மாவட்ட செய்திகள்

காஞ்சீபுரத்தில் வக்கீலை வெட்டிய வழக்கில் 5 பேர் கைது + "||" + In kannchipuram In the case of the lawyer cut 5 people arrested

காஞ்சீபுரத்தில் வக்கீலை வெட்டிய வழக்கில் 5 பேர் கைது

காஞ்சீபுரத்தில் வக்கீலை வெட்டிய வழக்கில் 5 பேர் கைது
காஞ்சீபுரத்தில் வக்கீலை சரமாரியாக கத்தியால் வெட்டிய வழக்கில் 5 பேரை போலீசார் கைது செய்தனர். மேலும் சிலரை போலீசார் தேடி வருகின்றனர்.

காஞ்சீபுரம், 

காஞ்சீபுரத்தில் வக்கீலை சரமாரியாக கத்தியால் வெட்டிய வழக்கில் 5 பேரை போலீசார் கைது செய்தனர். மேலும் சிலரை போலீசார் தேடி வருகின்றனர்.

கத்தி வெட்டு

காஞ்சீபுரம் பிள்ளையார்பாளையம் மண்டபம் தெருவை சேர்ந்தவர் சிவக்குமார் (வயது 26). இவர் சென்னை ஐகோர்ட்டில் வக்கீலாக பணிபுரிந்து வருகிறார். இந்த நிலையில் சிவக்குமார் வீட்டில் இருந்தபோது திடீரென 6 பேர் கொண்ட கும்பல் இவரை கத்தியால் சரமாரியாக வெட்டி விட்டு அங்கிருந்து தப்பி சென்று விட்டனர்.

இதையடுத்து அவர் சிகிச்சைக்காக ஆஸ்பத்திரியில் அனுமதிக்கப்பட்டார்.

ரகசிய தகவல்

இதுகுறித்து காஞ்சீபுரம் நகர துணை போலீஸ் சூப்பிரண்டு எம்.பாலசுப்பிரமணியன் மேற்பார்வையில் பெரிய காஞ்சீபுரம் போலீசார் விசாரணை நடத்தி வந்தனர். மேலும், இந்த வழக்கில் குற்றவாளிகளை உடனடியாக கண்டுபிடிக்க காஞ்சீபுரம் மாவட்ட போலீஸ் சூப்பிரண்டு சந்தோஷ் ஹதிமானி, காஞ்சீபுரம் நகர துணை போலீஸ் சூப்பிரண்டு எம்.பாலசுப்பிரமணியத்திற்கு உத்தரவிட்டார்.

அவரது மேற்பார்வையில் தனிப்படை போலீஸ் சப்–இன்ஸ்பெக்டர் துளசி, முரளி, சிவக்குமார் மற்றும் போலீசார் வக்கீலை வெட்டிய குற்றவாளிகளை பல்வேறு இடங்களுக்கு சென்று வலைவீசி தேடி வந்தனர். இந்த நிலையில், காஞ்சீபுரம் நகர துணை போலீஸ் சூப்பிரண்டு எம்.பாலசுப்பிரமணியத்திற்கு ரகசிய தகவல் கிடைத்தது. அதில் பெரிய காஞ்சீபுரம் பகுதியில் ரவுடிகள் ஒரு இடத்தில் கும்பலாக இருப்பதாக தகவல் வந்தது. உடனடியாக தனிப்படை போலீசார் அங்கு விரைந்து சென்றனர்.

5 பேர் கைது

அப்போது அங்கிருந்த காஞ்சீபுரம் தாமல் பகுதியை சேர்ந்த மணிமாறன் (28), முனியாண்டி (25), துளசிராமன் (24), புளியரம்பாக்கத்தை சேர்ந்த மணிகண்டன் (25), தூசி மாமண்டூரை சேர்ந்த இஸ்மாயில் (27) ஆகியோரை சுற்றிவளைத்து பிடித்தனர்.

பின்னர் போலீஸ் நிலையத்திற்கு அழைத்து சென்று விசாரணை செய்தனர். அப்போது அவர்கள் வக்கீல் சிவக்குமாரை கத்தியால் வெட்டியது தெரியவந்தது. இதையொட்டி இவர்களை பெரிய காஞ்சீபுரம் போலீசார் கைது செய்தனர். அவர்களிடம் இருந்து கத்திகளை போலீசார் பறிமுதல் செய்தனர்.

வலைவீச்சு

கைது செய்யப்பட்ட 5 பேரும் காஞ்சீபுரம் குற்றவியல் கோர்ட்டில் ஆஜர்படுத்தப்பட்டனர். பின்னர் அவர்கள் வேலூர் மத்திய சிறையில் அடைக்கப்பட்டனர்.

மேலும் விசாரணையில் காஞ்சீபுரத்தில் தினேஷ், தணிகா ஆகியோர் தனித்தனியாக ரவுடிகளாக செயல்பட்டு வருகின்றனர். இந்த நிலையில் வக்கீல் சிவக்குமாருக்கு மூளையாக ரவுடி தணிகா இருந்துள்ளார்.

இதனால் முன்விரோதம் காரணமாக மற்றொரு ரவுடியான தினேஷ் கோஷ்டி வக்கீல் சிவக்குமாரை தீர்த்துக்கட்ட இந்த சதிதிட்டம் தீட்டியுள்ளதாக போலீஸ் விசாரணையில் தெரியவந்தது. இந்த வழக்கில் மேலும் சிலரை வலைவீசி தேடி வருகின்றனர்.



தொடர்புடைய செய்திகள்

1. சபரிமலை விவகாரத்தில் சுரேந்திரன் கைது; எதிர்ப்பு தின போராட்டத்தில் ஈடுபடும் பா.ஜ.க.
கேரள மாநில பா.ஜ.க. பொது செயலாளர் சுரேந்திரனின் கைதுக்கு எதிர்ப்பு தெரிவித்து அக்கட்சி இன்று எதிர்ப்பு தினம் கடைப்பிடிக்கிறது.
2. கத்தியைக் காட்டி மிரட்டி லாரி அதிபரிடம் பணம், செல்போன் பறிப்பு; 2 வாலிபர்கள் கைது
கொம்பாக்கத்தில் லாரி அதிபரிடம் கத்தியைக் காட்டி மிரட்டி பணம், செல்போன் பறித்த 2 வாலிபர்களை போலீசார் கைது செய்தனர். மற்றொருவரை வலைவீசி தேடி வருகிறார்கள்.
3. தண்டராம்பட்டு அருகே நாட்டு துப்பாக்கியுடன் சுற்றி திரிந்த 3 பேர் கைது
தண்டராம்பட்டு அருகே சாத்தனூர் வனப்பகுதியில் நேற்று முன்தினம் வன அலுவலர் ராமநாதன் தலைமையில் வனவர்கள் வெங்கட்ராமன், குமார் ஆகியோர் ரோந்து பணியில் ஈடுபட்டனர். அப்போது அங்கு 3 பேர் நாட்டுத் துப்பாக்கியுடன் சுற்றித் திரிந்து கொண்டிருந்தனர்.
4. ரூ.50 லட்சம் கேட்டு கடத்தப்பட்ட பள்ளி மாணவி மீட்பு : 2 பேர் கைது
பிம்பிரியில் ரூ.50 லட்சம் கேட்டு கடத்தப்பட்ட பள்ளி மாணவி 12 மணி நேரத்தில் மீட்கப்பட்டாள். அவளை கடத்திய 2 பேரை போலீசார் கைது செய்தனர்.
5. தமராக்கியில் வீடுகளை சேதப்படுத்திய வழக்கு 4 பெண்கள் உள்பட 11 பேர் கைது
தமராக்கியில் வீடுகளை சேதப்படுத்திய வழக்கில் 4 பெண்கள் உள்பட 11 பேரை போலீசார் கைது செய்தனர்.