மாவட்ட செய்திகள்

வெடிமருந்து குடோனுக்கு தீ வைப்பு வாலிபர் மீது வழக்கு + "||" + Fire deposit for explosive guton The case of the young man

வெடிமருந்து குடோனுக்கு தீ வைப்பு வாலிபர் மீது வழக்கு

வெடிமருந்து குடோனுக்கு தீ வைப்பு வாலிபர் மீது வழக்கு
வெடி மருந்து குடோனுக்கு தீ வைத்ததாக வாலிபர் மீது போலீசார் வழக்குப்பதிவு செய்துள்ளனர்.

கடலூர், 


கடலூர் முதுநகர் அருகே பெரியகாரைக்காட்டை சேர்ந்தவர் மோகன்ராஜ் (வயது 31). இவர் அதே பகுதியில் நாட்டு வெடி மற்றும் வானவெடி மருந்து குடோன் வைத்துள்ளார். இவரது பக்கத்து வீட்டை சேர்ந்தவர் சுரேஷ் (34). கடந்த 2 நாட்களுக்கு முன்பு மோகன்ராஜ் வீட்டில் உள்ள நாய், சுரேஷ் வீட்டில் உள்ள கோழிகளை கடித்து தின்றதாக தெரிகிறது.

இதனால் ஆத்திரமடைந்த சுரேஷ், மோகன்ராஜிடம் வாக்குவாதம் செய்தார். அப்போது உன்னையும், உன்னுடைய வெடி மருந்து குடோனையும் தீ வைத்து கொளுத்தி விடுவதாக சுரேஷ் மிரட்டிச்சென்றதாக தெரிகிறது.

இந்நிலையில் நேற்று முன்தினம் நள்ளிரவு மோகன்ராஜிக்கு சொந்தமான வெடி மருந்து குடோனில் உள்ள மேற்கூரை திடீரென தீப்பிடித்து எரிய தொடங்கியது. சற்று நேரத்தில் தீ முழுவதும் பரவி எரிய ஆரம்பித்தது. இதில் வானவெடிகள், வெடி மருந்துகள் தீப்பிடித்து பயங்கர சத்தத்துடன் வெடித்து சிதறியது. பக்கவாட்டு சுவர்கள் இடிந்து தரைமட்டமாயின.

சத்தம் கேட்டதும் மோகன்ராஜ் மற்றும் அக்கம், பக்கத்தினர் ஓடி வந்து பார்த்தனர். இருப்பினும் அவர்களால் தீயை அணைக்க முடியவில்லை. பின்னர் இது பற்றி தகவல் அறிந்ததும் கடலூர் சிப்காட் தீயணைப்பு வீரர்கள் விரைந்து சென்று தீயை போராடி அணைத்தனர். இருந்தபோதிலும் வெடிகள், மருந்துகள் முற்றிலும் எரிந்து நாசமானது. இவற்றின் மொத்த சேதமதிப்பு ரூ.40 ஆயிரம் ஆகும்.

இது பற்றி மோகன்ராஜ் கடலூர் முதுநகர் போலீசில், தன்னுடைய வெடி மருந்து குடோனை சுரேஷ் தீ வைத்து கொளுத்தி இருக்கலாம் என்று சந்தேகத்தின்பேரில் புகார் செய்தார். அதன்பேரில் சுரேஷ் மீது போலீசார் வழக்குப்பதிவு செய்து விசாரணை நடத்தி வருகின்றனர். 


தொடர்புடைய செய்திகள்

1. விதிகளை மீறி வாகனம் ஓட்டிய 1,108 பேர் மீது வழக்கு
தூத்துக்குடி மாவட்டத்தில் விதிகளை மீறி வாகனம் ஓட்டியதாக 1,108 பேர் மீது வழக்குப்பதிவு செய்யப்பட்டு உள்ளது.
2. முதல்–அமைச்சர் பற்றி அவதூறாக பேசியதாக மு.க.ஸ்டாலின், ஈ.வி.கே.எஸ்.இளங்கோவன் மீது திருச்சி கோர்ட்டில் வழக்கு
முதல்–அமைச்சர் பற்றி அவதூறாக பேசியதாக மு.க.ஸ்டாலின், ஈ.வி.கே.எஸ்.இளங்கோவன் மீது திருச்சி கோர்ட்டில் வழக்கு தொடரப்பட்டது.
3. கோடநாடு வழக்கு விவரங்களை அரசு தெளிவுபடுத்த வேண்டும்; திருப்பூரில் ஜி.கே.வாசன் பேட்டி
கோடநாடு வழக்கு விவரங்களை அரசு தெளிவுபடுத்த வேண்டும் என்று திருப்பூரில் ஜி.கே.வாசன் கூறினார்.
4. நெல்லையில் மாணவியை தாக்கியதாக புகார்: அரசு பள்ளி ஆசிரியர் மீது வழக்கு
நெல்லை டவுனில் மாணவியை துடைப்பத்தால் தாக்கியதாக புகார் அளிக்கப்பட்டதால் அரசு பள்ளி ஆசிரியர் மீது போலீசார் வழக்குப்பதிவு செய்தனர்.
5. இந்து முன்னணியினர் –பொதுமக்கள் மோதிக்கொண்ட விவகாரம்: இருதரப்பையும் சேர்ந்த 100 பேர் மீது வழக்குப்பதிவு
ஊதியூரில் தனியார் நிறுவனம் பால்பண்ணை கட்டும் விவகாரம் தொடர்பாக இந்து முன்னணியினர்–பொதுமக்கள் மோதிக்கொண்ட விவகாரத்தில் இருதரப்பையும் சேர்ந்த 100 பேர் மீது போலீசார் வழக்குப்பதிவு செய்தனர்.