் மாநில தலைவர் பெரியசாமி தலைமையில் தர்மபுரியில் உள்ள நெடுஞ்சாலைத்துறை அலுவலகம் முன்பு கருணாநிதியின் உருவப்படத்திற்கு மலர்தூவி அஞ்சலி செலுத்தினார்கள். இதேபோல் பல்வேறு தொழிற்சங்கங்கள், அரசுஊழியர் சங்கங்கள் சார்பிலும் பல்வேறு இடங்களில் கருணாநிதிக்கு மவுன அஞ்சலி செலுத்தப்பட்டது.

தொடர்புடைய செய்திகள்

1. முத்தாண்டிப்பாளையத்தில் தினமும் வராத நகர பஸ்சை சிறைபிடித்த பொதுமக்கள்
பல்லடம் அருகே உள்ள முத்தாண்டிபாளையத்திற்கு தினமும் வராத அரசு நகர பஸ்சை பொதுமக்கள் சிறைபிடித்தனர்.
2. காணும் பொங்கலையொட்டி 2–வது நாளாக அறிவியல் மையத்தில் குவிந்த பொதுமக்கள்
பொங்கல் திருவிழா கடந்த 15–ந் தேதி கொண்டாடப்பட்டது. பொங்கலுக்கு மறுநாள், மாட்டு பொங்கல், கரிநாள் மற்றும் காணும் பொங்கல் கொண்டாடப்படுவது வழக்கம்.
3. காரமடையில் மேம்பாலம் கட்டியும் போக்குவரத்து நெரிசல் தீரவில்லை சேவை சாலை அமைக்க பொதுமக்கள் கோரிக்கை
காரமடையில் மேம்பாலம் கட்டியும் பயனில்லாததால், பொதுமக்கள் போக்குவரத்து நெரிசலில் சிக்கி தவிக்கின்றனர். இதை தொடர்ந்து சேவை சாலை அமைத்து வாகன நெரிசலுக்கு தீர்வு காண வேண்டும் என்று பொதுமக்கள் கோரிக்கை விடுத்து உள்ளனர்.
4. பொதுமக்கள் நடமாட்டம் அதிகம் உள்ள புதுவை நேரு வீதியில் கழிவுநீர் குப்பைகளால் போக்குவரத்து நெரிசல்
புதுவையின் முக்கிய கடைவீதியான நேரு வீதியில் கழிவுநீர் வாய்க்கால் தூர்வாரப்பட்டு மண் உள்ளிட்ட குப்பைகள் குவித்து வைக்கப்பட்டு இருப்பதால் போக்குவரத்து நெரிசல் அதிகமாகி உள்ளது.
5. சத்தியமங்கலம் அருகே ராஜன் நகரில் அடிக்கடி நடமாடும் சிறுத்தை; கூண்டு வைத்து பிடிக்க பொதுமக்கள் கோரிக்கை
சத்தியமங்கலம் அருகே உள்ள ராஜன் நகரில் அடிக்கடி சிறுத்தை நடமாடுவதால் அதை கூண்டு வைத்து பிடிக்க பொதுமக்கள் கோரிக்கை வைத்துள்ளார்கள்.