மாவட்ட செய்திகள்

தறிகெட்டு ஓடிய கார் கிணற்றுக்குள் பாய்ந்தது : 3 பேர் உயிர் தப்பினர் + "||" + The car crashed into the well of the car: 3 people survived

தறிகெட்டு ஓடிய கார் கிணற்றுக்குள் பாய்ந்தது : 3 பேர் உயிர் தப்பினர்

தறிகெட்டு ஓடிய கார் கிணற்றுக்குள் பாய்ந்தது : 3 பேர் உயிர் தப்பினர்
சிறுபாக்கத்தில் தறிகெட்டு ஓடிய கார் கிணற்றுக்குள் பாய்ந்தது. இந்த விபத்தில் தொழில் அதிபர் உள்பட 3 பேர் அதிர்ஷ்டவசமாக உயிர் தப்பினர்.
சிறுபாக்கம், 

ஈரோடு மாவட்டம் திருநகரை சேர்ந்தவர் தொழில் அதிபர் சரவணன் (வயது 42). இவர் அதே பகுதியில் ஆயில் தொழிற்சாலை வைத்து நடத்தி வருகிறார். நேற்று காலை இவர் தனது தொழிற்சாலையில் வேலை பார்த்து வரும் கலியமூர்த்தி மகன் இளங்கோ(26), விஜயகுமார்(29) ஆகியோருடன் ஒரு காரில் கடலூர் மாவட்டம் நெய்வேலிக்கு வந்தார். பின்னர் சரவணன் மாலை 4 மணிக்கு ஈரோட்டுக்கு திரும்பினார். காரை விஜயகுமார் ஓட்டினார்.

சிறுபாக்கம் பஸ் நிலையம் அருகே வந்த போது நாய் ஒன்று சாலையின் குறுக்கே ஓடியது. இதனால் விஜயகுமார் காரை சாலையோரமாக திருப்ப முயன்றார். இதில் அவரது கட்டுப்பாட்டை இழந்த கார் தறிகெட்டு ஓடி சாலையோரம் உள்ள விளை நிலத்தில் இருந்த 100 அடி ஆழமுள்ள கிணற்றுக்குள் பாய்ந்தது.

இதில் காருக்குள் சிக்கி லேசான காயமடைந்த சரவணன் உள்ளிட்ட 3 பேரும் காப்பாற்றுங்கள் காப்பாற்றுங்கள் என கூச்சலிட்டனர். இந்த சத்தம் கேட்ட அருகில் உள்ள வயல்களில் வேலை பார்த்துக் கொண்டிருந்த விவசாயிகள் விரைந்து வந்து கிணற்றுக்குள் விழுந்த காரில் சிக்கிய சரவணன், இளங்கோ, விஜயகுமார் ஆகிய 3 பேரையும் கயிறு கட்டி மீட்டனர்.

பின்னர் அவர்களை சிகிச்சைக்காக கள்ளக்குறிச்சி அரசு மருத்துவமனையில் சேர்த்தனர். அங்கு அவர்களுக்கு டாக்டர்கள் சிகிச்சை அளித்தனர். இதுபற்றி தகவல் அறிந்த சிறுபாக்கம் போலீசார் சம்பவ இடத்துக்கு விரைந்து வந்து விசாரணை நடத்தினர். 

தொடர்புடைய செய்திகள்

1. வேளாங்கண்ணி அருகே குளத்திற்குள், கார் பாய்ந்து 2 பேர் பலி
வேளாங்கண்ணி அருகே குளத்திற்குள், கார் பாய்ந்து 2 பேர் பலியானார்கள். இதுதொடர்பாக திருக்குவளை போலீசார் வழக்குப்பதிவு செய்து விசாரணை நடத்தி வருகின்றனர்.
2. புதுச்சேரி காங்கிரஸ் எம்.எல்.ஏ. கார் மீது மர்ம நபர்கள் தாக்குதல்
புதுச்சேரி காங்கிரஸ் எம்.எல்.ஏ. கார் மீது மர்ம நபர்கள் தாக்குதல் நடத்தி உள்ளனர்.
3. புதுக்கடை அருகே பரிதாபம்: கார்-மோட்டார் சைக்கிள் மோதல்; சப்-இன்ஸ்பெக்டர் பலி
மோட்டார்சைக்கிள் மீது கார் மோதிய விபத்தில் சப்-இன்ஸ்பெக்டர் பரிதாபமாக பலியானார்.
4. பெருமாநல்லூர் அருகே காரில் திடீர் தீ; 4 பேர் உயிர் தப்பினர்
பெருமாநல்லூர் அருகே காரில் திடீரேன தீ பிடித்தது. அதில் பயணம் செய்த 4 பேர் உயிர் தப்பினர்.
5. புதுக்கோட்டையில் சாலை விபத்து; 3 பேர் பலி
புதுக்கோட்டை அறந்தாங்கி அருகே சாலையோரத்தில் இருந்த மரத்தில் கார் மோதியதில் 3 பேர் உயிரிழந்தனர்.

ஆசிரியரின் தேர்வுகள்...