மாவட்ட செய்திகள்

தாய் வீட்டை பிரிந்து தனிக்குடித்தனம் சென்ற டி.டி.வி.தினகரன் தர்மம் பற்றி பேச எந்த தகுதியும் இல்லை + "||" + T.T.V.Dinakaran no qualification to talk about charity

தாய் வீட்டை பிரிந்து தனிக்குடித்தனம் சென்ற டி.டி.வி.தினகரன் தர்மம் பற்றி பேச எந்த தகுதியும் இல்லை

தாய் வீட்டை பிரிந்து தனிக்குடித்தனம் சென்ற டி.டி.வி.தினகரன் தர்மம் பற்றி பேச எந்த தகுதியும் இல்லை
தாய் வீட்டை பிரிந்து தனிக்குடித்தனம் சென்ற டி.டி.வி.தினகரன் தர்மம் பற்றி பேச எந்த தகுதியும் இல்லை என்று அமைச்சர் ஆர்.பி.உதயகுமார் தெரிவித்தார்.

திருமங்கலம்,

மதுரை மாவட்டத்தில் அ.தி.மு.க.வை சேர்ந்த நலிவுற்ற குடும்பங்களுக்கு ஜெயலலிதா பேரவை சார்பில் அமைச்சர் ஆர்.பி.உதயகுமார் நிதி உதவி வழங்கி வருகிறார். அதன்படி திருமங்கலம் அருகே உள்ள கள்ளிக்குடி ஒன்றியத்தில் நலிவடைந்த 170 குடும்பங்கள் தேர்வு செய்யப்பட்டன. ஒவ்வொரு குடும்பத்திற்கும் தலா ரூ.10 ஆயிரம் வீதம் ரூ.17 லட்சம் நிதி உதவியை அமைச்சர் நேற்று வழங்கினர். அப்போது அமைச்சர் ஆர்.பி.உதயகுமார் நிருபர்களிடம் கூறியதாவது:–

அ.தி.மு.க. அரசின் சாதனைகளை விளக்கும் வகையில் ஜெயலலிதா பேரவை சார்பில் கடந்த 15–ந் தேதி மதுரை மாவட்டத்தில் சைக்கிள் பேரணி தொடங்கப்பட்டது. அப்போது மதுரை மாவட்டத்தில் உள்ள 10 சட்டமன்ற தொகுதிக்குட்பட்ட பொதுமக்களை சந்தித்து அரசின் சாதனைகளை எடுத்து கூறினோம். 2–வது கட்டமாக சிவகங்கை, ராமநாதபுரம் மாவட்டங்களில் சைக்கிள் பேரணி நடந்தது.

3–வது கட்டமாக வருகிற 17–ந் தேதி திருவண்ணாமலை, வேலூர் மாவட்டங்களிலும், அதை தொடர்ந்து 30–ந் தேதி முதல் அடுத்த மாதம் வரை 14–ந்தேதி வரை தூத்துக்குடி, விருதுநகர் மாவட்டங்களிலும் சைக்கிள் பேரணி நடத்தப்படும். நாங்கள் சைக்கிள் பேரணி செல்லும் இடங்களில் பொதுமக்களிடம் நல்ல வரவேற்பு உள்ளது.

திருப்பரங்குன்றம் தொகுதியில் எப்போது தேர்தல் நடந்தாலும் அ.தி.மு.க. அமோக வெற்றி பெறும். அந்த தொகுதிக்கு எய்ம்ஸ் மருத்துவமனை, துணைக்கோல் நகரம் போன்ற பல்வேறு வளர்ச்சி திட்டங்களை பெற்று தந்துள்ளோம். உள்கட்டமைப்பு வசதி, வேலை வாய்ப்பு முகாம் நடத்தி இளைஞர்களுக்கு வேலைவாய்ப்பு ஏற்படுத்தி கொடுத்தோம். அ.தி.மு.க. கொடுத்த வாக்குறுதியை நிறைவேற்றி உள்ளது.

எனவே அந்த பகுதி மக்கள் அ.தி.மு.க.விற்கு வாக்களித்து வெற்றிபெற செய்ய தயாராகி விட்டார்கள். திருப்பரங்குன்றம் இடைத்தேர்தலில் டி.டி.வி.தினகரன் அணியை ஒரு லட்சம் வாக்கு வித்தியாசத்தில் வெற்றி பெறுவோம். அவர் தாய் வீட்டை பிரிந்து தனிக்குடித்தனம் சென்று விட்டார். எனவே டி.டி.வி. தினகரன் தர்மம் பற்றி பேச எந்த தகுதியும் இல்லை. அவரால் திருப்பரங்குன்றம் தொகுதியில் வெற்றி பெற முடியாது.

இவ்வாறு அவர் கூறினார்.



தொடர்புடைய செய்திகள்

1. அமெரிக்க நாட்டில் யூத வழிபாட்டு தலம் மீது தாக்குதல் நடத்த சதி ஐ.எஸ். பயங்கரவாத அமைப்பின் ஆதரவாளர் கைது
அமெரிக்காவில் ஓஹியோ மாகாணம், டோலிடோ நகரத்தில் அமைந்துள்ள யூத வழிபாட்டு தலம் ஒன்றில் தாக்குதல் நடத்த ஐ.எஸ். பயங்கரவாத அமைப்பினர் சதி செய்துள்ளனர்.
2. பேராவூரணி அருகே பரபரப்பு: குடிநீர் தொட்டியை சுத்தம் செய்தவர்கள் மீது தாக்குதல் நடத்திய ஆபரேட்டர்
பேராவூரணி அருகே மேல்நிலை நீர்த்தேக்க தொட்டியை சுத்தம் செய்தவர்கள் மீது ஆபரேட்டர் தாக்குதல் நடத்தியதாக கூறி கலங்கிய குடிநீருடன் போலீஸ் நிலையத்திற்கு பொது மக்கள் வந்து புகார் கொடுத்தனர். இந்த சம்பவத்தால் அங்கு பரபரப்பு ஏற்பட்டது.
3. தடைகளை மீறி ஜனவரி முதல் மீண்டும் இலவச அரிசி அமைச்சர் கந்தசாமி அறிவிப்பு
தடைகளை மீறி ரே‌ஷன் கடைகள் மூலம் வருகிற ஜனவரி மாதம் முதல் மீண்டும் இலவச அரிசி வழங்கப்படும் என்று அமைச்சர் கந்தசாமி தெரிவித்தார்.
4. மாணவியை கேலி செய்ததை தட்டிக் கேட்டவர் மீது தாக்கு; 2 பேர் கைது
மானாமதுரையில் பள்ளி மாணவியை கேலி செய்தது தொடர்பாக தட்டி கேட்ட வாலிபரை தாக்கிய 2 பேரை போலீசார் கைது செய்தனர்.
5. பெண்கள் பாதுகாப்புக்கு 181 இலவச தொலைபேசி சேவை முதல்–அமைச்சர் எடப்பாடி பழனிசாமி இன்று தொடங்கி வைக்கிறார்
பெண்கள் பாதுகாப்புக்கு என்று 181 இலவச தொலைபேசி சேவையை முதல்–அமைச்சர் எடப்பாடி பழனிசாமி இன்று (திங்கட்கிழமை) தொடங்கி வைக்கிறார்.