மாவட்ட செய்திகள்

தேர்தலை நேர்மையாக நடத்தக்கோரி கூட்டுறவு சங்க அலுவலக கதவை மூடி போராட்டம் + "||" + Co-operative society office door closure struggle

தேர்தலை நேர்மையாக நடத்தக்கோரி கூட்டுறவு சங்க அலுவலக கதவை மூடி போராட்டம்

தேர்தலை நேர்மையாக நடத்தக்கோரி கூட்டுறவு சங்க அலுவலக கதவை மூடி போராட்டம்
தேர்தலை நேர்மையாக நடத்தக்கோரி கூட்டுறவு சங்க அலுவலக கதவை இழுத்து மூடி நிர்வாகக்குழு உறுப்பினர்கள் திடீர் போராட்டத்தில் ஈடுபட்டதால் பரபரப்பு ஏற்பட்டது.

விழுப்புரம்,

விழுப்புரம் மாவட்ட சத்துணவு திட்ட பணியாளர்கள் கூட்டுறவு சிக்கனம் மற்றும் கடன் சங்க அலுவலக நிர்வாகக்குழு உறுப்பினர்கள் தேர்தல் கடந்த 7–ந் தேதி நடைபெற்றது. இதில் முத்தாலு, மலர், பிரேமகுமாரி, பச்சையப்பன், மனோகரன், சக்கரவர்த்தி உள்பட 11 பேர் தேர்ந்தெடுக்கப்பட்டனர். இவர்களில் தலைவர், துணைத்தலைவருக்கான தேர்தல் நேற்று நடைபெறுவதாக இருந்தது.

காலை 10.30 மணிக்கு வேட்பு மனுதாக்கல் தொடங்கி மதியம் 1 மணிக்குள் தேர்தல் முடிவடைந்து தலைவர், துணைத்தலைவரை தேர்ந்தெடுக்க வேண்டும். ஆனால் பகல் 12 மணி வரை ஆகியும் தேர்தல் அதிகாரி சுரேஷ்பாபு அலுவலகத்திற்கு வரவில்லை.

இதனால் ஆத்திரமடைந்த 9 நிர்வாகக்குழு உறுப்பினர்கள், அந்த கூட்டுறவு சங்க அலுவலகத்தின் கதவை இழுத்து மூடி திடீர் போராட்டத்தில் ஈடுபட்டனர். அப்போது கூட்டுறவு சங்க தேர்தலில் முறைகேடுகள் நடப்பதாகவும், நேர்மையாகவும், நியாயமாகவும் தேர்தலை நடத்த வலியுறுத்தி அவர்கள் கோ‌ஷம் எழுப்பினர்.

இதுகுறித்த தகவல் அறிந்ததும் விழுப்புரம் மேற்கு போலீசார் விரைந்து சென்று போராட்டத்தில் ஈடுபட்டவர்களிடம் சமரச பேச்சுவார்த்தை நடத்தியதன்பேரில் அவர்கள் அனைவரும் போராட்டத்தை கைவிட்டனர். இதுபற்றி அவர்கள் கூறுகையில், சத்துணவு திட்ட பணியாளர்கள் கூட்டுறவு சிக்கனம் மற்றும் கடன் சங்க தலைவர், துணைத்தலைவர் தேர்தல் முறைகேடின்றி நேர்மையாக நடத்தப்பட வேண்டும். இதுசம்பந்தமாக கூட்டுறவு சங்க இணைப்பதிவாளரிடம் ஓரிரு நாளில் மனு கொடுக்க உள்ளோம் என்றனர்.

இந்த திடீர் போராட்டத்தினால் அங்கு சிறிது நேரம் பரபரப்பு ஏற்பட்டது.



தொடர்புடைய செய்திகள்

1. சபரிமலை அய்யப்பன் கோவில் விவகாரத்தை மறுசீராய்வு செய்யாவிட்டால் தமிழகத்திலும் போராட்டம் வெடிக்கும்; இந்து முன்னணி மாநில தலைவர் பேட்டி
சபரிமலை அய்யப்பன் கோவில் விவகாரத்தை மறு சீராய்வு செய்யாவிட்டால் தமிழகத்திலும் போராட்டம் வெடிக்கும் என்று இந்து முன்னணி மாநில தலைவர் காடேஸ்வரா சி.சுப்பிரமணியம் கூறினார்.
2. போலீசார் தடியடி நடத்தியதை கண்டித்து கேரளாவில் முழு அடைப்பு போராட்டம்; கல்வீச்சில் 30 பஸ்கள் சேதம்
போலீசார் தடியடி நடத்தியதை கண்டித்து கேரளாவில் முழு அடைப்பு போராட்டம் நடைபெற்றது. போராட்டக்காரர்கள் கல்வீசி தாக்கியதில் 30 அரசு பஸ்கள் சேதம் அடைந்தன. மர்ம ஆசாமிகள் கர்ப்பிணியை தாக்கியதால் பரபரப்பு ஏற்பட்டது.
3. கவர்னரின் காரை வழிமறித்து மாணவர்கள் திடீர் போராட்டம்; சட்டக்கல்லூரியில் பரபரப்பு
புதுவை சட்டக்கல்லூரியில் கவர்னரின் காரை வழிமறித்து மாணவர்கள் திடீர் போராட்டத்தில் ஈடுபட்டனர். இதனால் அங்கு பரபரப்பு ஏற்பட்டது.
4. தனியார் நிதி நிறுவன ஊழியரை தாக்கி பணம் பறிப்பு: 4 முகமூடி கொள்ளையர்கள் கைது
தனியார் நிதி நிறுவன ஊழியரை தாக்கி கொள்ளையடித்த பரபரப்பு சம்பவம் கண்காணிப்பு கேமராவில் சினிமா காட்சி போல் பதிவாகி இருந்தன. இதுதொடர்பாக முகமூடி கொள்ளையர்கள் 4 பேரை போலீசார் கைது செய்தனர்.
5. பயணிகளை மிரட்டி கீழே இறக்கிவிட்டு ஓடும் பஸ்சில் கல்லூரி மாணவருக்கு சரமாரி அரிவாள் வெட்டு
காளையார்கோவில் அருகே ஓடும் பஸ்சை மறித்து நிறுத்தி பயணிகளை கீழே இறக்கி விட்டு, கல்லூரி மாணவர் ஒருவரை சரமாரியாக வெட்டிய மர்ம கும்பலை போலீசார் தேடி வருகின்றனர்.