மாவட்ட செய்திகள்

சொத்து தகராறில் சித்தியை கொலை செய்த தொழிலாளிக்கு போலீசார் வலைவீச்சு + "||" + Police blazer for worker who killed Siddhi in property dispute

சொத்து தகராறில் சித்தியை கொலை செய்த தொழிலாளிக்கு போலீசார் வலைவீச்சு

சொத்து தகராறில் சித்தியை கொலை செய்த தொழிலாளிக்கு போலீசார் வலைவீச்சு
அரவக்குறிச்சி அருகே சொத்து தகராறில் சித்தியை கொலை செய்த தொழிலாளியை போலீசார் வலைவீசி தேடி வருகின்றனர்.
அரவக்குறிச்சி,

கரூர் மாவட்டம் அரவக்குறிச்சி தாலுகாவிற்கு உட்பட்ட பெரியமஞ்சுவழி பகுதியை சேர்ந்தவர் வேலுச்சாமி. இவருக்கு 2 மனைவி. இதில் முதல் மனைவி பாப்பாத்தி, 2-வது மனைவி லட்சுமி(வயது 68). பாப்பாத்தி மகன் கருப்பசாமி(50) மதுரை வாடிப்பட்டியில் கூலி தொழிலாளியாக வேலை செய்து வருகிறார். இந்த நிலையில் பெரியமஞ்சுவழி அருகே உள்ள நடுப்பட்டியில் வசித்து வந்த தனது சித்தி லட்சுமி வீட்டிற்கு வந்த கருப்பசாமி சொத்தை பிரித்து தரும்படி கேட்டு வாக்குவாதத்தில் ஈடுபட்டுஉள்ளார். அப்போது ஏற்பட்ட தகராறில் ஆத்திரம் அடைந்த கருப்பசாமி அருகில் கிடந்த மண் வெட்டியை எடுத்து லட்சுமியின் தலையில் தாக்கிவிட்டு தப்பியோடிவிட்டார்.

இதில் படுகாயம் அடைந்த லட்சுமி சம்பவ இடத்திலேயே உயிரிழந்தார். இதனை பார்த்த அப்பகுதியினர் இதுகுறித்து அரவக்குறிச்சி போலீஸ் நிலையத்திற்கு தகவல் தெரிவித்தனர். தகவலின் பேரில் அரவக்குறிச்சி போலீஸ் சூப்பிரண்டு முத்தமிழ்செல்வன் மற்றும் போலீசார் சம்பவ இடத்திற்கு விரைந்து சென்று விசாரணை நடத்தினர். பின்னர் லட்சுமியின் உடலை கைப்பற்றி பிரேத பரிசோதனைக்காக கரூர் அரசு மருத்துவமனைக்கு அனுப்பி வைத்தனர். இதுகுறித்து அரவக்குறிச்சி போலீசார் வழக்குப்பதிவு செய்து தலைமறைவான கருப்பசாமியை வலைவீசி தேடி வருகின்றனர். வேலுச்சாமியும், பாப்பாத்தியும் ஏற்கனவே உயிரிழந்துவிட்டனர் என்பது குறிப்பிடத்தக்கது.


தொடர்புடைய செய்திகள்

1. கணவன்-மனைவியை தாக்கி 20 பவுன் நகைகள் கொள்ளை முகமூடி கொள்ளையர்களுக்கு வலைவீச்சு
கீரனூரில் கணவன்-மனைவியை தாக்கி, 20 பவுன் நகைகள் மற்றும் ரூ.20 ஆயிரத்தை கொள்ளையடித்து சென்ற 3 முகமூடி கொள்ளையர்களை போலீசார் வலைவீசி தேடி வருகின்றனர்.
2. திருச்செங்கோடு அருகே மனைவி அடித்துக்கொலை ரவுடிக்கு போலீஸ் வலைவீச்சு
திருச்செங்கோடு அருகே மனைவி அடித்துக்கொலை செய்யப்பட்டார். இது தொடர்பாக ரவுடியை போலீசார் வலைவீசி தேடி வருகின்றனர்.
3. மதுக்கடையின் பூட்டை உடைத்து ரூ.12 ஆயிரம் மதுபாட்டில்கள் கொள்ளை மர்ம நபர்களுக்கு வலைவீச்சு
மன்னார்குடி அருகே மதுக்கடையின் பூட்டை உடைத்து ரூ.12 ஆயிரம் மதிப்புள்ள மதுபாட்டில்களை கொள்ளையடித்து சென்ற மர்ம நபர்களை போலீசார் வலைவீசி தேடி வருகிறார்கள்.
4. நாய்கள் கடித்து குதறிய நிலையில் பச்சிளம் குழந்தை உடல் மீட்பு போலீசார் விசாரணை
திருத்துறைப்பூண்டி அருகே நாய்கள் கடித்து குதறிய நிலையில் பச்சிளம் குழந்தையின் உடலை போலீசார் மீட்டு, விசாரணை நடத்தி வருகின்றனர்.
5. ராயக்கோட்டை அருகே காட்டில் தூக்கில் வாலிபர் பிணம் யார் அவர்? போலீசார் விசாரணை
ராயக்கோட்டை அருகே காட்டில், தூக்கில் வாலிபர் பிணம் தொங்கியது. அவர் யார்? என்பது குறித்து போலீசார் விசாரணை நடத்தி வருகிறார்கள்.