அரசு பல் மருத்துவக் கல்லூரி ஊழியர்கள் ஆர்ப்பாட்டம்

புதுச்சேரி,

புதுவை கோரிமேடு மகாத்மா காந்தி அரசு பல் மருத்துவக் கல்லூரியில் பணியாற்றி வரும் ஆசிரியர் அல்லாத பணியாளர்களுக்கு கடந்த 2 மாதங்களாக சம்பளம் வழங்கப்படவில்லை. இந்த நிலையில் நேற்று காலை அவர்கள் தங்களுக்கு நிலுவையில் உள்ள சம்பளம் வழங்க வேண்டும், 7–வது ஊதியக்குழுவின் பரிந்துரைகளை அமல்படுத்த வேண்டும், அகவிலைபடியை உயர்த்த வேண்டும் என்பது உள்பட பல்வேறு கோரிக்கைகளை வலியுறுத்தி ஆர்ப்பாட்டம் நடத்தினர்.

ஆர்ப்பாட்டத்திற்கு சங்கத்தின் துணைத்தலைவர் கலைச்செல்வன் தலைமை தாங்கினார். இதில் ஊழியர்கள் பலர் கலந்துகொண்டனர். தொடர்ந்து அவர்கள் தங்கள் கோரிக்கைகளை வலியுறுத்தி பணிகளை புறக்கணித்து காத்திருப்பு போராட்டம் நடத்தினர்.