கிருஷ்ணகிரியில், நாளை நடக்கிறது: சுதந்திர தின விழா கலெக்டர் தேசிய கொடியை ஏற்றுகிறார்

கிருஷ்ணகிரி,

கிருஷ்ணகிரி மாவட்ட நிர்வாகம் சார்பில் சுதந்திர தின விழா நாளை (புதன்கிழமை) கொண்டாடப்படுகிறது. கிருஷ்ணகிரி மாவட்ட விளையாட்டு திடலில் காலை 9.15 மணிக்கு இந்த விழா நடைபெறுகிறது. இதில் மாவட்ட கலெக்டர் கதிரவன் கலந்து கொண்டு தேசிய கொடியை ஏற்றி வைத்து காவல் துறையினரின் அணிவகுப்பு மரியாதை ஏற்று கொள்கிறார்.

மேலும் சுதந்திர போராட்ட தியாகிகளை கவுரவித்து, அரசின் நலத்திட்ட உதவிகளை வழங்க உள்ளார். நிகழ்ச்சியையொட்டி பள்ளி மாணவ, மாணவிகளின் கலை நிகழ்ச்சிகள் நடைபெறுகிறது.

சுதந்திர தின விழாவை முன்னிட்டு காவல் துறையினரின் அணிவகுப்பு ஒத்திகை நிகழ்ச்சி நேற்று நடந்தது. இந்த விழாவை முன்னிட்டு கிருஷ்ணகிரி மாவட்ட போலீஸ் சூப்பிரண்டு மகேஷ்குமார் தலைமையில் போலீசார் மாவட்ட விளையாட்டு மைதான வளாகத்தில் பாதுகாப்பு ஏற்பாடுகளை மேற்கொண்டு வருகிறார்கள்.