மாவட்ட செய்திகள்

செஞ்சி அருகே மோட்டார் சைக்கிள்கள் மோதல்; வாலிபர் பலி + "||" + Motorcycle collision near senji; Kills youth

செஞ்சி அருகே மோட்டார் சைக்கிள்கள் மோதல்; வாலிபர் பலி

செஞ்சி அருகே மோட்டார் சைக்கிள்கள் மோதல்; வாலிபர் பலி
செஞ்சி அருகே மோட்டார் சைக்கிள்கள் மோதிய விபத்தில் வாலிபர் பலியானார். கிராம மக்கள் சாலை மறியலால் போக்குவரத்து பாதிக்கப்பட்டது.
செஞ்சி, 


செஞ்சி அருகே உள்ள மணியம்பட்டு கிராமத்தை சேர்ந்தவர் முருகன்(வயது 30). இவர் தனது மோட்டார் சைக்கிளில் செஞ்சி-திண்டிவனம் சாலையில் சென்று கொண்டிருந்தார். இதேபோல் விக்கிரவாண்டி அருகே உள்ள வி.சாலை கிராமத்தை சேர்ந்த தாமோதரன் மகன் தர்மலிங்கம்(29) என்பவர் செஞ்சி நோக்கி மோட்டார் சைக்கிளில் வந்து கொண்டிருந் தார். ராஜாம்புலியூர் என்ற இடத்தில் இருவரது மோட்டார் சைக்கிளும் நேருக்கு நேர் மோதிக்கொண்டன. இதில் தர்மலிங்கம் பலியானார். படுகாயமடைந்த முருகன், சிகிச்சைக்காக முண்டியம்பாக்கம் அரசு மருத்துவமனைக்கு அனுப்பி வைக்கப்பட்டார்.

இதனிடையே ராஜாம்புலியூர் கிராம மக்கள் செஞ்சி -திண்டிவனம் சாலையில் மறியலில் ஈடுபட்டனர். இது பற்றி தகவல் அறிந்ததும் செஞ்சி போக்குவரத்து போலீஸ் இன்ஸ்பெக்டர் கோதண்டம் தலைமையிலான போலீசார் விரைந்து வந்து, கிராம மக்களிடம் பேச்சுவார்த்தை நடத்தினர். அப்போது கிராம மக்கள், பாதியில் நிறுத்தப்பட்ட சாலை விரிவாக்க பணியால் அடிக்கடி விபத்து நடக்கிறது. அந்த பணியை மீண்டும் தொடங்கி, விரைந்து முடிக்க வேண்டும் என்று கூறினர். அதற்கு போலீசார், இது தொடர்பாக உயர் அதிகாரிகளிடம் தெரிவித்து நடவடிக்கை எடுக்கப்படும் என்று கூறினர். இதையடுத்து கிராம மக்கள் கலைந்து சென்றனர். இந்த மறியல் போராட்டத்தால் செஞ்சி-திண்டிவனம் சாலையில் 2 மணி நேரம் போக்குவரத்து பாதிக்கப்பட்டது.

பலியான தர்மலிங்கம், செஞ்சி அருகே ரெட்டிப்பாளையத்தில் உள்ள அவரது மாமியார் வீட்டில் குடும்பத்துடன் தங்கி இருந்தார் என்பது குறிப்பிடத்தக்கது. 

தொடர்புடைய செய்திகள்

1. உசிலம்பட்டி அருகே மோட்டார் சைக்கிள் மீது கார் மோதல், வாலிபர் பலி
உசிலம்பட்டி அருகே மோட்டார் சைக்கிள் மீது கார் மோதிய விபத்தில் வாலிபர் பலினார்.
2. பேராவூரணி அருகே மோட்டார் சைக்கிள்கள் நேருக்கு நேர் மோதல்: என்ஜினீயர் பலி; 2 பேர் படுகாயம்
பேராவூரணி அருகே மோட்டார் சைக்கிள்கள் நேருக்கு நேர் மோதிக்கொண்ட விபத்தில் என்ஜினீயர் உயிரிழந்தார். அவரது நண்பர் உள்பட 2 பேர் படுகாயம் அடைந்தனர்.
3. மோட்டார் சைக்கிள்கள் நேருக்கு நேர் மோதல்; ஒருவர் பலி - சிறுவன் உள்பட 3 பேர் படுகாயம்
மோட்டார் சைக்கிள்கள் நேருக்கு நேர் மோதிய விபத்தில் ஒருவர் பலியானார். மேலும் சிறுவன் உள்பட 3 பேர் படுகாயம் அடைந்தனர்.
4. மோட்டார்சைக்கிளில் சென்ற போது, லாரி சக்கரத்தில் சிக்கி வாலிபர் பலி - ஆஸ்பத்திரியில் உறவினர்கள் திரண்டதால் பரபரப்பு
திருப்பூரில் மோட்டார்சைக்கிளில் சென்ற வாலிபர் நிலைதடுமாறி கீழே விழுந்ததில் லாரியின் சக்கரத்தில் சிக்கி பலியானார். இவரது உறவினர்கள் அரசு ஆஸ்பத்திரி வளாகத்தில் திரண்டதால் அங்கு பரபரப்பு ஏற்பட்டது. இது பற்றி போலீஸ் தரப்பில் கூறப்படுவதாவது:-
5. கிங் சர்க்கிளில் 18 மோட்டார் சைக்கிள்கள் தீயில் எரிந்து நாசம்
கிங்சர்க்கிளில் 18 மோட்டார் சைக்கிள்கள் தீயில் எரிந்து நாசமாகின.இதுகுறித்து போலீசார் விசாரணை நடத்தி வருகின்றனர்.

அதிகம் வாசிக்கப்பட்டவை