<
தூத்துக்குடி விமான நிலைய கட்டிடம் விரைவில் விரிவாக்கம்
தூத்துக்குடி விமான நிலைய கட்டிடம் விரைவில் விரிவாக்கம் செய்யப்படும் என்று விமான நிலைய இயக்குனர் சுப்பிரமணியன் தெரிவித்து உள்ளார்.
தூத்துக்குடி,
தூத்துக்குடி வாகைகுளம் விமான நிலையத்தில் சுதந்திர தின விழா நேற்று கொண்டாடப்பட்டது. விழாவுக்கு விமான நிலைய இயக்குனர் சுப்பிரமணியன் தலைமை தாங்கி தேசிய கொடியை ஏற்றி வைத்து பேசினார்.
அப்போது அவர் கூறுகையில், தூத்துக்குடி விமான நிலையம் விரிவாக்கத்துக்கான நிலம் கையகப்படுத்தப்பட்டு உள்ளது. இந்த நிலத்துக்கு விரைவில் சுற்றுச்சுவர் அமைக்கப்பட உள்ளது. அதே போன்று தூத்துக்குடி விமான நிலையத்துக்கு தினமும் 6 விமானங்கள் வந்து செல்கின்றன. இதனால் பயணிகள் வருகை அதிகரித்து உள்ளது.
தற்போது 1,100 சதுர மீட்டர் பரப்பில் விமான நிலைய கட்டிடம் அமைந்து உள்ளது. இந்த கட்டிடம் பயணிகளின் வசதிக்காக 2 ஆயிரத்து 150 சதுர மீட்டராக விரிவாக்கம் செய்ய விமான நிலைய ஆணையம் நடவடிக்கை மேற்கொண்டு வருகிறது. விரைவில் விரிவாக்கப் பணிகள் தொடங்க உள்ளன என்று தெரிவித்தார்.
தொடர்ந்து விழாவையொட்டி விமான நிலைய ஊழியர்கள், விமான நிறுவன ஊழியர்கள், போலீசாருக்கு பல்வேறு விளையாட்டு போட்டிகள் நடத்தப்பட்டு, அதில் வெற்றி பெற்றவர்களுக்கு பரிசுகள் வழங்கப்பட்டன.
விழாவில் விமான நிலைய உதவி இயக்குனர் கார்த்திகேயன், மேலாளர் ஜெயராமன் மற்றும் விமான நிறுவன ஊழியர்கள், போலீசார் கலந்து கொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
