மாவட்ட செய்திகள்

மதசார்பற்றவர்கள் ஒன்றுசேரும் நேரம் வந்துவிட்டது - அமைச்சர் நமச்சிவாயம் பேச்சு + "||" + It is time for the secularists to join

மதசார்பற்றவர்கள் ஒன்றுசேரும் நேரம் வந்துவிட்டது - அமைச்சர் நமச்சிவாயம் பேச்சு

மதசார்பற்றவர்கள் ஒன்றுசேரும் நேரம் வந்துவிட்டது - அமைச்சர் நமச்சிவாயம் பேச்சு
மதச்சார்பற்றவர்கள் ஒன்றுசேரம் நேரம் வந்துவிட்டது என்று அமைச்சர் நமச்சிவாயம் பேசினார்.

புதுச்சேரி,

விடுதலை சிறுத்தைகளின் பொதுச்செயலாளரும், எழுத்தாளருமான ரவிக்குமாரை படுகொலை செய்ய திட்டம் தீட்டியுள்ள இந்துத்துவா பயங்கரவாதிகள் மீது நடவடிக்கை எடுக்கக்கோரி விடுதலை சிறுத்தைகள் கட்சி சார்பில் புதுவையில் ஆர்ப்பாட்டம் நடந்தது. சுதேசி மில் அருகே நடந்த இந்த ஆர்ப்பாட்டத்துக்கு விடுதலை சிறுத்தைகள் கட்சி முதன்மை செயலாளர் தேவ.பொழிலன் தலைமை தாங்கினார்.

நிர்வாகிகள் அமுதவன், தமிழ்மாறன், செல்வ.நந்தன், பொன்.செந்தமிழ்செல்வன் ஆகியோர் முன்னிலை வகித்தனர். இந்த ஆர்ப்பாட்டத்தில் விடுதலை சிறுத்தைகளின் தலைவர் திருமாவளவன் கலந்துகொள்வதாக இருந்தது. உடல்நலக்குறைவு காரணமாக அவர் ஓய்வெடுப்பதால் அவர் கலந்துகொள்ளவில்லை.

ஆர்ப்பாட்டத்தில் புதுவை காங்கிரஸ் தலைவரும், அமைச்சருமான நமச்சிவாயம் கலந்துகொண்டு கண்டன உரையாற்றினார். அப்போது அவர் பேசியதாவது:–

நாட்டை ஆளும் பாரதீய ஜனதா கட்சி அடக்குமுறையை கையாண்டு வருகிறது. தங்களுக்கு எதிராக யாரும் கருத்து சொல்லக்கூடாது என்று நினைக்கிறது. இதற்காக எழுத்தாளர்கள், முற்போக்கு சிந்தனைவாதிகளை மிரட்டி வருகிறது.

அவர்களை எதிர்த்து கருத்து சொல்லக்கூடாது என்றால் இது என்ன சர்வாதிகார நாடா? இந்திய ஒரு ஜனநாயக நாடு. சமீபத்தில் கூட சோபியா என்ற மாணவி பாரதீய ஜனதா அரசுக்கு எதிராக கோ‌ஷமிட்டார் என்பதற்காக அவரை கைது செய்தார்கள்.

எழுத்தாளர் ரவிக்குமாருக்கு புதுவை அரசு உரிய பாதுகாப்பு வழங்கி உள்ளது. அவருக்கு பின்னால் நிறைய பேர் உள்ளனர். மதவாதிகளுக்கு எதிராக மதச்சார்பற்றவர்கள் ஒன்றுசேரும் நேரம் வந்துவிட்டது.

இவ்வாறு அமைச்சர் நமச்சிவாயம் பேசினார்.


தொடர்புடைய செய்திகள்

1. கொடநாடு சம்பவத்தில் குற்றம் சாட்டப்பட்டதும் முதல்–அமைச்சர் ஏன் பயப்படுகிறார்? டி.டி.வி.தினகரன் பேட்டி
கொடநாடு சம்பவத்தில் குற்றம் சாட்டப்பட்டதும் முதல்–அமைச்சர் எடப்பாடி பழனிச்சாமி ஏன் பயப்படுகிறார்? என டி.டி.வி.தினகரன் கேள்வி எழுப்பியுள்ளார்.
2. சிவகாசி அருகே நடுவப்பட்டியில் ஜல்லிக்கட்டு அமைச்சர் கே.டி.ராஜேந்திரபாலாஜி தொடங்கி வைத்தார்
சிவகாசி அருகே ஈஞ்சார் நடுவப்பட்டியில் நேற்று நடைபெற்ற ஜல்லிக்கட்டு நிகழ்ச்சியை அமைச்சர் கே.டி.ராஜேந்திர பாலாஜி தொடங்கி வைத்தர்.
3. விழுப்புரத்தில் ரூ.7¾ கோடியில் ஒருங்கிணைந்த ஊரக வளர்ச்சித்துறை அலுவலக கட்டிடம் கட்டும் பணி அமைச்சர் சி.வி.சண்முகம் தொடங்கி வைத்தார்
விழுப்புரத்தில் ரூ.7¾ கோடி மதிப்பில் ஒருங்கிணைந்த ஊரக வளரச்சித்துறை அலுவலக கட்டிடம் கட்டும் பணியை அமைச்சர் சி.வி.சண்முகம் தொடங்கி வைத்தார்.
4. எந்த தேர்தல் வந்தாலும் அ.தி.மு.க. மிகப்பெரிய வெற்றி பெறும் அமைச்சர் கே.பி.அன்பழகன் பேச்சு
எந்த தேர்தல் வந்தாலும் அ.தி.மு.க. மிகப்பெரிய வெற்றி பெறும் என்று தர்மபுரி பொதுக்கூட்டத்தில் அமைச்சர் கே.பி.அன்பழகன் பேசினார்.
5. மின்வாரிய உதவி பொறியாளர் பணியிட தேர்வு முடிவுகள் ஒரு வாரத்தில் வெளியிடப்படும் அமைச்சர் தங்கமணி பேட்டி
தமிழ்நாடு மின்வாரிய உதவி பொறியாளர் பணியிட தேர்வு முடிவுகள் ஒரு வாரத்தில் வெளியிடப்படும் என அமைச்சர் தங்கமணி கூறினார்.