மாவட்ட செய்திகள்

சுத்தமான குடிநீர் வழங்க கோரி குளச்சல் நகராட்சி அலுவலகத்தை பொதுமக்கள் முற்றுகை + "||" + Public Siege of the Municipal Corporation of Kolachal for demanding clean drinking water

சுத்தமான குடிநீர் வழங்க கோரி குளச்சல் நகராட்சி அலுவலகத்தை பொதுமக்கள் முற்றுகை

சுத்தமான குடிநீர் வழங்க கோரி குளச்சல் நகராட்சி அலுவலகத்தை  பொதுமக்கள் முற்றுகை
சுத்தமான குடிநீர் வழங்க கோரி குளச்சல் நகராட்சி அலுவலகத்தை பொதுமக்கள் முற்றுகையிட்டு போராட்டம் நடத்தினார்கள்.
குளச்சல்,

குளச்சல் நகராட்சிகுட்பட்ட  கொட்டில்பாடு, சுனாமி காலனி, சிங்காரவேலர் காலனி, அந்தோணியார் காலனி, களிமார், பி.எஸ்.புரம், கிரீன்தெரு, ஈழக்காணி தெரு, முகைதீன் பள்ளி தெரு, வாய்க்கால் தெரு ஆகிய பகுதி மக்களுக்கு கடந்த ஒரு ஆண்டாக உப்பான குடிநீர் வினியோகம் செய்யப்படுகிறது. இதனை பொதுமக்களால் குடிக்க முடியவில்லை.


 எனவே சுத்தமான குடிநீர் வழங்க வேண்டும் என அப்பகுதி பொதுமக்கள் வலியுறுத்தி வந்தனர்.

இந்நிலையில் நேற்று காலை அப்பகுதியை சேர்ந்த பெண்கள் உள்பட ஏராளமான பொதுமக்கள் குளச்சல் நகராட்சி அலுவலக வளாகத்தில் திரண்டனர். பின்னர் அலுவலகம் முன் அமர்ந்து முற்றுகையிட்டு போராட்டத்தில் ஈடுபட்டனர்.

அப்போது, அவர்கள் சுத்தமான குடிநீர் வழங்க வேண்டும் என கோ‌ஷமிட்டனர். போராட்டத்தில் குளச்சல் நகர தி.மு.க.பொறுப்பாளர் ரகீம், மாவட்ட மீனவர் அணி துணை அமைப்பாளர் பனிக்குருசு, முன்னாள் கவுன்சிலர்கள் நூர்முகம்மது, லாரன்ஸ், நசீம், ஜெயக்குமார், சுரேஷ், டென்னிஸ் ஆகியோரும் கலந்து கொண்டனர்.

 இதுபற்றி தகவல் அறிந்த குளச்சல் சப்– இன்ஸ்பெக்டர் சுஜித் ஆனந்த் சம்பவ இடத்துக்கு விரைந்து சென்று, நகராட்சி பொறியாளர் சுரேஷ் முன்னிலையில் பேச்சுவார்த்தை நடத்தினார். முடிவில் விரைவில் சுத்தமான குடிநீர் வழங்க நடவடிக்கை எடுக்கப்படும் என்றும், இதற்கான பணிகள் இன்று (வியாழக்கிழமை) தொடங்கப்படும் என்றும் அதிகாரிகள் உறுதியளித்தனர். அதைதொடர்ந்து அனைவரும் கலைந்து சென்றனர்.

இந்த திடீர் போராட்டத்தால் நகராட்சி அலுவலகத்தில் சிறிது நேரம் பரபரப்பு ஏற்பட்டது.


தொடர்புடைய செய்திகள்

1. பெண்களை அவதூறாக பேசியவரை கைது செய்யக்கோரி போலீஸ் நிலையத்தை இளைஞர்கள் முற்றுகை
பெண்களை அவதூறாக பேசியவரை கைது செய்யக்கோரி போலீஸ் நிலையத்தை இளைஞர்கள் முற்றுகையிட்டனர்.
2. புதுவை– கடலூர் சாலையில் உள்ள வனப்பகுதியில் பொதுமக்கள் நடைபயணம் செல்லும் திட்டம்; கவர்னர் தொடங்கி வைத்தார்
புதுவை–கடலூர் சாலையில் உள்ள வனப்பகுதியில் 3 கி.மீ. தூரத்திற்கு பொதுமக்கள் நடந்து செல்ல அனுமதி வழங்கப்பட்டுள்ளது. நடைபயணம் செல்லும் திட்டத்தை கவர்னர் கிரண்பெடி தொடங்கி வைத்தார்.
3. பள்ளிப்பட்டில் கரும்பு வாகனங்களால் போக்குவரத்து நெரிசல் பொதுமக்கள் அவதி
பள்ளிப்பட்டில் கரும்பு ஏற்றி வரும் வாகனங்களால் போக்குவரத்து நெரிசல் ஏற்படுகிறது. இதனால் பொதுமக்கள் அவதிக்குள்ளாகின்றனர்.
4. ஆப்பூர் ஊராட்சியில் வெளிமாநில மது விற்பனை; நடவடிக்கை எடுக்க பொதுமக்கள் கோரிக்கை
ஆப்பூர் ஊராட்சியில் வெளிமாநில மது விற்பனை செய்யப்படுகிறது. இது குறித்து நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.
5. பள்ளியாடி அருகே மீண்டும் திறக்கப்பட்டுள்ள டாஸ்மாக் கடையை உடனடியாக மூட வேண்டும் பொதுமக்கள் மனு
பள்ளியாடி அருகே மீண்டும் திறக்கப்பட்டுள்ள டாஸ்மாக் கடையை உடனடியாக மூட கோரி கலெக்டர் அலுவலகத்தில் பொதுமக்கள் மனு கொடுத்தனர்.