மாவட்ட செய்திகள்

காமசாஸ்திர சிற்பங்கள் நிறைந்த குளத்தை உதவி கலெக்டர் ஆய்வு + "||" + An assistant collector surveyed with a large bathing sculpture

காமசாஸ்திர சிற்பங்கள் நிறைந்த குளத்தை உதவி கலெக்டர் ஆய்வு

காமசாஸ்திர சிற்பங்கள் நிறைந்த குளத்தை உதவி கலெக்டர் ஆய்வு
தண்டராம்பட்டு அருகே காமசாஸ்திரத்தை விளக்கும் சிற்பங்கள் நிறைந்த குளத்தை உதவி கலெக்டர் நேரில் பார்வையிட்டு ஆய்வு செய்தார். அப்போது அவர் கூறுகையில், அந்தக் குளம் தொல்லியல் துறையிடம் ஒப்படைக்கப்படும், என்றார்.
தண்டராம்பட்டு,


திருவண்ணாமலை மாவட்டம் வரலாற்றுச் சிறப்பு மிக்க மாவட்டமாகும். மாவட்டத்தின் பல்வேறு இடங்களில் பழமை வாய்ந்த கல்வெட்டுகள், அரிய வகை சிற்பங்கள், நடுகற்கள் போன்றவை அடிக்கடி கண்டெடுக்கப்பட்டு வருகின்றன. இவை அனைத்தும் வேலூர் அருங்காட்சியகத்தில் பராமரிக்கப்பட்டு வருகின்றன.

திருவண்ணாமலை மாவட்டத்தின் வரலாற்றைப் பறைசாற்றும் விதமாக தானிப்பாடி அருகே சின்னியம்பேட்டை என்னும் இடத்தில் தொல்லியல்துறை கட்டுப்பாட்டில் ஒரு குளம் உள்ளது. இந்தக் குளத்தின் கரையைச் சுற்றி காமசாஸ்திர சிற்பங்கள் ஏராளமாக செதுக்கப்பட்டுள்ளன. அந்தக் குளத்தைத் தொல்லியல் துறையினர் பராமரித்து வருகின்றனர்.

அதேபோல் தண்டராம்பட்டு அருகே கீழ்ராவந்தவாடி என்ற கிராமத்தில் 45 சென்ட் பரப்பளவில் குளம் ஒன்று உள்ளது. அந்தக் குளத்தை மக்கள் காமசூத்திரா குளம் என அழைக்கின்றனர். அந்தக் குளத்தைச் சுற்றிலும் படிக்கட்டுகளில் காம சாஸ்திரத்தைக் குறிக்கும் வகையில் சிற்பங்கள் செதுக்கப்பட்டுள்ளன.

அந்தக் குளம் வருவாய்த்துறைக் கட்டுப்பாட்டில் உள்ளது. மேலும் பராமரிக்கப்படாததால், படிக்கட்டுகள் உடைந்து, சிதலமடைந்து வருகின்றன. இந்த அரிய சிற்பங்கள் நிறைந்த குளம் தூர்ந்துபோய், சிற்பங்கள் சிதையும் நிலையில் உள்ளன. அந்தக் குளத்தைப் பராமரித்து, வரலாற்றுச் சின்னங்களை பாதுகாக்க வேண்டும் என வரலாற்று ஆய்வாளர்கள் கோரிக்கை விடுத்து வந்தனர்.

இந்தநிலையில் கீழ்ராவந்தவாடியில் உள்ள காமசாஸ்திரத்தை விளக்கும் குளத்தைத் தொல்லியல் துறையிடம் ஒப்படைக்க வருவாய்த்துறையினர் முடிவு செய்தனர். அதன்படி திருவண்ணாமலை உதவி கலெக்டர் தங்கவேல் மற்றும் வருவாய்த்துறையினர் அந்த குளத்தை நேரில் பார்வையிட்டு ஆய்வு செய்தனர்.

அந்தக் குளம் தொல்லியல் துறையிடம் ஒப்படைக்கப்படும், வரலாற்றுச் சின்னமாக பாதுகாக்க நடவடிக்கை எடுக்கப்படும் என வருவாய்த்துறையினர் தெரிவித்தனர். அந்த ஆய்வின்போது தாசில்தார் சுப்பிரமணியன், கிராம நிர்வாக அலுவலர் சம்பத் மற்றும் பலர் உடனிருந்தனர்.


தொடர்புடைய செய்திகள்

1. நாடாளுமன்ற தேர்தலுக்கான வாக்கு எண்ணிக்கை மையத்தில் கலெக்டர் ஆய்வு
நாமக்கல் நாடாளுமன்ற தேர்தலுக்கான வாக்கு எண்ணிக்கை மையத்தில் கலெக்டர் ஆசியா மரியம் நேற்று ஆய்வு மேற்கொண்டார்.
2. நாகியம்பட்டியில் இன்று ஜல்லிக்கட்டு முன்னேற்பாடு பணிகளை கலெக்டர் ரோகிணி ஆய்வு
நாகியம்பட்டியில் இன்று நடைபெறவுள்ள ஜல்லிக்கட்டு முன்னேற்பாடு பணிகளை கலெக்டர் ரோகிணி ஆய்வு மேற்கொண்டார்.
3. விஸ்வாசம் திரைப்படம் ஓடிக்கொண்டிருக்கும் தியேட்டரில் அதிகாரிகள் திடீர் ஆய்வு
விஸ்வாசம் திரைப்படத்திற்கு கூடுதல் கட்டணம் வசூலிப்பதாகவும், பிளாக்கில் டிக்கெட் விற்பனை செய்யப்படுவதாகவும் வருவாய்த்துறை அதிகாரிகளுக்கு ரகசிய தகவல் கிடைத்தது.
4. பொங்கல் பரிசு தொகுப்பு வழங்கும் பணியை அமைச்சர் ஆய்வு
திருச்சி கிழக்கு சட்டமன்ற தொகுதி 16-வது வார்டுக்கு உட்பட்ட பாபு ரோடு, தையல்காரத்தெரு பகுதியிலும் மற்றும் 18, 12-வது வார்டுக்கு உட்பட்ட பகுதிகளிலும் உள்ள ரேஷன்கடைகளில் தமிழக அரசின் பொங்கல் பரிசு தொகுப்பு வழங்கப்பட்டு வருகிறது.
5. தோகைமலை அருகே ராச்சாண்டார் திருமலையில் 17-ந்தேதி ஜல்லிக்கட்டு பாதுகாப்பு ஏற்பாடுகளை கலெக்டர் ஆய்வு
தோகைமலைஅருகே உள்ள ராச்சாண்டார் திருமலையில் வருகிற 17-ந்தேதி ஜல்லிக்கட்டு நடக்கிறது. இதற்கான பாதுகாப்பு ஏற்பாடுகளை கலெக்டர் ஆய்வு செய்தார்.