மாவட்ட செய்திகள்

குடிநீர் வினியோகம் செய்யக்கோரி கிராம மக்கள் சாலை மறியல் போக்குவரத்து பாதிப்பு + "||" + Road victims affected by road traffic for drinking water supply

குடிநீர் வினியோகம் செய்யக்கோரி கிராம மக்கள் சாலை மறியல் போக்குவரத்து பாதிப்பு

குடிநீர் வினியோகம் செய்யக்கோரி கிராம மக்கள் சாலை மறியல் போக்குவரத்து பாதிப்பு
உல்லியக்குடியில் குடிநீர் வினியோகம் செய்யக்கோரி கிராமமக்கள் சாலை மறியலில் ஈடுபட்டதால் போக்கு வரத்து பாதிக்கப்பட்டது.
விக்கிரமங்கலம்,

அரியலூர் மாவட்டம், விக்கிரமங்கலம் அருகே உல்லியக்குடி கிராமம் உள்ளது. இந்த கிராமத்தில் 100-க்கும் மேற்பட்ட குடும்பங்கள் வசித்து வருகின்றன. இப் பகுதி மக்களுக்கு மேல்நிலை நீர்த்தேக்க தொட்டி மூலம் குடிநீர் வினியோகம் செய்யப்பட்டு வந்தது. இந்நிலையில் பெரியார் நகரில் உள்ள மின்மாற்றி பழுதானதால் கடந்த ஒருவாரத்திற்கும் மேலாக மும்முனை மின்சாரம் துண்டிக்கப்பட்டது. இதனால் அப்பகுதியில் உள்ள மேல்நிலை நீர்த்தேக்க தொட்டிக்கு மின்மோட்டார் மூலம் தண்ணீர் ஏற்ற முடியவில்லை. இதனால் கிராமமக்கள் வெகு தொலைவில் சென்று குடிநீர் எடுத்து வந்தனர். இதுகுறித்து கிராமமக்கள் ஊராட்சி நிர்வாகம் மற்றும் மின்சார வாரிய அதிகாரிகளிடம் பல முறை புகார் கொடுத்தனர். ஆனால் இதுநாள் வரைக்கும் எந்த விதமான நடவடிக்கையும் எடுக்கப்படவில்லை.


இதனால் ஆத்திரமடைந்த கிராமமக்கள் குடிநீர் வினியோகம் செய்யக்கோரி உல்லியக்குடி-சுத்தமல்லி சாலையில் காலிக்குடங்களுடன் மறியலில் ஈடுபட்டனர். இதுகுறித்து தகவல் அறிந்த விக்கிரமங்கலம் போலீஸ் இன்ஸ்பெக்டர் பிரேமா, சுத்தமல்லி மின்வாரிய பொறி யாளர் சுரேஷ் ஆகியோர் சம்பவ இடத்திற்கு விரைந்து வந்தனர். பின்னர் சாலை மறியலில் ஈடுபட்ட கிராம மக்களிடம் பேச்சுவார்த்தை நடத்தினர். அப்போது உடனடியாக மின்மாற்றி சீரமைத்து, குடிநீர் வினியோகம் செய்ய நடவடிக்கை எடுக்கப்படும் என்று அதிகாரிகள் உறுதியளித்தனர். இதையடுத்து கிராமமக்கள் சாலை மறியலை கைவிட்டு அங்கிருந்து கலைந்து சென்றனர். இந்த சாலை மறியலால் உல்லியக்குடி- சுத்தமல்லி சாலையில் அரை மணி நேரம் போக்குவரத்து பாதிக்கப்பட்டது.


தொடர்புடைய செய்திகள்

1. போக்குவரத்து தொழிற்சங்க பேச்சுவார்த்தையில் முன்னேற்றம் நாளைய பேச்சில் இறுதி முடிவு?
போக்குவரத்து தொழிலாளர்கள் பிரச்சினை தொடர்பாக நேற்று நடந்த பேச்சுவார்த்தையில் முன்னேற்றம் ஏற்பட்டது. நாளை மீண்டும் நடைபெறும் பேச்சுவார்த்தையில் இறுதி முடிவு ஏற்படும் என எதிர்பார்க்கப்படுகிறது.
2. போக்குவரத்து கழக தொழிற்சங்கத்தினர் காத்திருப்பு போராட்டம்
தீபாவளி போனஸ் 25 சதவீதம் வழங்கக்கோரி போக்குவரத்து கழகத்தின் அனைத்து தொழிற்சங்கம் சார்பில் காத்திருப்பு போராட்டம் நடந்தது.
3. ‘வெல்டிங்’ தொழிலாளர்கள் வேலைநிறுத்தம் நீடிப்பு: பாய்லர் ஆலையில் ரூ.1000 கோடி உற்பத்தி பாதிப்பு
திருச்சி பாய்லர் ஆலையில் வெல்டிங் தொழிலாளர்கள் வேலை நிறுத்தம் நீடிப்பால் ரூ.1000 கோடி உற்பத்தி பாதிப்படைந்துள்ளதாகவும், கோரிக்கைகளுக்கு தீர்வு காண கலெக்டரிடம் தொழிற்சங்கத்தினர் முறையீட்டு மனு கொடுத்தனர்.
4. மரத்தின் மீது மோதி விபத்து: லாரியில் சிக்கி டிரைவர் படுகாயம் 3 மணி நேரம் போக்குவரத்து பாதிப்பு
ஒரத்தநாடு அருகே மரத்தில் லாரி மோதியது. இதில் லாரியில் சிக்கி படுகாயம் அடைந்த டிரைவரை மீட்கும் பணியால் 3 மணி நேரம் போக்கு வரத்து பாதிக்கப்பட்டது.
5. சரக்கு ரெயில் பெட்டிகளை பிரிக்கும் பணியால் நீடாமங்கலத்தில், 1½ மணிநேரம் போக்குவரத்து பாதிப்பு
சரக்கு ரெயில் பெட்டிகளை பிரிக்கும் பணியால் நீடாமங்கலத்தில் 1½ மணி நேரம் போக்குவரத்து பாதிக்கப்பட்டது.