மாவட்ட செய்திகள்

தூத்துக்குடி துப்பாக்கி சூடு: விசாரணை ஆணையத்தில் நாம் தமிழர் கட்சியினர் ஆவணங்கள் ஒப்படைப்பு + "||" + Thoothukudi firing: We are handing over documents to Tamils in the inquiry commission

தூத்துக்குடி துப்பாக்கி சூடு: விசாரணை ஆணையத்தில் நாம் தமிழர் கட்சியினர் ஆவணங்கள் ஒப்படைப்பு

தூத்துக்குடி துப்பாக்கி சூடு: விசாரணை ஆணையத்தில் நாம் தமிழர் கட்சியினர் ஆவணங்கள் ஒப்படைப்பு
தூத்துக்குடி துப்பாக்கி சூடு விவகாரத்தில் விசாரணை ஆணையத்தில் நாம் தமிழர் கட்சியினர் ஆவணங்களை ஒப்படைத்துள்ளனர்.
தூத்துக்குடி,

தூத்துக்குடியில் கடந்த மே மாதம் 22-ந்தேதி நடந்த துப்பாக்கி சூடு மற்றும் தடியடியில் 13 பேர் உயிர் இழந்தனர். இதுதொடர்பாக விசாரணை நடத்துவதற்காக தமிழக அரசு ஓய்வுபெற்ற ஐகோர்ட்டு நீதிபதி அருணா ஜெகதீசன் தலைமையில் ஒருநபர் விசாரணை ஆணையத்தை அமைத்தது. அவர் கடந்த ஜூன் மாதம் 4-ந்தேதி தூத்துக்குடிக்கு வந்து பாதிக்கப்பட்டவர்களை நேரில் சந்தித்து ஆறுதல் கூறினார். தொடர்ந்து பாதிக்கப்பட்டவர்கள் பிரமாண பத்திரம் தாக்கல் செய்யுமாறு தெரிவிக்கப்பட்டது.


தாக்கல் செய்யப்பட்ட பிரமாண பத்திரங்கள் அடிப்படையில், தெற்கு பீச் ரோட்டில் உள்ள ஒருநபர் ஆணைய முகாம் அலுவலகத்தில் விசாரணை தொடங்கியது. 2-வது கட்ட விசாரணை கடந்த 2 நாட்கள் நடந்தது. துப்பாக்கி சூட்டில் காயம் அடைந்தவர்கள், துப்பாக்கி சூட்டில் இறந்தவர்களின் உறவினர்கள் உள்பட மொத்தம் 12 பேருக்கு விசாரணைக்கு ஆஜராக சம்மன் வழங்கப்பட்டது. இதில் 10 பேர் ஆஜராகி வாக்குமூலம் அளித்தனர். இதையடுத்து நேற்று மதியம் 3 மணிக்கு ஓய்வு பெற்ற ஐகோர்ட்டு நீதிபதி அருணா ஜெகதீசன் சென்னை புறப்பட்டு சென்றார்.

முன்னதாக, நேற்று காலையில் நாம் தமிழர் கட்சி மாநில ஒருங்கிணைப்பாளர் வியனரசு, மண்டல செயலாளர் இசக்கிதுரை ஆகியோர் தெற்கு பீச் ரோட்டில் உள்ள ஒருநபர் ஆணைய முகாம் அலுவலகத்துக்கு சென்றனர். பின்னர் வெளியே வந்த வியனரசு நிருபர்களிடம் கூறுகையில், தூத்துக்குடி துப்பாக்கி சூடு சம்பவம் தொடர்பாக, ஒருநபர் விசாரணை ஆணையத்தில் நானும், மண்டல செயலாளர் இசக்கிதுரையும் சிறையில் இருந்தபோது, பிரமாண பத்திரம் தாக்கல் செய்தோம். அதுதொடர்பான ஆவணங்களை இன்று (அதாவது நேற்று) சமர்ப்பிக்க எனக்கு சம்மன் அனுப்பப்பட்டது. அதன்படி எங்களிடம் இருந்த ஆவணங்களை ஆணையத்தில் சமர்ப்பித்து உள்ளோம். மறுபடியும் சம்மன் அனுப்பி விசாரிப்பதாக தெரிவிக்கப்பட்டு உள்ளது என்றார்.


தொடர்புடைய செய்திகள்

1. ஜெயலலிதா மரணம் தொடர்பான விசாரணையை விரைந்து முடிக்க திட்டம் - ஒரே நாளில் 15 பேரிடம் விசாரணை
ஜெயலலிதா மரணம் குறித்து விசாரணை நடத்தி வரும் நீதிபதி ஆறுமுகசாமி ஆணையம், விசாரணையை விரைந்து முடிக்கும் நடவடிக்கையாக இன்று ஒரே நாளில் 15 பேரிடம் விசாரணை நடத்தப்பட்டது.
2. கனடாவில் டொரண்டோ நகரில் மர்ம நபர் துப்பாக்கி சூடு; 9 பேர் காயம்
கனடாவில் டொரண்டோ நகரில் மர்ம நபர் நடத்திய துப்பாக்கி சூடு சம்பவத்தில் 9 பேர் காயமடைந்து உள்ளனர்.
3. வாகனம் நிறுத்தும் தகராறில் ஆட்டோ டிரைவரை சுட்ட பெண்
புதுடெல்லி அருகே, கார் நிறுத்தும் தகராறில் ஆட்டோ ஓட்டுனரை துப்பாக்கியால் சுட்ட பெண் கைது செய்யப்பட்டார்.
4. அப்பல்லோ ஆஸ்பத்திரியில் ஆறுமுகசாமி விசாரணை ஆணையம் இன்று நடத்த இருந்த ஆய்வு ரத்து
அப்பல்லோ ஆஸ்பத்திரியில் இன்று நடைபெற இருந்த ஆய்வு ரத்து செய்யப்படுவதாக விசாரணை ஆணையம் உத்தரவிட்டுள்ளது.
5. ஜெயலலிதா மரணம் குறித்து விசாரிக்கும் ஆணையம் முன்பு முன்னாள் போலீஸ் கமிஷனர் ஜார்ஜ் மீண்டும் இன்று ஆஜராக உத்தரவு
ஜெயலலிதா மரணம் குறித்து விசாரணை நடத்தி வரும் ஆணையத்தில் முன்னாள் போலீஸ் கமிஷனர் ஜார்ஜ் இன்று மீண்டும் ஆஜராகி விளக்கம் அளிக்க ஆணையம் உத்தரவிட்டுள்ளது.