மாவட்ட செய்திகள்

தலைமை ஆசிரியை திட்டியதால் பள்ளி வளாகத்துக்குள் வி‌ஷம் குடித்த மாணவி + "||" + Because of the headmaster Within the school premises A poisoned student

தலைமை ஆசிரியை திட்டியதால் பள்ளி வளாகத்துக்குள் வி‌ஷம் குடித்த மாணவி

தலைமை ஆசிரியை திட்டியதால் பள்ளி வளாகத்துக்குள் வி‌ஷம் குடித்த மாணவி
கோவையில் தலைமை ஆசிரியை திட்டியதால் பள்ளி வளாகத்துக்குள் மாணவி வி‌ஷம் குடித்தார். அவருக்கு அரசு ஆஸ்பத்திரியில் சிகிச்சை அளிக்கப்பட்டு வருகிறது.

கோவை,

கோவையில் உள்ள மாநகராட்சி பள்ளியில் 10–ம் வகுப்பு படித்து வரும் மாணவிக்கும், 9–ம் வகுப்பு படித்து வரும் மாணவிக்கும் இடையே தகராறு ஏற்பட்டு உள்ளது. நேற்று முன்தினம் மாலையில் அவர்கள் இருவரும் பள்ளி வராண்டாவில் நின்று தகராறு செய்து கொண்டு இருந்தனர்.

அப்போது அந்த வழியாக வந்த பள்ளியின் தலைமை ஆசிரியை அவர்கள் இருவரையும் அழைத்து திட்டியதாக தெரிகிறது. இதனால் அவர்கள் இருவரும் அழுதுகொண்டே வகுப்பறைக்கு சென்று உள்ளனர். அவர்களை சக மாணவிகள் சமாதானப்படுத்தி உள்ளனர். பின்னர் பள்ளிக்கூடம் முடிந்ததும் மாணவிகள் வீட்டிற்கு சென்று விட்டனர்.

இந்த நிலையில் நேற்று காலையில் பள்ளிக்கூடத்துக்கு வந்த அந்த 10–ம் வகுப்பு மாணவி, பூச்சி மருந்தையும் (வி‌ஷம்) கொண்டு வந்ததாக தெரிகிறது. அவர், காலை 10.30 மணியளவில் பள்ளி வளாகத்தில் வைத்து வி‌ஷ மருந்தை குடித்ததாக கூறப்படுகிறது. இது குறித்து தகவல் அறிந்த சக மாணவிகள் பள்ளி ஆசிரியைகளிடம் கூறினார்கள்.

உடனே அவர்கள் அந்த மாணவியை மீட்டு கோவை அரசு ஆஸ்பத்திரியில் சிகிச்சைக்காக அனுமதித் தனர். அங்கு அவருக்கு டாக்டர்கள் தீவிர சிகிச்சை அளித்து வருகிறார்கள். தற்போது அந்த மாணவி அபாய கட்டத்தை தாண்டி விட்டதாகவும், உயிருக்கு எவ்வித ஆபத்தும் இல்லை என்றும் டாக்டர்கள் தெரிவித்தனர்.

இது குறித்து போலீசார் கூறும்போது, ‘வி‌ஷம் குடித்த மாணவி, அந்த வி‌ஷத்தை விழுங்காமல் வாய் பகுதியிலேயே வைத்துள்ளார். இதனால் அவருக்கு எவ்வித ஆபத்தும் ஏற்பட வில்லை. எனினும் அவருக்கு தொடர்ந்து ஆஸ்பத்திரியில் சிகிச்சை அளிக்கப்பட்டு வருகிறது. இது தொடர்பாக இதுவரை யாரும் எவ்வித புகாரும் கொடுக்கவில்லை. புகார் கொடுத்தால் விசாரணை செய்து நடவடிக்கை எடுக்கப்படும்’ என்றனர்.



தொடர்புடைய செய்திகள்

1. பலாத்காரம் செய்யப்பட்ட மாணவி சாவு: கோட்டப்பட்டி போலீஸ் இன்ஸ்பெக்டர் இடமாற்றம் புதிய விசாரணை அதிகாரி நியமனம்
பாலியல் பலாத்காரம் செய்யப்பட்ட மாணவி உயிரிழந்ததால் அந்த வழக்கை விசாரித்த கோட்டப்பட்டி போலீஸ் இன்ஸ்பெக்டர் இடமாற்றம் செய்யப்பட்டார். புதிய விசாரணை அதிகாரியாக அரூர் மகளிர் போலீஸ் இன்ஸ்பெக்டர் லட்சுமி நியமிக்கப்பட்டார்.
2. விருதுநகர் அரசு ஆஸ்பத்திரியில் எம்.ஆர்.ஐ. ஸ்கேன் எந்திரத்தை பயன்பாட்டிற்கு கொண்டுவர கோரிக்கை
விருதுநகர் அரசு ஆஸ்பத்திரியில் ரூ.4 1/4 கோடி மதிப்பீட்டிலான எம்.ஆர்.ஐ. ஸ்கேன் எந்திரம் தயார் நிலையில் இருந்தும் பயன்பாட்டிற்கு வராமல் உள்ளதால் மாவட்ட நிர்வாகம் உரிய நடவடிக்கை எடுக்க வேண்டும் என கோரப்பட்டுள்ளது.
3. மருத்துவக்கல்லூரி மாணவி தற்கொலை: பாலியல் தொல்லை கொடுத்த 3 பேராசிரியர்கள் கைது சி.பி.சி.ஐ.டி. போலீசார் நடவடிக்கை
மருத்துவக்கல்லூரி மாணவி தற்கொலை வழக்கில் அவருக்கு பாலியல் தொல்லை கொடுத்ததாக 3 பேராசிரியர்களை சி.பி.சி.ஐ.டி. போலீசார் கைது செய்தனர்.
4. போதிய டாக்டர்கள் இல்லாததால் அரசு ஆஸ்பத்திரிகளில் சிகிச்சைக்காக பல மணி நேரம் காத்திருக்கும் மக்கள்
அரசு ஆஸ்பத்திரிகளில் போதிய டாக்டர்கள் இல்லாததால் சிகிச்சைக்காக வரும் பொதுமக்கள் பல மணி நேரம் காத்துக் கிடக்க வேண்டிய நிலை உள்ளது.
5. தி.மு.க. இளைஞரணி சார்பில் நடைபெறும் போட்டிகளில் அதிக மாணவ– மாணவிகளை பங்கு பெறச் செய்ய வேண்டும்
தி.மு.க. இளைஞரணி சார்பில் நடைபெறும் போட்டிகளில் அதிக மாணவ–மாணவிகளை பங்கு பெறச் செய்ய வேண்டும் என்று ஆலோசனை கூட்டத்தில் தீர்மானம் நிறைவேற்றப்பட்டது.